Page Text
________________
चिउरंगरागेति वा वरकणगेति वा वरकणगनिघसेति वा वरपुरिसवसणेति वा अल्लइकुसुमेति वा चंपाकुसुमेइ वा कुहंडियाकुसुमेति वा कोरंटकदामेइ वा कडवडाकुसुमेति वा घोसाडियाकुसुमेति वा सुवण्जूहिया कुसुमेति वा सुहिरण्मयाकुसुमेइ वा बीयगकुसुवमेति वा पीयासोएति वा पीयकणवीरेति वा पीयबंदुजीवेति वा भवे एयारूवे सिया नो इणढे समढे ते णं हालिद्दा मणी य तणा य एत्तो इतराए चेव जाव चेव वण्णेणं पन्नत्ता तत्थ णं जेते सुक्किलगा मणी य तणा य तेसि णं इमेतारूवे वण्णावासे पन्नत्ते से जहानामएअंकेति वा संखेति वा चंदेति वा कमदेति वा दगरएति वा दहिधणेति वा खीरेति वा खीरपूरेति वा हंसावलीति वा कोंचावलीति वा हारावलीति वा दरिधणेति वा खीरेति वा खीरपूरेति वा हंसावलीति वा कोचांवलीति वा हारावलीति वा बलायावलीति वा चंदावलीति वा सारइयबलाहएति वा धंतधोयरुप्पपट्टेइ वा सालिपिट्ठरासीति वा कुंदुप्फरासीति वा कुमुयरासीति वा सुक्कछिवाडीति वा पेहणमिजाति वा भिसेंति वा मिणालियाति वा गयदंतेति वा लवंगदलेति वा पोंडरीयदलेति वा सिंदुवारवरमल्लदामेति वा सेतासोएति वा सेयकणवीरेति वा सेयबंधुजीवेति वा भवे एयारूवे सिया नो तिणढे समढे ते णं सुक्किकला मणो य तणा य एत्तो इतराए चेव जाव वण्णेणं पन्नत्ता ।
तेसि णं भंते मणीण य तणाय य केरिसए गंधे पन्नत्ते से जहानामए-कोट्ठपुडाण वा पत्तपुडाण वा चोयपुडाण वा तगरपुडाण वा एलापुडाण वा चंपापुडाण वा दमणापुडाण वा कुंकुमपुडाण वा चंदणपुडाम वा उसीरपुडाण वा मरुयापुडाण वा जातिपुडा वा जूहियापुडाण वा मल्लियापुडाण वा पहाणमल्लियापुडाण वा केतकिपुडाण वा पाडलिपुडाण वा नोमालियपुडाण वा वासपुडाण वा कप्पूरपुडाण वा अनवायंसि उब्भिज्जमाणाण वा निभिज्जमाणाण वा कोट्टेज्जमाणाण वा रुचिज्जमाणाण वा उक्किरिज्जमाणाण वा विक्खरिज्जमाणाण वा परिभुज्जमाणाण वा भंडाओ वा भंडं साहरिज्जमाणाणं ओराला मणुण्णा मणहरा घाणमणणिव्वुतिकरा सव्वतो समंता गंधा अभिणिस्सवंति भवे एयारूवे सिया नो तिणढे समढे ते णं मणी य तणा य एत्तो इतराए चेव जाव गंधेणं पन्नत्ता तेसि णं भंते मणीण य पडिवत्ति-३
तणाण य केरिसए फासे पन्नत्ते से जहानामए-आईणेति वा रुएति वा बूरेति वा नवणीतेति वा हंसगब्भतूलीति वा सिरीसकुसुमणिचएति वा बालकुमुदपत्तरासीति वा भवे तारूवे सिया नो तिणढे समढे ते णं मणी य तणो य एत्तो इठ्ठतराए चेव जाव फासेणं पन्नत्ता तेसि णं भंते मणीण य तणाण य पुव्वावरदाहिणत्तरागतेहिं वेहिं मंदायं-मंदायं एइयाणं वेइयाणं कंपियाणं चालियाणं फंदियाणं घट्टियाणं खोभियाणं उदीरियाणं केरिसए सद्दे पन्नत्ते से जहानामए-सिवियाए वा संदमाणीयाए वा रहवरस्स वा सछत्तस्स सज्झयस्स सघंटयस्स सपडागस्स सतोरणवरस्स सणंदिधोसस्स सखिखिणहेमजालपेरंतपरि-खित्तस्स हेमवय-चित्तविचित्त-तेणिस-कणगनिज्जुत्त-दारुयागस्स सुपिणद्धारकमंडलधुरगस्स कालायससुकयणे-मिजंतकम्मस्स आइण्णवरतुगरगसुसंपउत्तस्स कुसुलनरछेयसारहिसुसंप-रिगहितस्स सरसतबत्तीसतोण-मंडितस्स सकंकडवडेंसगस्स सचारवसरपहरणावरणहरिय-जोहजुद्धसज्जस्स रायंगणंसि वा अंतेपुरंसि वा रम्मंसि वा मणिकोट्टिमतलंसि अभिक्खणं-अभिक्खणं अभिघट्टिज्जमाणस्स ओराला मणुण्णा मनहरा कण्णमणणिववुतिकरा सव्वतो समंता सद्दा अभिणिस्सवंति भवे एतारूवे सिया नो तिणडे समढे से जहानामएवेयालियाए वीणाए उत्तरमंदामुच्छिताए अंके सुपइट्ठियाए कुसलनरनारिसुसंगपग्गहिताए चंदनसारनिम्मियकोणपरिघट्टियाए पच्चूसकालसमंयसि मंद-मंदं एइयाए वेइयाए कंपियाए चालियाए फंदियाए घट्टियाए खोभियाए उदीरियाए ओराला मणुण्णा मनहरा कण्णमणणिव्वुतिकरा सव्वतो समंता सद्दा अभिणिस्सवंति [दीपरत्नसागर संशोधितः]
[56]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |