Page Text
________________
नाणामणिरयणजालपंजर-मणिवसंग-लोहितक्खपडिवंसगरयतभोमे अंकामया पक्खा पक्खबाहाओ जोतिरसामया वंसा वंसकवेल्लुयाओ य रययामईओ पट्टियाओ जायरूवमई ओहाऽडणीओ वइरामईओ उवरिपुंछणीओ सव्वसेतरययामए छादणे अंकमयकणगकूड-तवणिज्जथूभियाए सेते संखतलविमलनिम्मलदधि-धण-गोखीर-फेण-रययणिगरप्पगासे तिलगरयणद्धचंदचित्ते नानामणिमयदामालंकिए अंतो बहिं च सण्हे तवणिज्जवालुयापत्थडे सुहफासे सस्सिरीयरूवे पासादीए दरिसणिज्जे अभिरुवे पडिरूवे ।
विजयस्स णं दारस्स उभओ पासिं दुहओ निसीहियाए दो-दो वंदनकलसपरिवाडीओ पन्नत्ताओ ते णं वंदनकलसा वरकमलपइट्ठाणा सुरभिवरवारिपडिपुन्ना चंदणकयचच्चागा आविद्धकंठेगुणा पउमुप्पलपिहाणा सव्वरयणामया अच्छा जाव पडिरूवा महता-महता महिंदकुंभसमाणा पन्नत्ता समणाउसो विजयस्स णं दारस्स उभओ पासिं दुहओ निसीहिआए दो दो नागदंत परिवाडीओ ते णं नागदंतगा मुत्ताजलंतरुसियहेमजाल-गवक्खजाल-खिंखिणीघंटाजालपरिक्कित्ता अब्भुग्गता अभिणिसिट्ठा तिरियं सुसंपग्गहिता अहेपन्नगद्धरूवा पन्नगद्धसंठाणसंठिता सव्ववइरामया अच्छा जाव पडिरूवा महता-महता गयदंतसमाणा पन्ता समणाउसो तेसु णं नागदंतएसु बहवेकिण्हसुत्तबद्धा वगअधारितमल्लदामकलावा जाव सुक्किल सुत्तबद्धा वग्धारियमल्लदामकलावा ते णं दामा तवणिज्जलंबूसगा सुवण्णपतरगडिता नाणामणिरयण-विविधहारद्धहारउवसोभितसमुदया जाव सिरीए अतीव-अतीव उवसोभेमाणा-उवसोभेमाणा चिट्ठति तेसि णं नाणदंतगाणं उवरिं अण्णाओ दो दो नाणदंतपरिवाडीओ पन्नत्ताओ ते णं नागदंतगा मुत्ताजालंतरुसिय तहेव जाव समणाउसो तेसु णं नागतंदएसु बहवे रययामया सिक्कया पन्नत्ता तेसु णं रययामएसु सिक्कएसु बहवेवेरुलियामइओ धूवघडीओ पन्नत्ताओ ताओ णं धूवघडीओ कालागरुपवरकुंदुरुक्क-तुरुक्क-धूवमघमतगंधुद्धयाभिरामाओ सुगंधवरगंधगंधियाओ गंधवट्टिभूयाओ ओरालेणं मणण्णेणं मनहरेणं घाणमणविव्वइकरेणं गंधेणं ते पएसे सव्वतो समंता आपूरेमाणीओ-आपूरेमाणीओ सिरीएअतीव-अतीव उवसोभेमाणीओ-उवसोभेमाणीओ चिट्ठति ।।
विजयस्स णं दारस्स उभओ पासिं दुहओ निसीधियाए दो दो सालभंजिया-परिवाडीओ पडिवत्ति-३
पन्नत्ताओ ताओ णं सालभंजियाओ लीलहिताओ सुइट्ठियाओ सुअलंकिताओ नानाविहरागवसणाओ नाणामल्लपिणद्धाओ मुट्ठीगेज्झसुमज्झाओ आमेलगजमलजुयलवट्टियअब्भुण्णयपीणरचिसंठियप-ओहराओ रत्तावंगाओ असियकेसीओ मिविसयपसत्थ-लक्खण-संवेल्लितग्गसिरयाओ ईसिं असोगवरपादवसमद्विताओ वामहत्थगहितग्गसालाओ ईसिं अद्धच्चिकडक्कचेट्टिएहिं लूसेमाणीओ विव चक्खुल्लोयणेलेसेहिं अण्णमण्णं खज्जमाणो इव पढविपरिणामाओ सासयभाव-मवगताओ चंदाननाओ चंदविलासिणीओ चंदद्धसमनिडालाओ चंदाहियसोमदंसणाओ उक्का विव उज्जोएमाणीओ विज्जुधणमिरिय-सूरदिप्पंततदेय-अहिययरसंनिकासाओ सिंगारागारचारुवेसाओ पासादीयाओ दरिसणिज्जाओ अभिरुवाओ पडिरूवाओ तेयसा अतीव-अतीव उवसोभेमाणी-ओ-उवसोभेमाणीओ चिट्ठति विजयस्स णं दारस्स उभओ पासिं दुहतो निसीहियाए दो-दो जालकडगा पन्नत्ता ते णं जालकडगा सव्वरयणामया अच्छा जाव पडिरूवा विजयस्स णं दारस्स उभओ पासिं दुहओ निरीधियाए दो-दो घंडाओ पन्नत्ताओ तासि णं घंटाणं अयमेयारूवे वन्नावासे पन्नत्ते तं जहा- जंबूणयामईओ घंटाओ वइरामईओ लालाओ नाणामणिमया घंटापासा तवणिज्जमईओ संकलाओ रययामईओ रज्जूओ ताओ णं घंटाओ ओहस्सराओ मेहस्सराओ हंसस्सराओ कोंचस्सराओ सीहस्सराओ दुंदुहिस्सराओ नंदिस्सराओ नंदिघोसाओ मंजुस्सराओ मंजुघोसाओ सुस्सराओ सुस्सरघोसाओ ओरालेण [दीपरत्नसागर संशोधितः]
[59]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |