Page Text
________________
उच्छूढदीहबाहू जुगसन्निभपीणरतियपीवरपउट्ठसंठियउववियधणथिरसुबद्धसुसलिट्ठपव्वसंधी रत्ततलोवइतमउयमंसलपसत्थलक्खणसुजाय अच्छिद्दजालपाणी पीवरवट्टियसुजायकोमलवरंगुलीया तंबतलिणसुतिरुइरणिदणक्खा चंदपाणिलेहा सूरपाणिलेहा संखपाणिलेहा चक्कपाणिलेहा दिसासोवत्थियपाणिलेहा चंदसूरसंखचक्कदिसासोवत्थियपाणिलेहा अणेगवरलक्खणुत्तमपसत्थसुविरइयपाणिलेहा वरमहिसवराहसीहसइँलउसभणागवरविउलउन्नतमइंदखंधा चउरंगुलसुप्पमाणकंबुसरिसगीवा अवद्वितसुविभत्तसुजातचित्तमंसू मंसलसंठियपसत्थसद्दूलविपुलहण्या ओतवितसिलप्पवालबिंबफलसन्निभाहरोहा पंडुरससिसगलविमलनिम्मलसंखदधिधणगोखीरफेणदगरयमुणालियाधवलदंतसेढी अखंडदंता अफुडियदंता अविरलदंता सुसिणिदंता सुजातदंता एगदंतसेढिव्व अणेगदंता हुतवहनिलुतधोततत्ततवणिज्जरत्ततलतालुजीहा
गरुलायतउज्जुतुंगणासा पडिवत्ति-३
अवदालियपोंडरीकणयणा कोकासितधवलपत्तलच्छा आणमियचारुइलकिण्हपूराइसंठियसंगतआयतसुजाततणकसिणनिद्धभुमया अल्लीणप्पमाणजुत्तसवणा सुसवणा पीणमंसलकवोलदेसभागा अचिरुग्गयबालचंदसंठियपसत्थविच्छिन्नसमणिडाला उडुवतिपडिपुन्नसोमवदणा छत्तागारुत्तमंगदेसा धणणिचियसुबद्धलक्खणुण्णयकूडागारणिभपिंडियसिरि हुवतवहनिदंतधोततत्ततवणिज्जकेसंतकेसभूमी सामलिपोंडधणाणिचिछोडियामिउविसयपसत्थ सुहमलक्खणसुगंधसुंदर भुयमोयगभिंगणीलकज्जलपहभमरगणि णिद्धणिकुंरुंबनिचियकुंचियपयाहिणावत्तमुद्धसिरया लक्खणवंजणगुणोववेया सुजायसुविभत्तसंगतंगा पासाइया दरिसणिज्जा अभिरूवपडिरूवा ।
ते णं मणुया हस्सरा हंसस्सरा कोंचस्सरा नंदिधोसा सीहस्सरा सीहघोसा मंजुस्सरा मंजुघोसा सुस्सरा सुस्सरनिग्धोसा छायाउज्जोतियगमंगा वज्जरिसभनारायसंघयणा समचउरंससंठाणसंठिया सिणद्धछवी निरायंका उत्तमपसत्थअइसेसनिरुवमतणू जल्लम-लकलंकसेयरयदोसवज्जियसरीरा निरुवमलेवा अनलोमवाउवेगा कंकग्गहणी कवोतपरिणामा सउणीपोसपिटुंतरोरुपरिणता विग्गहियउन्नयकच्छी पउमप्पलसरिसगंधणिस्साससुरभिवयणा अट्ठधणुसयऊसिया तेसिं मणुयाणं चउसट्ठी पिढिकरंडगा पन्नत्ता समणाउसो ते णं मणुया पगतिभद्दगा पगतिविणीया पगतिउवसंता पगतियपयणकोहमाणमायालोभा मिउमद्दवसंपन्ना अलीणा भद्दगा विणीया अप्पिच्छा असंनिहिसंचिया अचंडा विडिमंतरपरिवसणा जहिच्छियकामगामिणो य ते मणुयगणा पन्नत्ता समणाउसो तेसि णं भंते मणुयाणं केवतिकालस्स आहारट्टे समुप्पज्जति गोयमा चउत्थभत्तस्स आहारट्टे समुप्पज्जति एगोरुयमणुईणं भंते केरिसए आगारभावपडोयारे पन्नत्ते गोयमा ताओ णं मणुईओ सुजायसव्वंगसुंदरीओ पहाणमहिलागुणेहिं जुत्ता अच्चंतविसप्पमाणपउमसूमालकुम्मसंठितविसिट्ठचलणा उज्जुमउयपीवर निरंतरपुट्ठसुसाहतचलणंगुलीओ अच्चुण्णयरतियतति लिणितंबतिणिद्धनखा रोमरहियवट्टलट्ठसंठियअजहण्णपसत्थलक्खणअकोप्पजंधजुतला सुणिम्मियसुगूढजाणुमंसालसुबद्धसंधी कयविक्खंभातिरेगसंठियणिव्वणसूमालउय कोमलअविरलहतसुजातवट्टपीवरनिरंतरोरू अट्ठावयवीचि पट्टसंठियपसत्थिविच्छिन्नपिहुलसोणी वदणायामप्पमाणदुगुणितविसालमंसलसुबद्धजघण वरधारणीओ वज्जविराइयपसत्थलक्खनिरोदरा तिवलिवलियतणुणमियमज्झिआओ उज्जुयसमसंहित-जच्चतणुकसिणणिद्धआदेज्जलडसुविभत्तसूजातसोभतरुलरमणिज्जरोमराई गंगावत्तयपयाहिणावत्तरंगभंगुररविकिरणतरुणबोधियआकोसाइंतपउमगंभीरविगडनाभी अनुब्भडपसत्थ पीणकुच्छी सण्णयपासा संगयपासा सुजायपासा मियमाईयपीणरइयपासा अकरुडुयकणगरुयगनिम्मलसुजा-यणिरुवहयगातलट्ठी
[दीपरत्नसागर संशोधितः]
[44]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |