Page Text
________________
दगमंडवगा दगमंचका दगमालगा दगपासायगा ऊसडा खड्डा खडहडगा अंदोलगा पक्खंदोलगा सव्वरयणामया अच्छा जाव पडिरूवा तेसु णं उप्पायपव्वतेसु जाव पक्खंदोलएस् बहूइं हंसासणाई कोंचासणाइं गरुलासणाई उण्णयासणाइं पणयासणाई दीहासणाई भद्दासणाई पक्खासणाई मगरासणाई सीहासणाई पउमासणाई दिसासोवत्थियासणाइं सव्वरयणामयाइ अच्छाई जाव पडिरूवाइं तस्स णं वणसंडस्स तत्थ-तत्थ देसे तहिं-तहिं बहवे आलिघरगा मालिघरगा कयलिघरगा लयाघरगा अच्छणधरगा पेच्छणधरगा मज्जणधरगा पसाहणधरा गब्भधरगा मोहणधरगा आयंसघरगा सव्वरयणामया अच्छा जाव पडिरूवा तेसु णं आलिधरएसु जाव आयंसघरएसु बहूइं हंसासणाइं जाव दिसासोवत्थियासणाई सव्वरयणामयाइं अच्छाइं जाव पडिरूवाइं तस्स णं वणसंडस्स तत्थ-तत्थ देसे तहिं-तहिं बहवे जाईमंडवगा जूहिया-मंडवगा मल्लियामंडवगा नोमालियामंडवगा वासंतीमंडवगा दधिवासुयमंडवगा सूरिल्लिमंडवगा तंबोलीमंडवगा मुद्दियामंडवगा नागलयामंडवगा अतिमुत्तमंडवगा अप्फोतामंडवगा मालुयमंडवगा सामलयामंडवगा सव्वरयणामया अच्छा जाव पडिरूवा तेसु णं जाती-मंडवएस् जाव सामलयामंडवएस बहवे पुढविसिलापट्टगा पन्नत्ता तं जहा- अप्पेगतिया हंसासणसंठिता जाव अप्पेगतिया दिसासोवत्थियासण संठिता अण्णे च बहवे पुढविसिलापट्टगा वरसयणासणविसिट्ठसंठाणसंठिया पन्नत्ता समणाउसो आईणगरूय-बर-नवणीत तलाफासा सव्वरयणामया अच्छा जाव पडिरूवा तत्थ णं बहवे वाणमंतरा देवा देवीओ य आसयंति सयंति जाव कडाणं कम्माणं कल्लाणाणं कल्लाणं फलवित्तिविसेसं पच्चणुब्भवमाणा विहरंति तीसे णं जगतीए उप्पिं पउमवरवेदियाए अंतो एत्थ णं महं एगे वनसंडे पन्नत्तेदेसूणाई दो जोयणाई विक्खंभेणं जगतीसमए परिक्खेवेणं किण्हे किण्होभासे वणसंडवण्णओ तणसद्दविहणो नेयव्वो तत्थ णं बहवे वाणमंतरा देव देवीओ य आसयंति सयंति चिट्ठति निसीयंति तुयटॅति रमंति ललंति कीडंति मोहंति पुरा पोराणाणं सुचिण्णाणं सुपरक्कंतामं सुभाणं कडाणं कम्माणं जाव विहरंति ।
णं भंते दीवस्स कति दारा पन्त्ता गोयमा चत्तारि दारा पन्नत्ता तं जहा- विजये वेजयंते जयंते अपराजिते । पडिवत्ति-३
[१६७] कहि णं भंते जंबुद्दीवस्स दीवस्स विजये नामं दारे पन्नत्ते गोयमा जंबुद्दीवे दीवे मंदरस्स पव्वयस्स पुरत्थिमेणं पणयालीसं जोयणसहस्साइं अबाधाए जंबुद्दीवे दीवे पुरच्छिमपेरते लवणसमुद्दपुरच्छिमद्धस्स पच्चत्थिमेणं सीताए महानदीए उप्पिं एत्थ णं जंबुद्दीवस्स दीवस्स विजये नामं दारे पन्नत्ते-अट्ठ जोयणाई उड्ढं उच्चत्तेणं चत्तारि जोयणाइं विक्खंभेणं तावतियं चेव पवेसेणं सेए वरकणगथूभियागे ईहामिय-उसभ-तुग-जाव पउमलयभत्तिचित्ते खंभगतवइरवेदियापरिगताभिरामे विज्जाहरजमलजुयल-जंतजुत्ते इव अच्चीसहस्समालिणीए रूवगसहस्सकलिए भिसमाणे भिब्भिसमाणे चक्कुल्लोयणलेसे सुहफासे सस्सिरीयरूवे वण्णो दारस्स तस्सिमो होइ तं जहा- वइरामया नेमा रिट्ठामया पतिढाणा वेरुलियामया खंभा जायरूवौवचिय-पवरपंचवण्णमणिर-यण-कोट्टिमतले हंसगब्भमए एलुए गोमेज्जएमए इंदखीले लोहितक्खमईओ दारचेडाओ जोतिर-सामए उत्तरंगे वेरुलियामया कवाडा लोहितक्खमईओ सूईओ वइरामया संधी नानामणिमया समुग्गगा वइरामया अग्गला लोहितक्खमईओसूईओ वइरामयासंधी नानामणिमयासमग्गगा वइरामयाअग्गला अग्गलपासाया वइरामई आवत्तणपेढिया अंकुत्तरपासए निरंतरिघणकलाडे भित्तीसु चेव भित्तीगुलिया छप्पन्ना तिण्णि होंति गोमाणसिया तत्तिया नानामणिरयणवालरूवगलीलट्ठियसालभंजिया वइरामए कूडे रययामए उस्सेहे सव्वतवणिज्जमए उल्लोए
[दीपरत्नसागर संशोधितः]
[58]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |