Page Text
________________
भवे एयारूवे सिया नो तिणढे समढे से जहानामए-किण्णराण वा किंपरिसाण वा महोरगाण वा गंधव्वाणा वा भद्दसालवनगयाण वा नंदनवणगयाण वा सोमनसवणगयाण वा पंडगवनगयाण वा महाहिम-वंत-मलयमंदरगिरि-गुहसमण्णागयाण वा एगतो सहिताणं संमुहागयाणं समुपविट्ठाणं संनिविट्ठाणं पमुदियपक्कीलियाणं गीयरति-गंधव्वहरिसियमणाणं गज्जं पज्जं कत्थं गेयं पयबद्धं उक्खित्तायं पवत्तायं मंदायं रोचियावसाणं सत्तसरसमण्मगयं अट्ठरससुसंपउत्तं एक्कारसालंकारं छद्दोसविप्पमुक्कं अट्ठगुणोववेयं गुंजावंकुहरोवगूढं रत्तं तिट्ठाणकरणसुद्धं सकुहरगुंजंतवंस-तंती-तल-ताल-लय-गहसुसंपउत्तं मधुरं समं सललियं मनोहरं मउयरिभि-यपयसंचारं सुरतिं सुणतिं वरचारुरूवं दिव्वं नर्से सज्जं गेयं पगीयाणं भवे एयारूवे सिया गोयमा एवंभूए सिया ।।
[१६५] तस्स णं वनसंडस्स तत्थ-तत्थ देसे तहिं-तहिं बहुईओ खुड्डा-खुडियाओ वावीओ पुक्खरिणीओ दीहियाओ गुंजालियाओ सरसीओ सरपंतियओ सरसरपंतियाओ बिलपंतियाओ अच्छाओ सण्हाओ रययामयकूलाओ समतीराओ वइरामयपासाणाओ तवणिज्जतलाओ सुवण्ण-सुब्भ-रययवालुयाओ वेरुलियमणिफालियपडल-पच्चोयडाओ सुहोयारसुत्ताराओ नानामणि-तित्थ-सुबद्धाओ चाउक्कोणाओ आणुपुव्वसुजायवप्पगंभीरसीयलजलाओ संछण्णपत्तभिसमुणालाओ बहुउप्पल-कुमुद-नलिण-सुभग-सोगंधियपोंडरीय-सयपत्त-सहस्सपत्त-फुल्लकेसरोवचियाओ छप्पयपरिभुज्जमाणकमलाओ अच्छविमलसलिलपुन्नाओ परिहत्थडमंतमच्छकच्छभ-अणेगसउणमिणपविचरिय-सक्षुण्णइयमहरसरणाइयाओ पत्तेयं-पत्तेयं पउमवरवेदियापरिक्खित्ताओ पत्तेयं-पत्तेयंवणसंडपरिक्खित्ताओ अप्पेगतियाओ आसवोदाओ अप्पेगतियाओ वारुणोदाओ अप्पेगतियाओ खीरोदाओ अप्पेगतियाओ धओदाओ अप्पेगतियाओ खोदोदाओ अप्पेगतियाओ अमयरस-समरसोदाओ अप्पेगतियाओ पगतीए उदगरसेणं पन्नत्ताओ पासाइयाओ दरिसणिज्जाओ अभिरुवाओ पडिरूवाओ तासि णं खुड्डा-खुड्डणं वावीणं जाव बिलपंतियाणं पत्तेयं-पत्तेयं चउद्दिसिं चत्तारि तिसोवाण-पडिरूवगा पन्नत्ता तेसि णं तिसोवाणपडिरूवगाणं अयमेयरूव वण्णावासे पन्नत्ते तं जहावइरामया
नेमा पडिवत्ति-३
जाव पडिरूवाओ तेसि णं तिसोवाणपडिरूवगाणं पुरतो पत्तेयं-पत्तेयं तोरणे पन्नत्ते ते णं तोरणा नाणामणिमया नाणमणिमएसु खंभेसु उववणिविट्ठ-सण्णिविट्ठा विविहमुत्ततरोवचिया विविहतारारूवोवचिया ईहामिय-उसभ-तुरग-नर-मगर-विहगवालग-किन्नर-रुरु-सरभ-चमर-कुंजर-वणलय-पउमलयभत्तिचित्ता खंभुग्गयवइरवेदियापरिगताभिरामा विज्जाहरजमलजुयलजंतजुताविव अच्चिसहस्समालणीया रूवगहस्सकलिया भिसमाणा भिब्भिसमाणा चक्खुल्लोयणलेसा सुहफासा सस्सिरीयरूवा पासाइया दरिसणिज्जा अभिरूवा पडिरूवा ।
तेसि णं तोरणाणं उप्पिं अहह मंगलगा पन्नत्ता तं जहा- सोत्थिय सिरिवच्छणंदियावत्तंवद्धमाणग-भद्दासण-कलस-मच्छ-दप्पणा सव्वरयणामया अच्छा जाव पडिरूवा तेसि णं तोरणाणं उप्पिं बहवे किण्हचामरज्झाया नीलचामरज्झया लोहियचामरज्झया हालिद्दचामरज्झया सुक्किलचामरज्झया अच्छा सण्हा रुप्पट्टा वइरदंडा जलयामलगंधीया सुरूवा पासाइचया दरिसणिज्जा अभिरूवा पडिरूवा तेसि णं तोरणाणं उप्पिं बहवे छत्ताइछत्ता पडागाइपडागा घंटाजुयला चामरजुयला उप्पलहत्थगा जाव सहस्सपत्तहत्थगा सव्वरयणामया अच्छा जाव पडिरूवा तासि णं खुड्डाखुडियाणं वावीणं जाव बिलपंतियाणं तत्थ-तत्थ देसे तहिं-तहिं बहवे उप्पायपव्वया नियइपव्वयाग जगती-पव्वयगा दारुपव्वयगा
दीपरत्नसागर संशोधितः]
[57]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |