Page Text
________________
आसमुहा हत्थिमुहा सीहमुहा वग्धमुहा आसकण्णा सीहण्णा अकण्णा कण्णापाउरणा उक्कामुहा मेहमुहा विज्जुमुहा विज्जुदंता घणदंता लट्ठदंता गूढदंता सुद्धदंता ।
[१४३] कहि णं भंते दाहिणिल्लाणं एगोरुयमणुस्साणं एगोरुयदीवे नामं दीवे पन्नत्ते गोयमा जंबुद्दीवे दीवे मंदरस्स पव्वयस्स दाहिणे णं चुल्लहिमवंतस्स वासघरपव्वयस्स उत्तरपुरथिमिल्लओ चरिमंपडिवत्ति-३
ताओ लवणसमदं तिण्णि जोयणसयाई ओगहित्ता एत्थ णं दाहिणिल्लाणं एगोरुयमणुस्साणं एगोरुयदीवे नाम दीवे पन्नत्ते-तिण्णि जोयणसयाइं आयामविक्खंभेणं नव एगूणपन्ने जोयणसए किंचि विसेसेण परिक्खवेणं से णं एगाए पउमवरवेदियाए एगेणं च वनसंडेणं सव्वओ समंता संपरिक्खित्ते सा णं पउमवरवेदिया अद्ध जोयणाई उड्ढं उच्चत्तेणं पंच धणुसयाइं विक्खंभेणं एगोरुयदीवं समंता परिक्खेवेणं पन्नत्ता तीसे णं परमवरवेदियाए अयमेयारूवे वण्णावासे पन्नत्ते तं जहा- वइरामया निम्मा एवं वेतियावण्णओ जहा- रायपसेणिए तहा भाणियव्वो ।
[१४४] सा णं पउमवरवेतिया एगेणं वणसंडेणं सव्वो समंता संपरिक्खित्ता से णं वणसंडे देसूणाई दो जोयणाई चक्कवालविक्खंभेणं वेतियासमेणं परिक्खेवेणं पन्नत्ते से णं वणसंडे किण्हे किण्होभासे एवं जहा- रायपसेणियवनसंडवण्णओ तहेव निरवसेसं भाणियव्वं तणा य वण्णगंध फासो सद्दो तणाणं बावीओ उप्पायपव्वया पुढविसिलापट्टगा य भाणितव्वा जाव तत्थ णं बहवे वाणमंतरा देवा य देवीओ य आसयंति जाव विहरंति [वण्णत्तो पउमवरवेड्या-वणसंडामं जाव तत्थ णं बहवे वाणमंतरा देवा य देवीओ य आसयंति सयंति चिट्ठति निसीयंति त्यति रमंति ललंति कीलंति मोहंति पुरा पोराणाणं सुचिण्णाणं सुपरक्कंताणं सुभाणं कडाणं कम्माणं कल्लाणाणं कल्लाणं फलवित्तिविसेसं पच्चणुभवमाणा विहरंति ।
१४५] एगोरुयदीवस्स णं भंते केरिसए आगार भावपंडोयारे पन्नत्ते गोयमा बहुसमरमणिज्जे भूमिभागे पन्नत्ते से जहानामए-आलिंगपुक्खरेति वा एवं सयणिज्जे भाणितव्वे जाव पुढविसिलापट्टगंसि तत्थ णं बहवे एगोरुयदीवया मणुस्सा य मणुस्सीओ य आसयंति जाव विहरंति एगोरुयदीवे णं दीवे तत्थ-तत्थ देसे तहिं तहिं बहवे उद्दालका मोद्दालका रोद्दालका कतमाला नट्टमाला सिंगमालाल संखमाला दंतमाला सेलमालगा नाम दुमगणा पन्नत्ता समणाउसो कुसविकुसविसुद्धरुक्खमूला मूलमंता कंदमंतो जाव बीयमंतो पत्तेहिं य पुप्फेहि य अच्छण-पडिच्छण्णा सिरीए अतीव-अतीव सोभेमाणा उवसोभेमाणा चिटुंति एगोरुयदीवे णं दीवे तत्थ रुक्खा बहवे हेरुयालवणा भेरुयालवणा मेरुयालवणा सेरुयालवणा सालवणा सरलवणा सत्तपन्नवणा पूयफलिवणा खज्जूरिवणा नालिएरिवणा कुसविक्सवि जाव चिट्ठति एगोरुयदीवे णं तत्थ बहवे तिलया लवया नग्गोहा जाव रायरुक्खा नंदिरुक्खा कुसविकुसवि जाव चिट्ठति एगोरुयदीवे णं तत्थ बहूओ पउमलयओ नागलयाओ जाव सामलयाओ निच्चं कुसुमियाओ एवं लयावण्णओ जहा- उववाइए जाव पडिरूवाओ एगोरुयदीवे णं तत्थ बहवे सेरियागुम्मा जाव महाजातिगुम्मा ते णं गुम्मा दसद्धवण्णं कुसुमं कुसुमेति जेणं वायविहुयग्गसाला एगोरुयदीवस्स बहुसमरणिज्जभूमिभागं मुक्कपुप्फ-पुंजोवयारकलियं करेंति एगोरुयदीवे णं तत्थ बहूओ वनराईओ पन्नत्ताओ ताओ णं वनराईओ किण्हाओ किण्होभासाओ जाव रम्माओ महामेहनिगरुंबभताओ जाव महंती गंधणं मयंताओ पासादी-याओ एगोरुयदीवे तत्थ बहवे मत्तंगा नाम दुमगणा पन्नत्ता समणाउसो जहा- से चंदप्पभमणिसिलगा-वरसीधुपवरवारुणि-सुजातफल-पत्त-पुप्फ-चोय-निज्जाससार-बहुदव्व जत्तीसंभार-कालसंधियआसवा महुमेरग-रिट्ठाभ[दीपरत्नसागर संशोधितः]
[१४-जीवाजीवाभिगम]
[41]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |