Page Text
________________
भंते एगुरुयदीवे दीवे अइवासाइ वा मंदवासाइ वा सुवुट्ठीय वा मंदबुट्ठीय वा उदवाहाइ वा पवाहाइ वा दगुब्भेयाइ वा दगुप्पीलाइ वा गामवाहाइ वा जाव सन्निवेसवाहाइ वा पाणक्खय जाव वसणभूतमणारियाइ वा नो इमढे समढे ववगयदगोवद्दवा णं ते मण्यगणा पन्नत्ता समणाउसो अत्थि णं भंते एगुरुयदीवे अयागराइ वा तंबागराइ वा जाव वसुहाराइ वा, हिरण्ण वासाइ वा जाव चुण्णवासाइ वा खीरवुट्ठीति वा रयणवट्ठीति वा सुवण्णवट्ठीति वा तहेव जाव चुण्णवट्ठीति वा सुकालाइ वा दुक्कालाइ वा सलुभिक्खाइ वा दुभिक्खाइ वा अप्पग्धाइ वा महग्धाइ वा कयाइ वा विक्कयाइ वा अण्णिहीइ वा संचायाइ वा निधीइ वा निहाणाइ वा चिरपोराणाइ वा पहीणसामियाइ वा पहीणसेउयाइ वा पहीणगोत्तागराइं जाइं इमाइं गामागरण गरखेडकब्बडमडंबदोण-मुहपट्टणासमसंवाहसन्निवेसेसु सिंघाड जाव वणगिहेसु सन्निक्खित्ताई चिट्ठति नो इणट्टे समढे एगुरुयदीवे णं भंते दीवे मणुयाणं केवतियं कालं ठिती पन्नत्ता गोयमा जहन्नेणं पलिओवमस्स असंखेज्जइभागं असंखेज्जतिभागेणं ऊणगं उक्कोसेणं पलिओवमस्स असंखेज्ज-तिभागं ते णं भंते मणुया कालमासे कालं किच्चा कहिं गच्छंति कहिं उववज्जति गोयमा ते णं मणुया छम्मासावसेसाउया मिहणयाइं पसवंति अउणासीइं राइंदियाइं मिहणाइं सारक्खंति संगोवंति य साराक्खित्ता उस्ससित्ता निस्ससित्ता कासित्ता छीतित्ता उक्किट्ठा अव्वहिया अपरियाविया सुहंसुहेणं कालमासे कालं पडिवत्ति-३
अण्णयरेसु देवलोएसु देवत्ताए उववत्ता भवंति देललोगपरिग्गहिया णं ते मणुयगणा पन्नत्ता समणुसो ।
__ कहिं णं भंते दाहिणिल्लाणं आभासियमणुस्साणं आभासियदीवे नामं दीवे पन्नत्ते गोयमा जंबुद्दीवे दीवे मंदरस्स पव्वयस्स दाहिणेणं चुल्लहिमवंतस्स वासघरपव्वयस्स पुरत्थिमिल्लाओ चरिमंताओ दाहिणपुरत्थि मिल्लेणं लवणसमुदं तिणि जोयणसयाइं ओगाहित्ता एत्थ णं दाहिणिल्लाणं आभासियमणुस्साणं आभासियदीवे नामं दीवे पन्नत्ते सेसं जहा एगूरुयाणं कहि णं भंते दाहिणिल्लाणं णंगोलियमणुस्साणं णंगोलियदीवे नामं दीवे पन्नत्ते गोयमा जंबुद्दीवे दीवे मंदरस्स पव्वयस्स दाहिणेणं चुल्लहिमवंतस्स वासधरपव्वयस्स पच्चत्थिमिल्लाओ चरिमंताओ दाहिणपच्चत्थिमिल्लेणं लवणसमुई तिण्णि जोयणसयाई ओगाहित्ता एत्थ णं दाहिणिल्लाणं णंगोलियमणुस्साणं णंगोलियदीवे नामं दीवे पन्नत्ते सेसं जहा- एगूरुयाणं कहि णं भंते दाहिणिल्लाणं वेसाणियमणुस्साणं वेसाणिय दीवे नाम दीवे पन्नत्ते गोयमा जंबुद्दीवे दीवे मंदरस्स पव्वयस्स दाहिणेणं चुल्लहिमंवतस्स वासघरपव्वयस्स पच्चत्थिमिल्लाओ चरिमंताओ उत्तरपच्चत्थिमिल्लेणं लवणसमुदं तिण्णि जोयणसयाइं ओगाहित्ता एत्थ णं दाहिणिल्लाणं वेसाणियमणुस्साणं वेसाणियदीवे नामं दीवे पन्नत्ते सेसं जहा एगूरुयाणं ।
[१४६] कहि णं भंते दाहिणिल्लाणं हयकण्णमणुस्साणं हयकण्णदीवे नाम दीवे पन्नत्ते गोयमा एगूरुयदीवस्स पुरथिमिल्लाओ चरिमंताओ उत्तरपुरत्थमिल्लेणं लवणसमुदं चत्तारि जोयणसयाई ओगाहित्ता एत्थ णं दाहिणिल्लाणं हयकण्णमणुस्साणं हयकण्णदीवे नाम दीवे पन्नत्ते-चत्तारि जोयणसयाइं आयाम-विक्खंभेणं बारस पन्नट्ठ जोयणसया किंचिविसेसाहिया परिक्खेवेणं सेसं जहाएगूरुयाणं कहि णं भंते दाहिणिल्लाणं गयकण्णमणुस्साणं गयकण्णदीवे नामं दीवे पन्नत्ते गोयमा आभासियदीवस्स पुरथिमिल्लाओ चरिमंताओ दाहिणपुरस्थिमिल्लेणं लवणसमुदं चत्तारि जोयणसयाई ओगाहित्ता एत्थ णं दाहिणिल्लाणं गयकण्णमणुस्साणं गयकण्णदीवे नाम दीवे पन्नत्ते सेसं जहाहयकण्णाणं एवं गोकण्णाणं वि-णंगूलियदीवस्स पच्चत्थिमिल्लाओ चरिमंताओ दाहिणपच्चत्थिमेणं लवणसमुदं चत्तारि जोयणसयाइं ओगाहिता एत्थ णं गोकण्णमणुस्साणं गोकण्णदीवे नाम दीवे पन्नत्ते
[दीपरत्नसागर संशोधितः]
[48]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |