Page Text
________________
अविसुद्धलेस्से णं भंते अणगारे समोहतेणं अप्पाणेणं विसुद्धलेस्सं देवं देविं अणगारं जाणति-पासति गोयमा नो तिणढे समडे, अविसुद्धलेस्से णं भंते अणगारे समोहतासमोहतेणं अप्पाणेणं अविसुद्धलेस्सं देवं देविं पडिवत्ति-३
अणगारं जाणति-पासति गोयमा नो तिणढे समटे, अविसुद्धलेसेणं भंते अणगारे समोहता समोहतेणं अप्पाणेणं विसुद्ध लेसं देवं देवं अणगारं जाणति पासति गोयमा नो तिणढे समढे विसुद्धलेस्से णं भंते अणगारे असमोहतेणं अप्पाणेणं अविसुद्धलेस्सं देवं देविं अणगारं जाणति-पासति हंता जाणति पासति जहा- अविसुद्धलेस्सेणं छआलावगा एवं विसुद्ध लेस्सेणं वि छआलावगा भाणितव्वा जाव विसुद्धलेस्से णं भंते अणगारे समोहतासमोहतेणं अप्पाणेणं विसुद्धलेस्सं देवं देविं अणगारं जाणति-पासति हंता जाणतिपासति ।
[१३८] अण्णउत्थिया णं भंते एवमाइक्खंति एवं भाति एवं पन्नति एवं परूवेंति-एवं खल एगे जीवे एगेणं समएणं दो किरियाओ पकरेति तं जहा- सम्मत्तकिरियं च मिच्छत्तकिरियं च जं समयं सम्मत्तकिरियं पकरेति तं समयं मिच्छत्तकिरियं पकरेति जं समयं मिच्छत्तकिरियं पकरेति तं समयं सम्मत्तकिरियं पकरेति सम्मत्तकिरियापकरणताए मिच्छत्तकिरियं पकरेति मिच्छत्तकिरियापकरणताए सम्मत्तकिरियं पकरेति एवं खलु एगे जीवे एगेणं समएणं दो किरियाओ पकरेति तं जहा- सम्मत्तकिरियं च मिच्छत्तकिरियं च से कहमेयं भंते एवं गोयमा जण्णं ते अण्णउत्थिया एवमाइक्खंति जाव एवं परूवेंति-एवं खल एगे जीवे एगेणं समएणं दो किरियाओ पकरेति तहेव जाव सम्मत्तकिरियं च मिच्छतकिरियं च जेते एवमाहंस् तं णं मिच्छा अहं पण गोयमा एवमाइक्कामि जाव परूवेमि-एवं खल एगे जीवे एगेणं समएणं एग किरियं पकरेति तं जहा- सम्मत्तकिरियं वा मिच्छत्तकिरियं वा जं समयं सम्मत्तकिरियं पकरेति नो तं समयं मिच्छत्तकिरियं पकरेति जं समयं मिच्छत्तकिरियं पकरेति नो तं समयं सम्मत्तकिरियं पकरेति सम्मत्तकिरियाप-करणयाए नो मिच्छत्तकिरियं पकरेति
यापकरणयाए नो सम्मत्तकिरियं पकरेति एवं खल एगे जीवे एगेणं समएणं एगं किरियं पकरेति तं जहा- सम्मत्तकिरियं वा मिच्छत्तकिरियं वा ।
[१३९] से तं चउविहपडिवत्ते तिरिक्ख जोणिय उद्देसओ बीओ समत्तो ।
० तच्चाए पडिवत्तीए तिरिक्खजोणिअस्स बीओ उद्देसओ समत्तो .
[] मणुस्साधिगारो [ [१४०] से किं तं मणुस्सा दुविहा पन्नत्ता तं जहा- संमुच्छिममणुस्सा य गब्भवक्कंतियमणुस्सा य से किं तं समुच्छिममणुस्सा संमच्छिममणुस्सा एगागारा पन्नत्ता कहि णं भंते समुच्छिममणुस्सा संमुच्छंति गोयमा अंतोमणुस्सखेत्ते जहा- पन्नवणाए जाव अंतोमुहुत्तद्धाउया चेव कालं पकरेंति सेत्तं समुच्छिममणुस्सा ।
___ [१४१] से किं तं गब्भवक्कंतियमणुस्सा गब्भवक्कंतियमणुस्सा तिविधा पन्नत्ता तं जहाकम्मभूमगा अकम्मभूमगा अंतरदीवगा ।
१४२] से किं तं अंदरदीवगा अंतरदीवगा अट्ठावीसतिविधा पन्नत्ता तं जहा- एगोरुया आभासिता वेसाणिया हयकण्णा गयकण्णा गोकण्णा सक्कुलिकण्णा आयंसमुहा मेंढमुहा अयोमुहा गोमुहा
दीपरत्नसागर संशोधितः]
[40]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |