Page Text
________________
भूयाणंदस्स णं भंते नागकुमारिंदस्स नागकुमाररण्णो अभिंतरियाए परिसाए कति देवसाहस्सीओ पन्नत्ताओ मज्झिमियाए परिसाए कति देवसाहस्सीओ पन्नत्ताओ बाहिरियाए परिसाए कति देवसाहस्सीओ पन्नत्ताओ अभिंतरियाए परिसाए कति देविसया पन्नत्ता गोयमा भूयाणंदस्स णं नागकुमारिंदस्स नागकुमार रण्णो अभिंतरियाए परिसाए पन्नासं देवसाहस्सीओ पन्नत्ताओ मज्झिमियाए परिसाए सद्धिं देवसाहस्सीओ पन्नत्तओ बाहिरियाए परिसाए सत्तरि देवसाहस्सीओ पन्नत्ता अभिंतरियाए परिसाए दो पणवीसं देविसया पन्नत्ता, मज्झिमियाए परिसाए दो देवी सया पन्नत्ता, बाहिरियाए परिसाए पन्नत्तरं देविसयं पन्नत्तं भूयाणंदस्स णं भंते नागकुमारिंदस्स नागकुमारण्णो कालं ठिती पुच्छा गोयमा भूताणदस्स णं नागकुमारिंदस्स नागकुमाररण्णो अभिंतरियाए परिसाए देवाणं देसूणं पलिओवमं ठिती पन्नत्ता मज्झिमियाए परिसाए देवाणं साइरेगं अद्धपलिओवमं ठिती पन्नत्ता बाहिरियाए परिसाए देवाणं अद्धपलिओवमं ठिती पन्नत्ता अभिंतरियाए परिसाए देवीणं अद्धपलिओवमं ठिती पन्नत्ता मज्जिमियाए परिसाए देवीणं देणं अद्धपलिओवमं ठिती पन्नत्ता बाहिरियाए परिसाए देवीणं साइरेगं चउब्भागपलिओवमं ठिती पन्नत्ता अत्थो जहा- चमरस्स अवसेसाणं वेणुदेवादीणं महाघोसपज्जवसाणाणं ठाणपदवत्तव्वया निरवयवा भाणियव्वा परिसाओ जहा- धरणभूताणंदाणं-दाहिणिल्लाणं जहा- धरणस्स उत्तरिल्लाणं जहा- भूताणंदस्स परिमाणंपि ठितीवि
[१५९] कहिं णं भंते वाणमंतराणं देवाणं भोमेज्जा नगरा पन्नत्ता जहा- ठाणपदे जाव विहरंति कहि णं भंते पिसायाणं देवाणं भोमेज्जा नगरा पन्नत्ता जहा- ठाणपदे जाव विहरंति कालमहाकाला य तत्थ दवे पिसायकमाररायाणो परिवति जाव विहरंति कहि णं भंते दाहिणिल्लाणं पिसायकुमाराणं जाव विहरंति काले य एत्थ पिसायकुमारिंदे पिसायकुमारराया परिवसति महिढिए जाव विहरति कालस्स णं भंते पिसायकुमारिंदस्स पिसायकुमाररण्णो कति परिसाओ पन्नत्ताओ गोयमा तिण्णि पडिवत्ति-३
परिसाओ पन्नत्ताओ तं जहा- ईसा तुडिया दढरहा अभिंतरिया ईसा मज्झिमिया तुडिया बाहिरिया दढरहा कालस्स णं भंते पिसायकुमारिंदस्स पिसायकुमाररण्णो अभितरियाए परिसाए अट्ठदेवसाहस्सीओ पन्नत्ताओ मज्झिमियाए परिसा दस देवसाहस्सीओ पन्नत्ताओ बाहिरियाए परिसाए बारस देवसाहस्सीओ पन्नत्ताओ अभिंतरियाए परिसाए एगं देविसतं पन्नत्तं एवं तिसुवि कालस्स णं भंते पिसायकुमाररिंदस्स पिसायकुमारररण्णो अभिंतरियाए परिसाए देवाणं केवतियं कालं ठिती पन्नत्ता मज्झिमियाए परिसाए देवाणं केवतियं कालं ठिती पन्नत्ता बाहिरियाए परिसाए देवाणं केवतियं कालं ठिती पन्नत्ता जाव बाहिरियाए परिसाए देवीणं केवतियं कालं ठिती पन्नत्ता गोयमा कालस्स णं पिसायकुमारिंदस्स पिसाय पणो अभिंतरियाए परिसाए देवाणं अद्धपलिओवमं ठिती पन्नत्ता मज्झिमियाए परिलाए देवाणं देसूणं अद्धपलिओवमं ठिती पन्नत्ता बाहिरियाए परिसाए देवाणं सातिरेगं चउब्भगापलिओवमं ठिती पन्नत्ता अभिंतरियाए परिसाए देवीणं सातिरेगं चउब्भागपलिओवमं ठिती पन्नत्ता मज्झिमियाए परिसाए देवीणं चउब्भागपलिओवमं ठिती पन्नत्ता बाहिरियाए परिसाए देवीणं देसूणं चउब्भागपलिओवमं ठिती पन्नत्ता अट्ठो जो चेव चमरस्स एवं उत्तरिल्लस्सवि एवं निरंतरं जाव गीयस्स |
[१६०] कहि णं भंते जोतिसियाणं देवाणं विमाणा पन्नत्ता कहि णं भंते जोतिसिया देवा परिवसंति गोयमा उप्पिं दीवसमुद्दाणं इमीसे रयणप्पभाए पुढवीए बहसमरमणिज्जाओ भूमिभागाओ सत्तन3ए जोयणसतते उड्ढं उप्पतित्ता दसुत्तरजोयणसय बाहल्ले एत्थ णं जोतिसियाणं देवाणं तिरियम[दीपरत्नसागर संशोधितः]
[52]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |