Page Text
________________
मणण्णेणं मणहरेणं कण्णमणनिव्वुइकरेण सद्देण ते पदेसे सव्वतो समंता आपूरेमाणीओ-आपरेमाणीओ सिरीए अतीव-अतीव उवसोभेमाणीओ-उवसोभेमाणीओ चिटुंति विजयस्स णं दारस्स उभओ पासिं दुहओ निसीधियाए दो-दो वणमालाओ पन्नत्ताओ ताओ णं वनमालाओ नाणादुम-लय-किसलय-पल्लवसमाउलाओ छप्पयपरि-भुज्जमाण-सोभंतसस्सिरीयाओ पासाईयाओ दरिसणिज्जाओ अभिरुवाओ पडिरूवाओ पासाइयाओ ते पदेसे ओराले जाव गंधेणं आपूरेमाणीओ जाव चिट्ठति ।
[१६८] विजयस्स णं दारस्स उभओ पासिं दुहओ निसीहियाए दो-दो पगंठगा पन्नत्ता ते णं पगंठगा चत्तारि जोयणाई आयाम-विक्खंभेणं दो जोयणाई बाहल्लेणं सव्ववइरामया अच्छा जाव पडिरूवा तेसि णं पगंठगाणं उवरिं पत्तेयं-पत्तेयं पासायवडेंसगा पन्नत्ता ते णं पासायवडेंसगा चत्तारि जोयणाई उड्ढं उच्चत्तेणं दो जोयणाइं आयामविक्खंभेणं अब्भुग्गयमूसित-पहसितविव विविह-मणिरयणभत्तिचित्ता वाउद्दयविजयवेजयंती पडाग-च्छत्तातिच्छत्तकलिया तुंगा गगणतलमणुलिहंतसिहरा जालंतररयण पंजरुम्मिलितव्व मणिकगथूभियागा वियसियसयवत्त-पोंडरीय-तिल-करयणद्धचंदचित्ता अंतो बाहिं च सण्हा तवणिज्जवालुयापत्थडा सुहफासा सस्सिरीयरूवा पासादीया दरिसणिज्जा अभिरूवा पडिरूवा तेसि णं पासायवडेंसगाणं उल्लोया पउमलयाभत्तिचित्ता जाव सामलयाभत्तिचित्ता सव्वतवणिज्जमया अच्छा जाव पडिरूवा तेसि णं पासायवडेंसगाणं पत्तेयं-पत्तेयं अंतो बहुसमरमणिज्जे भूमिभागे पन्नत्ते से जहानामएआलिंगपुक्खरेति वा जाव मणीहिं उवसोभिए मणीहिं वण्णो गंधो फासो य नेयव्वो तेसि णं बहुसमरमणिज्ज
झदेसभाए पत्तेयं-पत्तेयं मणिपेढियाओ पन्नत्ताओ ताओ णं मणिपेढियाओ जोयणं आयामविक्खंभेण अद्धजोयणं बाहल्लेणं सव्वरयणामईओ अच्छाओ जाव पडिरूवाओ ।
तासि णं मणिपेढियाणं उवरिं पत्तेयं-पत्तेयं सीहासणे पन्नत्ते तेसि णं सीहासणाणं अयमेयारूवे वण्णावासे पन्नत्ते तं जहा- रययामया सीहा सोवण्णिया पादा तवणिज्जमया चक्कला नाणामणिमयाइं पायसीसगाइं जंबूणयमयाइं गत्ताइं वइरामया संधी नाणामणिमए वेच्चे ते णं सीहासणा ईहामिय-उसभ-जाव पउमलयभत्तिचित्ता ससारसारोवचियविविह-मणिरयणपायपीढा अत्थरग-मिउमसूरगपडिवत्ति-३
नवतयकुसंत-लिच्च-केसरपच्चुत्थ-ताभिरामा आईणग-रूय-बूर-नवनीत-तूलफासा सुविरचित्तरयत्ताणा ओयवियखो-मदुगुल्लपट्टपडिच्छयणा रत्तंसुयसंवुया सुरम्मा पासाईया दरिसणिज्जा अभिरूवा पडिरूवा तेसि णं सीहासणाणं उप्पिं पत्तेयं-पत्तेयं विजयदूसे पन्नत्ते ते णं विजयदूसा सेया संखंक-कुंद-दगरयअमतमहियफेणपुंजसन्निकासा सव्वरयणामया अच्छा जाव पडिरूवा तेसि णं विजयदूसाणं बहुमज्झदेसभाए पत्तेयं-पत्तेयं वइरामया अंकुसा पन्नत्ता तेसु णं वइरामएस अंकुसेसु पत्तेयं-पत्तेयं कुंभिक्का मुत्तदामा पन्नत्ता ते णं कुंभिक्का मुत्तादामा अण्णेहिं चउहिं कुंभिक्केहिं मुत्तादामेहिं तदछुच्चप्पमाणमेत्तेहिं सव्वतो समंता संपरिक्खित्ता ते णं दामा तवणिज्जलंबूसगा सुवण्ण-पयरगमंडिया जाव सिरीए अतीवअतीव उवसोभेमाणा-उवसोभेमाणा चिट्ठति तेसि णं पासाय-वडेंसगाणं उप्पिं बहवे अट्ठमंगलगा पन्नत्ता सोत्थिय तधेव जाव छत्ताइछत्ता |
__ [१६९] विजयस्स णं दारस्स उभओ पासिं दुओ निसीहियाए दो दो तोरणा पन्नत्ता वण्णओ जाव सहस्सपत्तहत्थगा तेसि णं तोरणाणं पुरतो दो-दो सालभंजियाओ पन्नत्ताओ वण्णओ तेसि णं तोरणाणं पुरतो दो-दो नागदंतगा पन्नत्ता नागदंतावण्णओ उवरिमणागदंता नत्थि तेसि णं तोरणाणं पुरतो दो-दो हयसंघाडा जाव उसभसंघाडा सव्वरयणामया अच्छा जाव पडिरूवा एवं पंतीओ वीहीओ मिहणगा दो
दीपरत्नसागर संशोधितः]
[60]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |