Page Text
________________
सेसं जहा- हयकण्णाणं सक्कुलकण्णाणं-वेसाणियदीवस्स पच्चत्थिमिल्लाओ चरिमंताओ उत्तरपच्चत्थिमेणं लवणसमुदं चत्तारि जोयणसयाइं ओगाहित्ता एत्थ णं दाहिणिल्लाणं सक्कुलिकण्णमणुस्साणं सक्कुलिकण्णदीवे नामं दीवे पन्नत्ते सेसं जहा- हयकण्णाणं आयंसमुहाणं पुच्छा हयकण्णदीवस्स उत्तरपुरथिमिल्लाओ चरिमंताओ पंच जोयणसयाइं ओगाहित्ता एत्थ णं दाहिणिल्लाणं आयंसुह मणुस्साणं आयंसमुहदीवे नामं दीवे पन्नत्ते पंच जोयणसयिं आयामविक्खंभेणं आसमुहाईणं छ सया आसकण्णाईणं सत्त उक्कामुहाईणं अट्ठ घणदंताईणं जाव नव जोयणसयाई ।
[१४७] एगुरुयपरिक्खेवो नव चेव सयाइ अउणपन्नाइं ।
बारस पन्नट्ठाइं हयकण्णाणं परिक्खेवो ।। [१४८] आयसमुहाईणं पन्नरसेकासीए जोयणसए किंचिविसेसाहिए परिक्खेवेण एवं एतेणं कमेणं उव्वज्जिय नेयव्वा चत्तारि एगप्पमाणा नाणत्तं ओगाहे विक्खंभे परिक्खेवे पढम बितिय ततिय चउक्काणं ओग्गहो विक्खंभो परिक्खेवो य भणिओ चउत्थे चउक्के छ जोयणसयाई आयामविक्खंभेणं अट्ठार सत्ताणउए जोयणसए परिक्खेवेणं पंचमचउक्के सत्त जोयणसयाई आयामविक्खंभेणं बावीसं तेरसुत्तरे जोयणसए परिक्खेवेणं छहचउक्के अट्ठ जोयणसयाई आयामविक्खंभेणं पणवीसं अगुणत्तीसे
जोयणसते पडिवत्ति-३
परिक्खेवेणं सत्तमचउक्के नव जोयणसयाई आयाम विक्खंभेणं दो जोयणसहस्साइं अट्ठपन्नत्ताले जोयणसए परिक्खेवेणं ।
[१४९] जस्स य जो विक्खंभो ओगाहो तस्स तत्तिओ चेव ।
पढम पीयाण परिरतो ऊणो सेसाण अहिओउ ।। [१५०] सेसा जहा एगुरुयदीवस्स जाव सुद्धदंतदीवे देवलोगपरिग्गहा णं ते मणुयगणा पन्नत्ता समणाउसो, कहिं णं भंते उत्तरिल्लाणं एगूरुयमणुस्साणं एगूरुयदीवे नाम दीवे पन्नत्ते गोयमा जंबुद्दीवे दीवे मंदरस्स पव्वयस्स उततरेणं सिहरिस्स वासधरपव्वयस्स पुरथिमिल्लाओ चरिमंताओ लवणसमुदं तिण्णि जोयणसयाई ओगाहित्ता एत्थ णं उत्तरिल्लाणं एगूरुयमणुस्साणं एगूरुयदीवे नाम दीवे पन्नत्ते तहेव उत्तरेणं विभासा भाणितव्वा से तं अंतरदीवग्गा ।
[१५१] से किं तं अकम्मभूमगमणुस्सा अकम्मभूमगमणुस्सा तीसविधा पन्नत्ता तं जहापचहिं हेमवएहिं [पंचहिं हिरण्णवएहिं पंचहिं हरिवासेहिं पंचहिं रम्मगवासेहिं पंचहिं देवकुरूहिं] पंचहिं उत्तरकुरूहिं सेत्तं अकम्मभूमगा से किं तं कम्मभूमगा कममभूमगा पन्नरसविधा पन्नत्ता तं जहापंचहिं भरहेहिं पंचहिं एरवएहिं पंचहिं महाविदेहेहिं ते समासतो दुविहा पन्नत्ता तं जहा- आरिया मिलेच्छा एवं जहा- पन्नवणापदे जाव सेत्तं आरिया सेत्तं गब्भवक्कंतिया सेत्तं मणुस्सा |
. तच्चाए पडिवत्तीए मणुस्साधिगारो समत्तो ०
। देवाधिकारो । [१५२] से किं तं देवा देवा चउव्विहा पन्नत्ता तं जहा- भवणवासी वाणमंतरजोइसिया
वेमाणिया ।
दीपरत्नसागर संशोधितः]
[49]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |