Page Text
________________
जातीकुलकोडीजोणीपमुहसयसहस्सा समक्खाया तेइंदियाणं पुच्छा गोयमा अट्ठ जातीकुल [कोडीजोणीपमुहसयसहस्सा] समक्खाया बेइंदियाणं भंते कइ जातीकुल कोडीजोणीपमुहसतसहस्सा पुच्छा गोयमा सत्त पडिवत्ति-३
जातीकुलकोडीजोणीपमुह [सतसहस्सा समक्खाया]
___ [१३२] कइ णं भंते गंधवा कइ णं भंते गंधगसया पन्नत्ता गोयमा सत्त गंधवा सत्त गंधंगसया पन्नत्ता कइ णं भंते पुप्फजातीकुलकोडीजोणीपमुहसयसहस्सा पन्नत्ता गोयमा सोलस पुप्फजाती-कुलकोडीजोणीपमुहसयसहस्सा पन्नत्ता तं जहा- चत्तारि जलजा णं चत्तारि थलजाणं चत्तारि महारुक्काणं चत्तारि महागुम्मियाणं कति णं भंते वल्लीओ कति वल्लिसता पन्नत्ता गोयमा चत्तारि वल्लीओ चत्तारि वल्लीसता पन्नत्ता कति णं भंते लत्ताओ कति लतासता पन्नत्ता गोयमा अट्ठ लताओ अट्ठ लतासता पन्नत्ता कति णं भंते हरियकाया कति हरियकायसया पन्नत्ता गोयमा तओ हरियकाया तओ हरिकायसया पन्नत्ता फलसहस्सं च बेंटबद्धाणं फलसहस्सं च नालबद्धाणं ते सव्वे हरितकायमेव समोयरंति ते एवं समणुगम्ममाणा-समणुगम्ममाणा समणुगाहिज्जमाणा-समणुगाहिज्जमाणा समणुपेहिज्जमाणा-समणु-पेहिज्जमाइणा समणुचिंतिज्जमाणा-समणुचिंतिज्जमाणा एएसु चेव दोसु काएसु समोयरंति तं जहा- तसकाए चेव थावरकाए चेव एवमेव सपुव्वावरेणं आजीवदिढतेणं चउरासीति जातिकुलकोडीजोणीप-मुहसतसहस्सा भवंतीति मक्खाया ।
[१३३] अत्थि णं भंते विमाणाई अच्चीणि अच्चियावत्ताई अच्चिप्पभाई अच्चिकंताई अच्चिवण्णाइं अच्चिलेस्साइं अच्चिज्झयाइं अच्चिसिंगाइं अच्चिसिट्ठाइं अच्चिकूडाइं अच्चुत्तरावडिंसगाई हंता अत्थि ते णं भंते विमाणा केमहालता पन्नत्ता गोयमा जावतिए णं सूरीए उदेति जावइयएणं च सूरिए अत्थेमेति एवतियाई तिण्णोवासंतराइं अत्थेगतियस्स देवस्स एगे विक्कमे सिता से णं देवे ताए उक्किट्ठाए तुरियाए जाव दिव्वाए देवगतीए वीतीवयमाणे-वीतीवयमाणे जहण्णेणं एकाई वा दुयाइं वा उक्कोसेणं छम्मासे वीतीवएज्जा-अत्थेगतियं विमाणं वीतीवएज्जा अत्थेगतियं विमाणं नो वीतीवएज्जा एमहालता णं गोयमा ते विमाणा पन्नत्ता समणाउसो अत्थि णं भंते विमाणाइं सोत्थीणि सोत्थियावत्ताई सोत्थियपभाई सोत्थियकंताई सोत्थियवण्णाइं सोत्थियलेसाइं सोत्थियज्झयाई सोत्थिसिंगाइं सोत्थिकडाई सोत्थिसिट्ठाइं सोत्थुत्तरवडिंसगाई हंता अत्थि ते णं भंते विमाणा केमहालता पन्नत्ता गोयमा [जावतिए णं सूरिए उदेति जावइएणं च सूरिए अत्थमेति] एवतियाइं पंच ओवासंतराइं अत्थेगतियस्स देवस्स एगे विक्कमे सिता से णं देवे ताए उक्किट्ठाए जाव देवगतीए वीतीवयमाणे-वीतीवयमाणे जाव समणाउसो, अत्थि णं भंते विमाणाइं कामाई कामावत्ताइं कामप्पभाई कामकंताई कामवण्णाइं कामलेस्साई कामज्झयाई कामसिंगाई कामकूडाइं कामसिट्ठाइं] कामुत्तरवडिंसयाइं हंता अत्थि ते णं भंते विमाणा केमहालया पन्नत्ता गोयमा [जावतिए णं सूरिए उदेति जावइएणं च सूरिए अत्थमेति एवतियाइं सत्त ओवासंतराइं अत्थेगतियस्स देवस्स एगे विक्कमे सिता से णं देवे ते उक्किट्ठाए जाव समणाउसो] अत्थि णं भंते विमाणाइं विजयाइं वेजयंताई जयंताई अपराजिताई हंता अत्थि ते णं भंते विमाणा केमहालता पन्नत्ता गोयमा जावतिए णं सूरिए उदेति जावइए णं च सूरिए अत्थमेति एवइयाइं नव ओवासंतराइं [अत्थेगतियस्स देवस्स एगे विक्कमे सि से णं देवे ताए उक्किट्ठाए जाव देवगतीए वीतीवयमाणेवीतीवयमाणे जहण्णेणं एकाहं वा दुयाहं वा उक्कोसेणं छम्मासे वीतीवएज्जा] नो चेव णं ते विमाणे वीईवएज्जा एमहालयाणं विमाणा पन्नत्ता समणाउसो |
[दीपरत्नसागर संशोधितः]
[38]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |