Page Text
________________
आहारेंति गोयमा आदिपि आहारेंति मज्झेवि आहारेंति पज्जवसाणेवि आहारेंति ताइं भंते किं सविसए आहारेंति अविसए आहारेंति गोयमा सविसए आहारेंति नो अविसए आहारें ताइं भंते किं आनुपुव्विं पडिवत्ति-१
आहारेंति अनाणुपुव्विं आहारेंति गोयमा आनुपुव्वि आहारेंति नो अनानुपुव्विं आहारेंति ताइं भंते किं तिदिसिं आहारेंति चउदिसिं आहारेंति पंचदिसिं आहारेंति छद्दिसिं आहारेंति गोयमा निव्वाधाएणं छद्दिसिं वाघायं पडुच्च सिय तिदिसिं सिय चउदिसिं सिय पंचदिसिं ।
ओसण्णकारणं पडुच्च वण्णओ कालाई नीलाई जाव सुक्किलाई गंधओ सुब्भिगंधाइ दुभिगंधा रसओ तित्त जाव महुराई फासओ कक्खड-मउय जाव निद्धलुक्खाइं तेसिं पोराणे वगुणे जाव फासगुणे विप्परिणामइत्ता परिपीलइत्ता परिसाडइत्ता परिविद्धसइत्ता अण्णे अपुव्वे वण्णगुणे गंधगुणे रसगुणे फासगुणे उप्पाइत्ता आयसरीरखेत्तोगाढे पोग्गले सव्वप्पणयाए आहारमाहारेंति ते णं भंते जीवा कओहिंतो उववज्जंति - किं नेरइएहिंतो उववज्जंति तिरिक्खमणुस्स - देवेहिंतो उववज्जंति गोयमा नो नेरइएहिंतो उववज्जंति तिरिक्खजोणिएहिंतो उववज्जंति मणुस्सेहिंतो उवज्जंति मणुस्सेहिंतो अकम्मभूमगअसंखेज्जवासाउयवज्जेहिंतो उववज्जंति वक्कंतीउववाओ भाणियव्वो, तेसि णं भंते जीवाणं केवइयं कालं ठिई पन्नत्ता गोयमा जहण्णेणं अंतोमुहुत्तं उक्कोसेणवि अंतोमुहुत्तं ते णं भंते जीवा मारणंतियसमुग्धाएणं किं समोहया मरंति असमोहया मरंति गोयमा समोहयावी मरंति असमोहयाविमति
णं भंते जीवा अनंतरं उव्वट्टित्ता कहिं गच्छंति कहिं उववज्जंति किं नेरइएस उववज्जंति तिरिक्खजोणिएसु उववज्जंति मणुस्सेसु उववज्जंति नो देवेसु उववज्जंति जइ तिरिक्खजोणिएसु उववज्जंति किं एगिंदिएसु उववज्जंति जाव पंचिंदिएस उववज्जंति गोयमा एगिदिएसु उववज्जंति व पंचेंदियतिरिक्खजोणिएसु उववज्जंति असंखेज्जवासाठयवज्जेसु पज्जत्तापज्जत्तएसु उववज्जंति मणुस्सेसु अकम्मभूमग-अंतरदीवग-असंखेज्जवासाउयवज्जेसु पज्जत्तापज्जत्तएसु उववज्जंति, ते णं भंते जीवा कतिगतिया कति आगतिया पन्नत्ता गोयमा दुगतिया दुआगतिया परित्ता असंखेज्जा पन्ना समणाउसो से त्तं सुहुमपुढविकाइया ।
[१५] से किं तं बायरपुढविकाइया बायरपुढविकाइया दुविहा पन्नत्ता तं जहासण्हबायरपुढविक्काइया य खरबायरपुढविक्काइया य ।
[१६] से किं तं सण्हाबायरपुढविक्काइया सण्हबायरपुढविक्काइया सत्तविहा पन्नत्ता तं जहा- कण्हमत्तिया भेओ जहा - पन्नवणाए जाव ते समासओ दुविहा पन्नत्ता तं जहा- पज्जत्तगा य अपज्जत्तगा यय तेसि णं भंते जीवाणं कति सरीरगा पन्नत्ता गोयमा तओ सरीरगा पन्नत्ता तं जहाओरालिए तेयए कम्मए तं चैव सव्वं नवरं चत्तारि लेसाओ अवसेसं जहा - सुहुमपुढविक्काइयाणं आह नियमा छद्दिसिं उववाओ तिरिक्खजोणिय मणुस्स- देवेहिंतो देवेहिं जाव सोहम्मेसाणेहिंतो ठिई जहण्णेणं अंतोमुहुत्तं उक्कोसेणं बावीसं वाससहस्साइं, ते णं भंते जीवा मारणंतियसमुग्धाएणं किं समोहया मत असमोहया मरंति गोयमा समोहयावि मरंति असमोहयावि मरंति, ते णं भंते जीवा अनंतरं उव्वट्टित्ता कहिं गच्छंति कहिं उववज्जंति किं नेरइएसु उववज्जंति पुच्छा गोयमा नो नेरइएसु उववज्जंति तिरिक्खजोणिएसु उवज्जंति मणुस्सेसु उववज्जंति नो देवेसु उववज्जंति तं चेव जाव असंखेज्जवासाउयवज्जेहिंतो उववज्जंति ते णं भंते जीवा कतिगतिया कतिआगतिया पन्नत्ता गोयमा
[दीपरत्नसागर संशोधितः ]
[5]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |