Page Text
________________
समणाउसो अत्थि णं भंते एगोरुयदीवे दीवे गेहातिं गेहाययणातिं वा नो तिणढे समढे रुक्खगेहालया णं ते मणुयगणा पन्नत्ता समणाउसो अत्थि णं भंते एगोरुयदीवे गामाति वा नगराति वा जाव सन्निवेसाति वा नो तिणढे समढे जहच्छियकामगामिणो णं ते मण्यगणा पन्नत्ता समणाउसो अत्थि णं भंते एगूरुयदीवे असीइ वा मसीइ वा विवणीइ वा पणीइ वा वाणिज्जाइ वा नो तिणढे समढे ववगयअसिमसिकिसिविवणिवणिज्जा णं ते मणुयगणा पन्नत्ता समणाउसो अत्थि णं भंते एगूरुयदीवे हिरण्णेति वा सुवण्णेति वा कंसेति वा दूसेति वा मणीति वा मुत्तिएति वा विपुलधणकणगरतमणिमोत्तिय-संखसिलप्पवालसंतसारसावएज्जे वा हंता अत्थि नो चेव णं तेसिं मणुयाणं तिव्वे ममत्तिभावे समप्पज्जति अत्थि णं भंते एगोरुयदीवे रायाति वा जवरायाति वा ईसरेति वा तलवरेड वा मांडबिएति वा कोडुबिएति वा इब्भेति वा सेट्ठीति वा सेणावतीति वा सत्थवाहेति वा नो तिणढे समढे ववगयइ-डिढसककारा णं ते मण्यगणा पन्नत्ता समणाउसो अत्थि णं भंते एगुरुयदीवे दासाइ वा पेसाई वा सिस्साइ वा भयगाइ वा भाइल्लगाइ वा कम्मगराइ वा भोगपरिसाइ वा नो इणडे समढे ववगयआभिओगिया
मण्यगणा पडिवत्ति -३
णं
पन्नत्ता समणाउसो अत्थि णं भंते एगोरुयदीवे दीवे माताति व पियाति वा भायाति वा भइणीति व भज्जाति वा पुत्ताति वा धूयाइ वा सुण्हाति वा हंता अत्थि नो चेव णं तेसि णं मणुयाणं तिव्वे पेज्जबंधणे समुज्जति पयणुपेज्जबंधणा णं ते मणुयगणा पन्नत्ता समणाउसो अत्थि णं भंते एगोरुयदीवे अरीति वा वेरियाति वा घायगाति वा वहगाति वा पडिणीइ वा पच्चमित्ताति वा नो इणढे समढे ववयगयवेराणुबंधा णं ते मणुयगणा पन्नत्ता समणाउसो अत्थि णं भंते एगोरुयदीवे मित्ताति वा वतंसाति वा घडिताति वा सहीति वा सुहियाति वा महाभागाति वा संगतियाति वा नो तिणढे समढे ववगतपेम्मा ते मण्यगणा पन्नत्ता समणउसो ।
अत्थि णं भंते एगोरुयदीवे आवाहाति वा विवाहाति वा जन्नाति वा सद्धाति वा थालियाकाति वा चोलोवणतणाति वा सीमंतोवणतणाइ वा पितिपिंडनिवेणाइ वा नो इणढे समढे ववगयआवाहविवाहजन्नसद्धथालिपागचोलोवणतणसीमंतोवणतणपितिपिंडनिवेदणा णं ते मणुयगणा पन्नत्ता समणाउसो अत्थि णं भंते एगोरुयदीवे इंदमहाइ वा रुद्दमहाइ वा खंदमहाइ वा सिवमहाइ वा वेसमणमहाइ वा मुगुंदमहाइ वा नागमहाइ वा जक्खमहाइ वा भूतमहाइ वा कूवमहाइ वा तलागणदिमहाइ वा दहमहाइ वा पव्वयमहाइ वा चेइयमहाइ वा रुक्कंसियणमहि वा थूभमहाइ वा नो इणढे समढे ववगयमहामहिमा णं ते मणुयगणा पन्नत्ता समणाउसो अत्थि णं भंते एगोरुयदीवे दीवे नडपिच्छाइ वा नट्टपेच्छाइ वा मल्लपेच्छाइ वा मुट्ठियपेच्छाइ वा विडंबगपच्छाइ वा कहगपेच्छाइ वा पवगपेच्छाइ वा अक्खाइगपेच्छाइ वा लासगपेच्छाइ वा लंखपे मंखपे तूणइल्लपे तुंववीणपेच्छाइ वा मागहपेच्छाइ वा कावपे जल्लपि कहयापेच्छाइ वा नो इणढे समढे ववगयकोउहल्ला ण ते मणुयगणा पन्नत्ता समणाउसो अत्थि णं भंते एगुरुयदीवे सगडाइ वा रहाइ वा जाणाइ वा जुग्गाइ वा गिल्लीइ वा पिल्लीइ वा थिल्लीइ वा पवहणाइ वा सलीयाइवा संदमाणियाइ वा नो तिणट्टे समढे पादचारविहारिणो णं ते मण्यगणा पन्नत्ता समणाउसो अत्थि णं भंते एगुरुयदीवे आसाइ वा हत्थीइ वा उट्टाइ वा गोणाइ वा महिसाइ वा खराइ वा अवीइ वा एलगाइ वा हंता अत्थि नो चेव णं तेसि मणुयाणं परिभोगत्ताए हव्वमागच्छति अत्थि णं भंते एगुरुयदीवे गोवीइ वा महिसीइ वा उट्टीइ वा अयाइ वा एलगाइ वा हंता अत्थि नो चेव णं तेसिं मणुयाणं
दीपरत्नसागर संशोधितः]
[46]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |