Page Text
________________
परिभोगत्ताए हव्वामागच्छंति अत्थि णं भंते एगुरुयदीवे दीवे सीहाइ वा वग्धाइ वा दीवि-याइ वा अच्छाइ वा परस्सराइ वा सियालाइ वा विडालाइ वा सुणगाइ वा कोलसुणगाइ वा कोकंतियाइ वा ससगाइ वा चित्तलाइ वा चिल्ललगाइ वा हंता अत्थि नो चेव णं ते अण्णमण्णस्स तेसिं वा मणुयाणं किंचि आवाहं वा पवाहं वा उप्पायति छविच्छेयं वा करेंति पगइभद्दगा णं ते सावयगणा पन्नत्ता समणाउसो |
अत्थि णं भंते एगोरुयदीवे दीवे सालीइ वा वीहीइ वा गोहुमाइ वा उक्खूइ वा जवाइ वा तिलाइ वा हंता अत्थि नो चेव णं तेसिं मणुयाणं परिभोगत्ताए हव्मागच्छंति अत्थि णं भंते एगोरुयदीवे दीवे गत्ताइ वा दरीइ वा पाइ वा घंसीइ वा भिगूइ वा उवाएइ वा विसमेइ वा धूलीइ वा रेणूइ वा पंकेइ वा चलणीइ वा नो इणढे समढे एगूरुयदीवे णं दीवे बहसमरणिज्जे भूमिभागे पन्नत्ते समणाउसो अत्थि णं भंते एगूरुयदीवे दीवे खाणूइ वा कंटएइ वा हीरएड वा सक्कराइ वा तणपत्तकयवराइ वा असुई वा पूईआति वा दुब्भिगंधाइ वा अचोक्खाइ वा नो इणडे समढे ववगयखाणुकंटकहीरसक्करतणकयवरअसुइपूइय-दुब्भिगंधमचोक्खवज्जिए णं ओगयदीवे पन्नत्ते समणाउसो अत्थि णं भंते एगुरुयदीवे दीवे दंसाइ वा मसगाइ वा पिसुगाइ वा जूवाइ वा लिक्खाइ वा ढिंकुणाइ वा नो तिणढे समढे ववगयदंसमसगपिसुतपडिवत्ति-३
जूतलिक्खढिंकणपरिवज्जिए णं एगुरुयदीवे पन्नत्ते समणाउसो अत्थि णं भंते एगुरुयदीवे अहीइ वा अयगराइ वा मोहरगाइ वा हंता अत्थि नो चेव णं ते अन्नमन्नस्स तेसिं वा मउयाणं किंचि आवाहं वा पवाहं वा छविच्छेयं वा पकरेंति पगइभद्दगा णं ते वालगणा पन्नत्ता समणाउसो अत्थि णं भंते गुरुयदीवे गहदंडाइ वा गहमुसलाइ वा गहगज्जियाइ वा गहजुद्धाइ वा गहसंघाडगाइ वा गहअवसव्वाइ वा अब्भाइ वा अब्भरुक्खाइ वा संझाइ वा गंधव्वनगराइ वा गज्जियाइ वा विज्जुयाइ वा उक्कापायाइ वा दिसादाहाइ वा निग्घाताइ वा पंसविट्ठीति वा जवागाइ वा जक्कालित्ताइ वा धमियाइ वा महियाइ वा रउग्धायाइ वा चंदोवरागाइ वा सूरोवरागाइ वा चंदपरिवेसाइ वा सूरपरिवेसाइ वा पडिचंदाइ वा पडिसूराइ वा इंदधणूइ वा उदगमच्छाइ वा अमोहाइ वा कविहसियाइ वा पाईणवायाइ वा पडीणवायाइ वा जाव सुद्धवायाइवा गामदाहाइवा नगरदाहाइवा जाव सण्णिवेसदाहाइ वा पाणक्खयजणक्खयकुलसक्खयधणक्खयवसणूतमणारियाइ वा नो इणट्टे समढे |
अत्थि णं भंते एगुरुयदीवे दीवे डिंबाइ वा डमराइ वा कलहाइ वा बोलाइ वा खाराइ वा वेराइ वा विरुद्धारज्जाइ वा नो इणढे समढे ववगयडिंबडमरकलहबोलखारवेरविरुद्धरज्जविवज्जिया णं ते मणुयगणा पन्नत्ता समणाउसो अत्थि णं भंते एगुरुयदीवे दीवे महाजुद्धाइ वा महासंगामाइ वा महासत्थ-पडणाइ वा महापुरिसपहाणाइ वा महारुधिरपडणाइ वा नागावाणाइ वा खेणवाणाइ वा तामसवाणाइ वा दुब्भूइयाइ वा कुलरोगागइ वा गामरोगाइ वा नगररोगाइ वा मंडलरोगाइ वा सीसवेयणि वा अच्छिवेयणि वा कण्णवेयणाइ वा नक्खवेयणाइ वा नक्कवेयणाइ वा दंतवेयणाइ वा कासाइ वा सासाइ वा सोसाइ वा जराइ वा दाहाइ वा कच्छू वा कुट्ठाइ वा दगोवराइ वा इअरिसाइ वा अजीरगाइ वा भगंदलाइ वा इंदग्गहाइ वा खंदग्गहाइ वा कुमारग्गहाइ वा नागरगहाइ वा जक्खग्गहाइ वा भूयग्गहाइ वा उव्वेवग्गहाइ वा धनग्गहाइ वा एगाहियाइ वा बेयाहियाइ वा तेयाहियाइ वा चाउत्थगाहियाइ वा हिययसूलाइ वा मत्थगसूलाइ वा पाससूलाइ वा तुच्छिसूलाइ वा जोणिसूलाइ वा गाममारीइ वा जाव सन्निवेसमारीइ वा पाणक्खय जाव वसणभूतमणायरिय वा नो इणढे समढे ववगयरोगायंका णं ते मणुयगणा पन्नत्ता समणाउसो अत्थि णं
[दीपरत्नसागर संशोधितः]
[47]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |