Page Text
________________
कंचणकलसामयाणसमसंहियसुजातलठ्ठचूचुय आमोलगजमलगुजगलवट्टिय अच्चुण्णयकतियसंठियपयो-धराओ भुजंगअणुपुव्वतणुयगोपुच्छवट्टसमसहियनमियआइज्जललियवाहा तंबणहा मंसलग्गहत्था पीवरकोमलवरंगुलीओ निद्धपाणिलेहा रविससिसंखचक्कसोत्थियविभत्तसुविरतियपाणिलेहा पीणण्णयकक्खवक्खवत्थिप्पदेसा पडिपुन्नगलकवोला चउरंगुलसुप्पमाणकंबुवरसरिसगीवा मंसलसंठियपसत्थहगुणा दालिमपुप्फप्पगासपीवरपलंबकंचियवराधरा संदरोत्तरोट्ठा दधिदगरयचंदकंदवासंतिमउलअच्छिद्दविमलदसणा रत्तुप्पलपत्तमउयसूमालतालुजीहा कणयरमउलअकुडिलअब्भुग्गयउज्जुतुंगणासा सारयणवकमलकुमुदकुवलयविमलउसदलणिगरसरसलक्खणअंकियकंतणयणा पत्तलघवलायततंबलोयणाओ आणामितचावरुइल-किण्हब्भराइसंठियसंगतआयसुजायतणुकसिणणिद्धभुमगा अल्लीणपमाणजुत्तसवणा सुसवणा पीणमट्ठरमणिज्जगंडलेहा चउरंसपसत्थसमणिडाला कोमुतिरयणिकरविमलपिपुन्नसोम्मवयणा छत्तुन्जयउत्तिमंगा कुडिलसुसिणिद्धपडिवत्ति-३
दीहसिरया
छत्तज्झयजूवथूभदामिणि कमंडलुकलसवाविसोत्थियपडागजवमच्छकुम्मरहवरमगरसुकथालअंकुसअट्ठावयवीईसुपइट्ठकमऊरसिरियाभिसेयतोरणमेइयनइउदधिवरभवणगिरिवआयंसललियगय-उसभसीहचमरउत्तमपसत्थबत्तीसलक्खणधरीओ हंससरिसगईओ कोइलमुहरगिरसूसराओ कंताओ सव्वस्स अनुमयाओ ववगयवलिपलियवंग-दुव्वण्णवाहीदोभग्गसोगमुक्का उच्चत्तेण य नराणथोवूणमूसियाओ सब्भावसिंगारचारुवेसा संगतहसियभणियचेट्ठियविलाससंलावणिउणजुत्तो वयारकुसला सुंदरथणजघणवणकरचरणनयणलवण्णवण्णरूवजोवणविलासकलिया नंदणवणविवरचारिणीउव्व अच्छराओ अच्छेरगपेच्छणिज्जा पासाइतातो दरिसणिज्जातो अभिरुवाओ पडिरूवाओ ।
तासि णं भंते मणुईणं केवतिकालस्स आहारट्टे समुप्पज्जति गोयमा चउत्थभत्तस्स आहारट्ठे समप्पज्जति ते णं भंते मणया किमाहारमाहारेंति गोयमा पढविपप्फफलाहारा ते मणयगणा पन्नत्ता समणाउसो तीसे णं भंते पुढवीए केरिसए अस्साए पन्नत्ते गोयमा से जहानामए गुलेति वा खंडेति वा सक्काराति वा मच्छंडियाति वा भिसकंदेतिवा पप्पडमोततेति वा पुप्फउत्तराइ वा पउमुत्तराइ वा अकोसिताति वा विजताति वा महाविजयाइ वा पायसोवमाइ वा उवमाइ वा अणोवमाइवा चउरक्के गोखीरे चउठाणपरिणए गुडखंडमच्छंडिउवणीए मंदग्गिकढिए वण्णेणं उववेए जाव फासेणं भवेतारूवे सिता नो इणढे समढे तीसे णं पुढवीए एत्तो इट्टयराए चेव जाव मणामतराए चेव आसाए णं पन्नत्ते तेसि णं भंते पुप्फफलाणं केरिसए अस्साए पन्नत्ते गोयमा से जहानामए रण्णो चाउरंतचक्कवट्टिस्स कल्लाणे पवरभोयणे सतसहस्सनिप्फन्ने वण्णेणं उववेए गंधेणं उववेए रसेणं उववेए फासेणं उववेए अस्सायणिज्जे वीसायणिज्जे दीवणिज्जे दप्पणिज्जे बीहणिज्जे मयणिज्जे सव्विंदियगायपल्हायणिज्जे भवेतारूवे सिता नो तिणढे समढे तेसि णं पुप्फफलाणं एत्तो इतराए चेव जाव अस्साए णं पन्नत्ते, ते णं भंते मणुया तमाहारेत्ता कहिं वसहिं उर्वति गोयमा रुक्खगेहालता णं ते मणुयगणा पन्नत्ता समणाउसो ते णं भंते रुक्खा किसंठिया पन्नत्ता गोयमा कूडागारसंठिया पेच्छाघरसंठिया छत्तागारसंठिता झयसंठिया थूमसंठिया तोरणसंठिया गोपुरवेतियपालगसंठिया अट्टालगसंठिया पासायसंठिया हम्मितलसंठिया गवक्खसंठिया वालग्गपोतियसंठिया अण्णे तत्थ बहवे वरभवणसयणासणविसिट्ठसंठाणसंठिया सुभसीतलच्छाया णं ते दुमगणा पन्नत्ता ।
दीपरत्नसागर संशोधितः]
[45]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |