Page Text
________________
सव्वत्तो समंता संपरिक्खित्ता ते णं जाला तवणिज्जलंबूसगा सुवण्णपयरगमंडिया नानामणिरयणविविहहारद्ध हारउवसोभितसमुदया ईसिं अण्णमण्णमसंपत्ता पुव्वावरदाहिणुत्तरागतेहिं वाएहिं मंदायंज-मंदायं एज्जमाणा-एज्जमाणा पलंबमाणा-पलंबमाणा पझंझमाणा-पझंझमाणा तेणं ओरालेणं मणुण्णेणं मनोहरेणं कण्णमण-णेव्वुतिकरेणं सद्देणं सव्वतो समंता आपूरेमाणा-आपूरेमाणा सिरीए अतीव उवसोभेमाणा-उवसोभेमाणा चिट्ठति तीसे णं पउमवरवेइयाए तत्थ-तत्थ देसे तहिं-तहिं बहवे हयसंघाडा गयसंघाडा नरसंघाडा किन्नरसंघा पाडा महोरगसंघाडा गंधव्वसंघाडा उसभसंघाडा सव्वरयणामया अच्छा सण्हा जाव पडिरूवा तीसे णं परमवरवेड्याए तत्थ-तत्थ देसे तहिं-तहिं बहवे हयपंतीओ तहेव जाव पडिरूवाओ एवं हयवीहीओ जाव पडिरूवाओ एवं हयमिहणाइं जाव पडिरूवाइं तीसे णं पउमवरवेइयाए तत्थतत्थ देसे तहिं-तहिं बहवे पउमलयाओ नागलयाओ एवं असोग-चंपग-चूय-वण-वासंतिय-अतिमुत्तग-कुंदसामलयाओ निच्चं कुसुमियाओ निच्चं माइयाओ निच्चं लवइयाओ निच्चं थवइयाओ निच्चं गुलइयाओ निच्चं गोच्छियाओ निच्चं जमलियाओ निच्चं जुवलियाओ निच्चं विणामियाओ निच्चं पणमियाओ निच्चं सुविभत्त-पिंडि-मंजरि-वडेंसगधरीओ निच्चं कुसुमिय-माइय-लवइय-थवइय-गुलइय-गोच्छिय-जमलियजुवलिय-विणमिय-पणमिय-सुविभत्त-पिंडि-मंजरि-वडेंसगधरीओ सव्वरयणामईओ अच्छाओ जाव पडिरूवाओ से केणटेणं भंते एवं वुच्चइ-पउमवरवेइया गोयमा पउमवरवेड्याए तत्थ-तत्थ देसे तहिं-तहिं वेदियासु वेदियाबाहासु वेदियापुंडतरेसु खंभेसु खंभबाहासु खंभसीसेसु खंभपुंडरेसु सूईसु सुईमुहेसु सूईफलएसु सूईपुंडतरेसु पक्खेसु पक्खबाहासु पक्खपेरंतेसु बहूइं उप्पलाई पठमाइं जाव सहस्सपत्ताइं सव्वरयणामयाई अच्छाई सण्हाइं जाव पडिरूवाइं महता वासिक्कच्छत्तसमाणाई पन्नत्ताई समणाउसो से तेण एवं वुच्चइ-पउमवरवेदिया-पउमवरवेदिया, पउमवरवेइया णं भंते किं सासया असासया गोयमा सिय सासया सिय असासया से केणटेणं भंते एवं वुच्चइ-सिय सासया सिय असासया गोयमा दव्वट्ठयाए सासया वण्णपज्जवेहिं गंधपज्जवेहिं रसपज्जवेहिं फासपज्जवेहिं असासया से तेणटेणं गोयमा एवं वुच्चइ-सिय पडिवत्ति-३
सासया सिय असासया पठमवरवेइया णं भंते कालओ केवच्चिरं होति गोयमा नं कयावि नासि न कयावि नत्थि न कयावि न भविस्सति भुविं च भवति य भविस्सति य धुवा नियया साससा अक्खया अव्वया अवद्विया निच्चा पउमवरवेदिया ।
[१६४] तीसे णं जगतीए उप्पिं पउमवरवेइयाए बाहिं एत्थ णं महेगे वनसंडे पन्नत्ते-देसूणाई दो जोयणाई चक्कवालविक्खंभेणं जगतीसमए परिक्खेवणं किण्हे किण्होभासे नीले नीलोभासे हरिए हरिओभासे सीए सीओभासे निद्धे निरोभासे तिव्वे तिव्वोभासे किण्हे किण्हच्छाए जाव तिव्वे तिव्वच्छाए धणकडियकडच्छाए रम्मे महामेहनिक्रबंभूए ते णं पायवा मूलमंतो कंदमंतो खंधमंतो तयामंतो सालमंतो पवालमंतो पत्तमंतो पुप्फमंतो फलमंतो बीयमंतो अनुपुव्व-सुजाय-रुइल-वभावपरिणया एक्कखंधी अणेगसाह-प्पसाह-विडिमा अणेगनरवाम-सुप्पसारिय-अगेज्झ-घण-विउल-बद्ध वट्ट खंधा अच्छिद्दपत्ता अविरलपत्ता अवाईणपत्ता अणईइपत्ता निय-जरढ-पंडुपत्ता नवहरिय-भिसंत-पत्ताभारंधयारगंभीरदरिसणिज्जा
उवविणिग्गय-नव-तरुण-पत्त-पल्लव-कोमल-उज्जलचलंतकिसलयसूमालपवालसोहियवरंकुरग्गसिहरा निच्चं कुसुमिया निच्चं माइया निच्चं लवइया निच्चं थवइया निच्चं गुलइया निच्चं गोच्छिया निच्चं जमलिया निच्चं जुवलिया निच्चं विणमिया निच्चं पणमिया निच्चं सुविभत्त-पिंडि-मंजरि-वडेंसगधरा निच्चं कुसुमिय-माइय-लवइय-थवइय-गुलइय-गोच्छिय-जमलिय-जुवलिय
दीपरत्नसागर संशोधितः]
[54]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |