Page Text
________________
विणमिय-पणमिय-सुविभत्त-पिंडि-मंजरि-वडेंसग-धरा सुय - बरहिण-मयणसाल-कोइल-कोरक-भिंगारग-कोंडलगजीवंजीवग-नंदीमुह-कविल-पिंगलक्ख
अणेगसउणगणमिहुणविरइयसद्दुण्णइयमहुर-सरणाइया
अब्भंतरपुप्फफला
बाहिरपत्तच्छण्णा
परिलिंतमत्तछप्पयकुसुमासवलोल-महुरगुमगुमंत-गुंजंतदेसभागा पत्तेहि य पुप्फेहि य ओच्छन्न- पलिच्छन्न निरोया अकंटया साउफला निद्धफला नाणा - विहगुच्छ-गुम्ममंडवग-सोहिया विचित्तसुह- केउबहुला वावी - पुक्खरिणी-दीहियासु य सुनिवेसियरम्म-जालधरगा । पिंडिम-नीहारिमं सुगंधि सुह- सुरभिमनहरं च महया गंधद्धणिं मुयंता सुहसेउकेउबहुला अणेगसगड-रह-जाण-जुग्ग-सीया-संदमाणियपडिमोयणा सुरम्मा पासादीया दरिसणिज्जा अभिरूवा पडिरूवा तस्स णं वणसंडस्स अंतो बहुसमरमणिज्जे भूमिभागे पन्नत्ते से जहानामए - आलिंगपुक्खरेति वा मुइंगपुक्खरेति वा सरतलेति वा करतलेति वा चंदमंडलेति वा सूरमंडलेति वा आयंसमंडलेति वा उरब्भचम्मेति वा उसभचम्मेति वा वराहचम्मेति वा सीहचम्मेति वा वग्धचम्मेति वा विगचम्मेति वा दीवियचम्मेति वा अणेगसंककीलगसहस्सवितते आवड- पच्चावड-सेढी -पसेढी-सोत्थिय-सोव-त्थिय-पूसमाण-वद्धमाणग-मच्छं-डकमकरंडक-जारमार फुल्लावली-पठमपत्त-सागरतरंग-वासंति-लय-पउमलयभत्तिचित्तेहिं सच्छाएहिं समिरी-एहिं सउज्जोएहिं नाणाविह-पंचवण्णेहिं मणीहि य तणेहि य उवसोहिए तं जहा - किणेहिं जाव सुक्किलेहिं तत्थ णं जेते किण्हामणी य तणा य तेसि णं इमेतारूवे वण्णावासे पन्नत्ते से जहानामए - जीमूतेति वा अंज वा खंजणेति वा कज्जलेति वा मसीति वा मसीगुलियाति वा गवलेति वा गवलगुलियाति वा भमरेति वा भमरावलियाति वा भमरपतंगयसारेति वा जंबूफलेति वा अद्दारिट्ठेति वा परपुट्ठेति वा गएति वा गयकल वा कण्हसप्पेइ वा कण्हकेसरेइ वा आगासथिग्गलेति वा कण्हासोएति वा किण्हकणवीरेइ वा कण्हबंधुजीवेति वा भवे एयारूवेसिया गोयमा णो तिणट्ठे समट्ठे ते णं कण्हा मणी य तणा य इत्तो इट्ठतराए चेव कंततराए चेव पियतराए चेव मणुण्णतराए चेव मणामतराए चेव वण्णेणं पन्नत्ता ।
पडिवत्ति- ३
सुरम्मा
रंडक-चक्कवाय-कलहंस-सारस
संपिंडिय-दरियभमरमहुयरिपहकर
तत्थ णं जेते नीलगा मणी य तणा य तेसि णं इमेतारूवे वण्णावसे पन्नत्ते से जहानामएभिंगेति वा भिंगपत्तेति वा चासेति वा चासपिच्छेति वा सुएति व सुयपिच्छेति वा नीलीति वा नीलीभेदेति वा नीलीगुलियाति वा सामाएति वा उच्चंतएति वा वणराईइ वा हलधरवसणेइ वा मोरग्गीवाति वा पारेवयगीवाति वा अयसिकुसुमेति वा बाणकुसुमेति वा अंजणकेसिगाकुसुमेति वा नीलुप्पलेति वा नीलकणवीरेति वा नीलबंधुजीवेति वा भवे एयारूवे सिया नो इणट्टे समट्ठे ते णं नीलगा मणी या एत्तो इट्ठतराए चेव कंततराए चेव जाव वण्णेणं पन्नत्ता तत्थ णं जेते लोहितगा मणी य तणा य तेसि णं इमेतारूवे वण्णावासे पन्नत्ते से जहानामे - ससकरुहिरेति वा उरभरुहिरेति वा वराहरुहिरेति वा मणुस्सरुहिरेति वा महिसरुहिरेति वा बालिंदगोवएति वा बलदिवागरेति वा संझब्भरागेति वा गुंजद्धरागेति वा जासुयणकुसुमेति वा पालियायकुसुमेति वा जातिहिंगुलुएति वा सिलप्पवालेति वा पवालंकुरेति वा लोहितक्खमणीति वा लक्खारसएति वा किमिरागरत्तकंबलेइ वा चीमपिट्ठरासीइ वा रत्तुप्पलेति वा रत्तासोगते वा रत्तकणवीरेति वा रत्तबंधुजीवेति वा भवे एयारूवे सिया नो तिणट्ठे समट्ठे ते णं लोहितगामी य तणा य एत्तो इट्ठतराए चेव जाव वण्णेणं पन्नत्ता तत्थ णं जेते हालिद्दगा मणी य तण्मा य तेसि णं इमेतारूवे वण्णावासे पन्नत्ते से जहानामे - चंपए वा चंपगच्छलीइ वा चंपकभेदेइ वा हलिद्दाति वा हलिद्दाभेदेति वा व हलिद्दागुलियति वा हरियालेति वा हरियालभेदेति वा हरियालगुलियाति वा चिउरेति वा [दीपरत्नसागर संशोधितः ]
[55]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |