Page Text
________________
पहाणगुलकढियखंड-मच्छंडिघओवणीएव्वं मोयगे सण्हसमियगब्भे हवेज्ज परमइट्ठगसंजुत्ते तहेव ते चित्तरसावि दुमगणा अणेगबहुविविहवीससापरिणयाभोजमविहीए उववेया कुसविकुसवि जाव चिट्ठति ।
एगोरुयदीवे तत्त बहवे मणियंगानाम मगणा पन्नत्ता समणाउसो जहा- से हारद्धहारवेट्टणगमउडकुंडलवासुत्तगहेमलालमणिजालकणगजालगसुत्तगउच्चितियकडाखडियएगावा लिकंठसुत्तमगरगउरत्थ-गेबेज्जसेणिसत्तगचूलामणिकणगतिलगफुल्लगसिद्धत्थियकण्णवालिससिसूरुसभ चक्कगतलभंगयतुडियत्थमापडिवत्ति-३
लगवलक्खदीणारमालिया चंदसूरमालिया हरिसयकेयूरवलय-पालबअंगुलेज्जगकंचीमेहलाकलावपयरकपायजालघंटिखिंखिणिरयणोरुजालच्छुडियवरणेउरचलणमालिया कणगणिगरमालियाकंचणमणिरयणभत्तिचित्तव्व भूसणविधि बहुप्पगारा तहेवते मणियंगावि दुमगणा अणेगबहुविविह वीससापरिणताएभूसणविहीए उववेया कुसविकुस जाव चिट्ठति एगोरुयदीवे तत्थ बहवे गेहागारा नाम दुमगणा पन्नत्ता समणाउसो जहा- से पागारट्टालगचरियदारगोपुरपासायाकासतलमंडवएगसालगविसालगतिसालगचउसालगगब्भघरमोहणघरवलभिघ रचित्तसालगमालियभत्तियघरवदृतंसचउरंसणंदियावत्तंसठियायतपंडरतलमंडमालहम्मियं अहव णं धवलहरअद्धमागहविब्भमसेलद्धसेलसंठियकूडागारेड्ढसुविहिकोढगअणेगघरसरणलेणआवाणविडंगजालवंदणिजजूहअपवर ककवोतालिचंदालियरूवविभत्तिकलिता भवणविही बहुविकप्पा तहेव तेगेहागारावि दुमगणा अणेगबहुविविधवीससापरिणया सुहारुहाण सुहोत्ताराए सुहनिक्कमणप्पवेसाए दद्दरसोपाणपंतिकलिताए पइरिक्काए सुहविहाराए मणाणुकूलाए भवणविहीए उववेया कुसविकुसावे जाव चिट्ठति ।
एगोरुयदीवे तत्थबहवे अणिगणा नामं दुमगणा पन्नत्ता समणाउसो जहा- से आइगणखोम
तणुयकंबलदुगुल्लकोसेज्जकालमिगपट्टजचीणंसुयवतत्ताव
रणातवारवाणगपच्छुन्नाभरणचित्तसहिणगकल्लाणगभिंगमहेलकज्जलबहुवण्णरत्तीपीतसुक्कलमक्खयमितलोमहप्फरल्लगअवरुतरा सिंधुउसभदामिलवंगकलिंगन-लिणतंतुमयभत्तिचित्ता वत्थविहि बहुप्पकारा हवेज्ज वरपट्टणुग्गता वण्णरगकलिता तहेव ते अणिगणावि दुमगणा अणेगबहुविविहवीससापरिणताए उववेया कुसविकुस जाव चिट्ठति एगोरुयदीवे णं भंते दीवे मणुयाणं केरिसए आगारभावपडोयारे पन्नत्ते गोयमा ते णं मणुया अनुवमतरसोमचारुरूवा भोगुत्तमा भोग-लक्खणधरा भोगसस्सिरीया सुजायसव्वंगसुंदरंगा सुपइट्ठियकुम्मचारुचलणा
रत्तुप्पलपत्तमउयसुकुमाल-कोमलतला नगणगरमगरचक्कंकहरंकलक्खणंकियचलणा अनुपुव्वसुहायंगुलिया उन्नयतणुतंबणिद्धणक्खा संठियसुसलिट्ठगूढगुप्फा एणीकुरुविंदावत्तवट्टाणुपुव्वजंघा सामुग्गणिमग्गगूढजाणू गतससणसुजातसण्णि-भोरू वरवारणमत्ततुल्लविक्कमविलासितगति सुजातवरतुरगगुज्झदेसा आइण्णहतोव्व निरुवलेवा पमुइवरतरगसीहइरेगवट्टियकडी सोहयसोणिंदमसलदप्पणणिगरितवरकणगच्छरुसरिसवरवइरवलितमज्झा उज्जय समसंहितसुजातजच्चतणुकिसणणिद्धआदेज्जलडहसुकुमालमउयरमणिज्जरोमराईगंगावत्तयपयाहिणावत्ततरंग भंगर रविकिरण तरुणबोधियआकोसयंतपउमगंभीरवगडणाभा झसविहगसुजातपीणकुच्छी झसोदरा सुइकरणा पम्हवियडणाभा सण्णयपासा संगतपासा सुंदरपासा सुजातपासा मितमाइयपीणरइयपासा अकरुंडयकणगरुयगनिम्मलसुजातनिरुवहयदेहधारी पसत्थबत्तीसलक्खणधरा कणगसिलातलुज्जलपसत्थ समतलवचियविच्छिण्णपिहुलवच्छा सिरिवच्छंकियवच्छा पुरवरफलिहवट्टियभुया भुयगीसरविपुलभोगआयाणफलिह[दीपरत्नसागर संशोधितः]
[43]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |