Page Text
________________
कसायसमुग्धाए मारणंतियसमुग्धाए, ते णं भंते जीवा किं सण्णी असण्णी नो सण्णी असण्णी, ते णं भंते जीवा किं इत्थिपडिवत्ति-१
वेया परिसवेया नपंसगवेया गोयमा नो इत्थिवेया नो परिसवेया नपंसगवेया ।
तेसि णं भंते जीवाणं कइ पज्जत्तीओ पन्नत्ता गोयमा चत्तारि पज्जत्तीओ पन्नत्ताओ तं जहा- आहार-पज्जत्ती सरारपज्जत्ती इंदियपज्जत्ती आणपाणुपज्जत्ती, तेसिं णं भंते जीवाणं कइ अपज्जत्तीओ पन्नत्ताओ गोयमा चत्तारि अपज्जत्तीओ पन्नत्ताओ तं जहा- आहारअपज्जत्ती जाव आणापाणुअपज्जत्ती, ते णं भंते जीवा किं सम्मदिट्ठी मिच्छादिट्ठी सम्ममिच्छादिट्ठी गोयमा नो सम्मदिट्ठी मिच्छादिट्ठी नो सम्मामिच्छादिट्ठी तेणं भंते जीवा किं चक्खुदंसणी अचक्खुदंसणी ओहिंदसणी केवलदंसणी गोयमा नो चक्खुदंसणी अचक्खुदंसणी नो ओहिदंसणी नो केवलदंसणी ते णं भंते जीवा किं नाणी अन्नाणी गोयमा नो चक्खदंसणी अचक्खदंसणी नो ओहिदंसणी नो केवलदंसणी ते णं भंते जीवा किं नाणी अन्नाणी गोयमा नो नाणी अन्नाणी नियमा दुअन्नाणी तं जहा- मइअन्नाणी सुयअन्नाणी य, ते णं भं जीवा किं मनजोगी वइजोगी कायजोगी गोयमा नो मनजोगी नो वइजोगी कायजोगी ते णं भंते जीवा किं सागारोवउत्ता अनागारोवउत्ता गोयमा सागारोवउत्तावि अनागारोवउत्तावि ते णं भंते जीवा किमाहारमाहारेति गोयमा दव्वओ अनंतपएसियाई दव्वाइं खेत्तओ असंखेज्जपएसोगाढाई कालओ अण्णयरसमयढिइयाइं भावओ वण्णमंताई गंधमंताइं रसमंताई फासमंताइं, जाइं भावओ वण्णमंताई आहारेंति ताइं किं एगवण्णाइं आहारेंति दुवण्णाइं आहारेंति तिवण्णाइं आहारेंति चउवण्णाइं आहारेंति पंचवण्णाइं आहारेति गोयमा ठाणमग्गणं पडुच्च एगवण्णाइंपि दुवण्णाइंपि तिवण्णाइंपि चउवण्णाइंपि पंचवण्णाइंपि आहारेंति विहाणमग्गणं पडुच्च कालाइंपि आहारेंति जाव अनंत-गुणकालाई आहारेति गोयमा एगगुणकालाइंपि आहारेंति जाव अनंतगुणकालाइंपि आहारेंति एवं जाव सुक्किलाइ, जाइं भावओ गंधमंताई आहारेति ताई किं एगगंधाइं आहारेंति दुगंधाइं आहारेति गोयमा ठाणमग्गणं पडुच्च एगगंधाइंपि आहारेंति दुगंधाइंपि आहारेंति विहाणमग्गणं पडुच्च सुब्भिगंधाइंपि आहारेंति दुब्भिगंधाइंपि आहारेंति, जाइं गंधओ सुब्भिगंधाइं आहारेंति ताइं किं एगगुणसुब्भिगंधाइं आहारेंति जाव अनंतगुणसुब्भिगंधाइं आहारेति गोयमा एगगुणसुब्भिगंधाइंपि आहारेंति जाव अनंतगुणसुब्भिगंधाइंपि आहारेंति एवं दुब्भिगंधाइंपि, रसा जहा वण्णा ।
जाइं भावओ फासमंताई आहारेति ताइं किं एगफासाइं आहारेंति जाव अट्ठफासाइं आहारेंति गोयमा ठाणमग्गणं पडुच्च नो एगफासाइं आहारेंति नो दुफासाइं आहारेंति नो तिफासाइं आहारेंति चउफासाइं आहारेंति पंचफासाइंपि जाव अट्ठफासइंपि आहारेंति विहाणमग्गणं पडुच्च कक्खडाइंपि आहारेंति जाव लुक्खाइंपि आहारेंति जाइं फासओ कक्खडाइं आहारेति ताई किं एगगुणकक्खडाइं आहारेंति जाव अनंतगुणकक्खडाइं आहारेंति गोयमा एगगुणकक्खडाइंपि आहारेति जाव अनंतगुणकक्खडाइंपि आहारेंति एवं जाव लुक्खा नेयव्वा, ताइं भंते किं पुट्ठाइं आहारेंति अणोगाढाइं आहारेंति गोयमा ओगाढाइं आहारेंति नो अणोगाढाइं आहारेंति ताइं भंते किमणंतरोगाढाइं आहारेंति परंपरोगाढाइं आहारेति गोयमा अनंतरोगाढाइं आहारेंति नो परंपरोगाढाई आहारेति ताई भंते किं अणूइं आहारेंति बायराइं आहारेति गोयमा अणूइंपि आहारेंति बायराइंपि आहारेति ताइं भंते किं उड्ढे आहारेंति अहे आहारेंति तिरियं आहारेति गोयमा उड्डंपि आहारेंति अहेवि आहारेंति तिरियपि आहारेति ताइं भंते किं आदिं आहारेंति मज्झे आहारेंति पज्जवसाणे
[दीपरत्नसागर संशोधितः]
[4]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |