Page Text
________________
[१५३] से किं तं भवणवासी भवणवासी दसविहा पन्नत्ता तं जहा- असुरकुमार जहापन्नवणापदे देवाणं भेदो तहा भाणितव्वो जाव अनुत्तरोववाइया पंचविधा पन्नत्ता तं जहा- विजयवेजयंत जाव सव्वट्ठसिद्धगा सेत्तं अनुत्तरोववाइया ।
[१५४] कहि णं भंते भवणवासिदेवाणं भवणा पन्नत्ता कहिं णं भंते भवणवासी देवा परिवसति गोयमा इमीसे रयणप्पभाए पुढवीए असीउतरजोयणसयसहस्सबाहल्लाए एवं जहा- पन्नवणाए जाव भवणा पासादीया दरिसणिज्जा अभिरुवा पडिरूवा एत्थ णं भवणवासीणं देवाणं सत्त भवणकोडीओ बावत्तरिं भवणावाससयसहस्सा भवंतित्तिमक्खाता तत्थ णं बहवे भवणवासी देवा परिवसंति-असुरा नाग सवण्णा य जहा- पन्नवणाए जाव विहरति ।
[१५५] कहि णं भंते असुरकुमारणं देवाणं भवणा पन्नत्ता पुच्छा एवं जहा- पन्नवणा ठाणपदे जाव विहरंति कहि णं भंते दाहिणिल्लाणं असुरकुमारदेवाणं भवणा पुच्छा एवं जहा- ठाणपदे जाव चमरे एत्थ असुरकुमारिंदे असुरकुमारराया परिवसति जाव विहरति ।
[१५६] चमरस्स णं भंते असुरिंदस्स असुरकुमाररण्णो कति परिसाओ पन्नत्ताओ गोयमा तओ परिसाओ पन्नत्तो तं जहा- समिता चंड जाया अभिंतरिया समिता मज्झिमिया चंडा बाहिरिया जाया चमरस्स णं भंते असुरिंदस्स असुरकुमाररण्णो अभिंतरियाए परिसाए कति देवसाहस्सीओ पन्नत्ताओ मज्झिमियाए परिसाए कति देवसाहस्सीओ पन्नत्ताओ बाहिरियाए परिसाए कति देवसाहस्सीओ पन्नत्ताओ पडिवत्ति-३
गोयमा चमरस्स णं भंते असुरिंदस्स असुरकुमारण्णो अभिंतरियाए परिसाए चउवीसं देवसाहस्सीओ पन्त्ताओ मज्झिमियाए परिसाए अट्ठावीसं देवसाहस्सीओ बाहिरियाए परिसाए बत्तीसं देवसाहस्सीओ चमरस्स णं भंते असुरिंदस्स असुरकुमाररण्णो परिसाए देविसया पुच्छा गोयमा चमरस्स णं असुरिदस्स असुरकुमाररण्णो अभिंतरियाए परिसाए अझुट्ठा देविसया पन्नत्ता मज्झिमियाए परिसाए तिण्णि देविसया पन्नत्ता बाहिरियाए अड्ढाइज्जा देविसया पन्नत्ता चमरस्स णं भंते असुरिंदस्स असुरकुमाररण्णो अभिंतरियाए परिसाए देवाणं कालं ठिती पुच्छा देवीणं कालं ठिती पुच्छा गोयमा चमरस्स णं असुरिंदस्स असुरकुमाररण्णो अभितरियाए परिसाए देवाणं अड्ढाइज्जाइं पलिओवमाइं ठिती पन्नत्ता मज्झिमियाए परिसाए देवाणं दो पलिओवमाइं ठिती पन्नत्ता बाहिरियाए परिसाए देवाणं दिवड्ढं पलिओवमं ठिती पन्नत्ता अभिंतरियाए परिसाए देवीणं दिवड्ढे पलिओवमं ठिती पन्नत्ता मज्झिमियाए परिसाए देवीणं पलिओवमं ठिती पन्नत्ता बाहिरियाए परिसाए देवीणं अद्धपलिओवमं ठिती पन्नत्ता से केणटेणं भंते एवं वुच्चति-चमरस्स असुरिंदस्स असुरकुमाररण्णो तओ परिसाओ पन्नत्ताओ तं जहा- समिया चंडा जाया, अभिंतरिया समिया मज्झिमिया चंडा बाहिरिया जाया गोयमा चमरस्स णं असुरिंदस्स असुरकुमाररण्णो अभिंतरपरिसा देवा वाहिता हव्वमागच्छंति नो उव्वाहिता मज्झिमपरिसा देवा बाहिता हव्वमागच्छंति अब्बाहितावि, बाहिरपरिसा देवा अव्वाहिता हव्वमागच्छंति अदुत्तरं च णं गोयमा चमरे असुरिंदे असुरकुमारराया अन्नयरेसु उच्चावएसु कज्ज-कोडंबेसु समुप्पन्नेसु अभिंतरियाए परिसाए सद्धिं सम्मुइसंपुच्छणाबहले विहरइ मज्झिमियाए परिसाए सद्धिं पयं पवंचेमाणे-पवंचेमाणे विहरति बाहिरियाए परिसाए सद्धिं पयं पचंडे-माणे-पंचडेमाणे विहरति से तेणटेणं गोयमा एवं वुच्चइ-चमरस्स णं असुरिंदस्स
दीपरत्नसागर संशोधितः]
[50]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |