Page Text
________________
पडिवत्ति-१
सिद्धा [अतित्थसिद्धा तित्थगरसिद्धा अतित्थगरसिद्धा सयंबुद्धसिद्धा पत्तेयबुद्धसिद्धा बुद्धबोहियसिद्धा इत्थीलिंगसिद्धा पुरिसलिंगसिद्धा नपुंसकलिंगसिद्धा सलिंगसिद्धा अन्नलिंगसिद्धा गिहिलिंगसिद्धा एगसिद्धा] अनेगसिद्धा सेत्तं अनतरसिद्धा से किं तं परंपरसिद्धासंसारसमावण्णजीवाभिगमे परंपरसिद्धासंसारसमावण्णजीवाभिगमे अनेगविहे पन्नत्ते तं जहा- अपढमसमयसिद्धा-दुसमयसिद्धा जाव अनंतसमयसिद्धा से त्तं परंपर-सिद्धासंसारसमावण्णजीवाभिगमे सेत्तं असंसारसमावण्णजीवाभिगमे ।
[८] से किं तं संसारसमावण्णजीवाभिगमे संसारसमावण्णएसु णं जीवेसु इमाओ नव पडिवत्तीओ एवमाहिज्जति तं जहा- एगे एवमाहंसु-दुविहा संसारसमावण्णगा जीवा पन्नत्ता एगे एवमाहंसुतिविहा संसारसमावण्णगा जीवा पन्नत्ता एगे एवमाहंसु-चउव्विहा संसारसमावण्णगा जीवा पन्नत्ता एगे एवमाहंसु-पंचविहा संसारसमावण्णगा जीवा पन्नत्ता [एगे एवमाहंसु-छव्विहा संसारसमावण्णगा जीवा पन्नत्ता एगे एवमाहंस-सत्तविहा संसारसमावण्णगा जीवा पन्नत्ता एगे एवमाहंस-नवविहा संसारसमावण्णगा जीवा पन्नत्ता एगे एवमाहंस-दसविहा संसारसमावण्णगा जीवा पन्नत्ता ।
[९] तत्थ णं जेते एवमाहंसु दुविहा संसारसमावण्णगा जीवा पन्नत्ता ते एवमाहंसु तं जहा- तसा चेव थावरा चेव ।।
__[१०] से किं तं थावरा, थावरा तिविहा पन्नत्ता तं जहा- पुढविकाइया आउकाइया वणस्सइकाइया ।
____ [११] से किं तं पुढविकाइया, पुढविकाइया दुविहा पन्नत्ता तं जहा- सुहुमपुढविकाइया य बायरपुढविकाइया य ।
[१२] से किं तं सुहमपुढविकाइया, सुहमपुढविकाइया दुविहा पन्नत्ता तं जहा- पज्जत्तगा य अपज्जत्तगा य ।
[१३] सरीरोगाहण-संघयण-संठाणकसाय तह य हंति सण्णाओ ।
लेसिदिय-समुग्धाओ सण्णी वेए य पज्जत्ती । दिट्ठी दंसणनाणे जोगुवओगे तहा किमाहारे ।
उववाय-ठिई समुग्धाय-चवण-गइरागई चेव । [१४] तेसि णं भंते जीवाणं कई सरीरगा पन्नत्ता गोयमा तओ सरीरगा पन्नत्ता तं जहाओरालिए तेयए कम्मए तेसि णं भंते जीवाणं केमहालिया सरीरोगाहणा पन्नत्ता गोयमा जहन्नेणं अंगुलासंखेज्जइभागं उक्कोसेणवि अंगुलासंखेज्जइभागं तेसि णं भंते जीवाणं सरीरा किं संघयणा पन्नत्ता गोयमा छेवट्टसंघयणा पन्नत्ता तेसि णं भंते जीवाणं सरीरा किं संठिया पन्नत्ता गोयमा मसूरचंदसंठियापन्नत्ता तेसि णं भंते जीवाणं कति कसाया पन्नत्ता गोयमा चत्तारि कसाया पन्नत्ता तं जहा- कोहकसाए माणकसाए मायाकसाए लोहकसाए तेसि णं भंते जीवाणं कति सन्नाओ पन्नत्ताओ गोयमा चत्तारि सन्नाओ पन्नत्ताओ तं जहा- आहारसन्ना [भयसनना मेहणसन्ना] परिग्गहसन्ना तेसि णं भंते जीवाणं कइ लेसाओ पन्नत्ताओ गोयमा तिण्णि लेस्साओ पन्नत्ताओ तं जहा- कण्हलेस्सा नीललेस्सा काउलेस्सा तेसि णं भंते जीवाणं कइ इंदियाइं पन्नत्ताई गोयमा एगे फासिदिए पन्नत्ते तेसि णं भंते जीवाण कइ समुग्धाया पन्नत्ता गोयमा तओ समुग्धाया पन्नत्ता तं जहा- वेयणासमुग्धाए
दीपरत्नसागर संशोधितः]
[3]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |