Page Text
________________
दुद्धजाति-पसन्न-तेल्लग-सताउखजूरमुद्दियासार-कविसायणसुपक्कखोयरसवरसुरा-वण्ण-रसगंधफरि-जुत्तबलवीरियपरिणामा मज्जविधी य बहुप्पगारा तहेव ते मत्तंगयावि दुमगणा अणेगबहुविविहवीससापरिणयाए मज्जविहीए उववेया फलेहिं पुन्ना वि विसर्से ति कुसविकुसविसुद्धरुक्खमूला जाव चिट्ठति |
___ एगोरुयदीवे तत्थ बहवे भिंगंगा नाम दुमगणा पन्नत्ता समणाउसो जहा- से वारहघडकरगपडिवत्ति-३
कलसक्ककरियपंचाणिउल्लंकवद्धणिस्पइट्ठकविठ्ठपारीचसगभिंगारकरोडिसरंगगपत्ता घोसगाणल्लग ववलियअवपदकगवालकाविचित्तवट्टकमणिवट्टकसिप्पिरवोरपिणया कंचणमणिरयणभत्तिविचित्ता भाजणविही बहुप्प-गारा तहेव ते भिंगंगयावि दुमगणा अणेगबहुविविहवीससापरिणताए भाजणविहीए उववेया फलेहिं पुन्नावि विसद्वृति कुसविकुस जाव चिट्ठति एगुरुयदीवे णं तत्थ बहवे तुडियंगा नाम दुमगणा पन्नत्ता समणाउसो
जहाआलिंगपणपडहदद्दरकरडिडिंडिमभंभातहोरभंकणियखरमुहिमयंगसंखियपरिल्लयपव्वगापरिवायणिवं-सवेणुवीणा सुघोसग विपंचिमहतिकच्छविरिकिसतकतलतालकंसालतालकसंपउत्ता आतोज्जविधी य निउणगंधव्वसमयकुसलेहि फंदिया तिढाणकरणसुद्धा तहेव ते तुडियंगयावि दुमगणा अणेगबहुविविधवीससापरिणयाए ततघणझुसिराए चउव्विहाए आतोज्जविहीए उववेया फलेहि पुन्ना विव विसद्वृति कुसविकुस जाव चिट्ठति एगुरुयदीवे णं तत्थ बहवे दीवसिहा नाम दुमगणा पन्नत्ता समणाउसो जहा- से संझाविरागसमए नवनिहिपतिणेवदीवियाचक्कवालविंदे पभूयवट्टिपलित्तणेहिं वणिउज्जालियतिमिरमद्दए कणगणिगर कुसुमियपारिजायघणप्पगासे कंचणमणिरयणविमल-महरिहतवणिज्जुज्जलविचित्तदंडाहिं दीवियाहिं सहसापज्जालिऊसवियणिद्धतेयदिप्पंतविमलगहगणसमप्पहाहिं वितिमिरकरसूरपसरिउज्जोव-चिल्लियाहिं जालाओज्जलपहसियाभिरामाहिं सोभमाणे तहेव ते दीवसिहावि दुमगणा अणेगबहुवि-विहवीससापरिणयाए उज्जोयविहीए उववेया फलेहिं कुसविकुस जाव चिट्ठति ।
एगुरुयदीवे णं तत्थ बहवे जोइसिया नाम दुमगणा पन्नत्ता समणाउसो जहा- से अचिरुग्गयसरयसूरमंडलपडतउक्कासहस्सदिप्पंतविज्जुलहुयवहनिमजालियनिदंतधोयत-त्ततवणिज्जकिंसुयासोगजवासुयणकुसुमविउलियपुंजमणिरयणकिरणजच्चहिंगुलुयनियररूवाइरेगरूवा तहेव ते जोतिसियावि दुमगणा अणेगबहुविविहवीससापरिणयाए उज्जोयविहीए उववेया सुहलेस्सा मंदलेस्सा मंदातवलेस्सा कूडा इव ठाणठिया अन्नमन्नसमोगाढाहिं लेस्साहिं साए पभाए सपदेसे सव्वओ समंता ओभासंति उज्जवेंति पभासेंति कुसविकुसवि जाव चिटुंति एगुरुयदीवे णं तत्थ बहवे चित्तंगा नाम दुमगणा पन्नत्ता समणाउसो जहा- से पेच्छाघरे विचित्ते रम्मे वरकुसुमदाममालुज्जललेसा भासंतमुक्कपुप्फपुंजोवयारकलिए विरल्लियविचित्तमल्लसिरिसमुदयप्पगब्भे गंथिमवेढिमपूरिमसंघाइमेणं मल्लेणं छेयासिप्पियविभागरइएण सव्वतो चेव समणबद्धे पविरललंबंतविप्पइटेहिं पंचवण्णेहिं कसमदामेहिं सोभमाणे वणमालकतग्गए चेव दिप्पमाणे तहेव ते चित्तंगयावि दुमगणा अणेगबहुविहवीससापरिणया मल्लविहीए उववेया कुसविकुसिवि जाव चिट्ठति एगोरुयदीवे तत्थ बहवे चित्तरसा नाम दुमणगा पन्नत्ता समणाउसो जहा से सुगंधवरकलमसालितंदुलविसिट्ठणिरुवहतदुद्धरः सारयघयगुडखंडमहमेलिए अतिरसे परमण्णे होज्ज उत्तमवण्णगंधमंते रण्णो जहा- वा वि चक्कवट्टिस्स होज्ज निउणेहिं सूयपुरिसेहिं सज्जिए चउरकप्पसेयसित्ते इव ओदणे कलमसालिणिव्वत्तिए विपक्के सवप्फमिउविससयगलसित्थे अणेगसालणगसंजुत्ते अहवा पडिपुन्नदव्वुवक्खडे सुसक्कए वण्णगंधरसफरिसजुत्तबलिविरयपरिणाम इंदियलवद्धणे खुप्पिवासमहणे [दीपरत्नसागर संशोधितः]
[42]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |