Page Text
________________
भाणियतव्वं से तं भुयपरिसप्पथलयरपंचेंदियतिरिक्खजोणिया से तं थलयरपंचेंदियतिरिक्खजोणिया से किं तं खहयरपंचेंदियतिरिक्खजोणिया दुविहा पन्नत्ता तं जहा- संमुच्छिमखहयरपंचेंदियतिरिक्खजोणिया गब्भपडिवत्ति-३
वक्कंतियखहयरपंचेंदियतिरिक्खजोणिया य से किं तं समुच्छिमखहयरपंचेंदियतिरिक्खजोणिया दुविहा पन्नत्ता तं जहा- पज्जत्तगसंमुच्छिमखहयरपंचेंदियतिरिक्खजोणिया अपज्जत्तगसंमुच्छिमखहयरपंचेंदियतिरिक्खजोणिया य एवं गब्भवक्कंतियावि जाव पज्जत्तगगब्भवक्कंतियावि अपज्जत्तगगब्भवक्कंतियावि खहयरपंचेंदियतिरिक्खजोणियाणं भंते कतिविधे जोणिसंगहे पन्नत्ते गोयमा तिविहे जोणिसंगहे पन्नत्ते तं जहा- अंडया पोयया संमच्छिमा अंडया तिविधा पन्नत्ता तं जहा- इत्थी पुरिसा नपुंसगा, पोतया तिविधा पन्नत्ता तं जहा- इत्थी पुरिसा नपुंसगा तत्थ णं जेते संमुच्छिमा ते सव्वे नपुंसगा |
[१३१] एतेसिं णं भंते जीवाणं कति लेसाओ पन्नत्ताओ गोयमा छल्लेसाओ पन्नत्ताओ तं जहा- कण्लेसा जाव सुक्कलेसा ते णं भंते जीवा किं सम्मदिट्ठी मिच्छदिट्ठी सम्मामिच्छदिट्ठी गोयमा सम्मदिट्ठीवि मिच्छदिट्ठीवि सम्मामिच्छदिट्ठीवि ते णं भंते जीवा किं नाणी अन्नाणी गोयमा नाणीवि अन्नाणीवि-तिण्णि नाणाइं तिण्णि अन्नाणाई भयणाए ते णं भंते जीवा किं मणजोगी वइजोगी कायजोगी गोयमा तिविधावि ते णं भंते जीवा किं सागरोवउत्ता अणागारोवउत्ता गोयमा सागरोवउत्तावि अणागारोवउत्तावि ते णं भंते जीवा कओ उववज्जंति-किं नेरइएहिंतो उववज्जंति तिरिक्खजोणिएहितो उववज्जंति पुच्छा गोयमा असंखेज्जवासाउयअकम्मभूमग-अंतरदीवगवज्जेहिंतो उववज्जति तेसिं णं भंते जीवाणं केवतियं कालं ठिती पन्नत्ता गोयमा जहण्णेणं अंतोमुहुत्तं उक्कोसेणं पलिओवमस्स असंखेज्जतिभागं तेसि णं भंते जीवाणं कति समुग्धाता पन्नत्ता गोयमा पंच समुग्धाता पन्नत्ता तं जहावेदणासमुग्धाए जाव तेयासमुग्धाए ते णं भंते जीवा मारणंतियसमुग्धाएणं किं समोहता मरंति असमोहता मरंति गोयमा समोहतावि मरंति असमोहतावि मरंति ते णं भंते जीवा अनंतरं उव्वट्टित्ता कहिं गच्छति कहिं उववज्जंति-किं नेरइएसु उववज्जति तिरिक्खजोणिएसु उववज्जति पुच्छा गोयमा एवं उव्वट्टणा भाणियव्वा जहा- वक्कंतीए तहेव, तेसि णं भंते जीवाणं कति जातीकुलकोडिजोणीपमुहसयसहस्सा पन्नत्ता गोयमा बारस जातीकुलकोडीजोणीपमुहसयसहस्सा [जोणीसंगहलेस्सादिट्ठी नाणे य जोग उवओगे उववायठिईसमुग्धाय चयणं जातीकुलविधी उ] भुयपरिसप्पथलयरपंचेंदियतिरिक्खजोणियाणं भंते कतिविधे जोणीसंगहे पन्नत्ते गोयमा तिविहे जोणीसंगहे पन्नत्ते तं जहा- अंडया पोयया संमुच्छिमा एवं जहा खहयराणं तहेव नाणत्तंजहण्णेणं अंतोमुहत्तं उक्कोसेणं पुव्वकोडी उव्वट्टित्ता दोच्चं पुढविं गच्छंति एवं जातीकुलकोडीजोणीपमहसतसहस्सा भवंतीति मक्खायं सेसं तहेव उरपरिसप्पथलयरपंचेंदियतिरिक्खजोणियाणं भंते पुच्छा चहेव भूयपरिसप्पाणं तहेव नवरं-ठिती जहण्णेणं अंतोमुहुत्तं उक्कोसेणं पुव्वकोडी उव्वट्टित्ता जाव पंचमिं पुढविं गच्छंति दस जातीकुलकोडीजोणीपमुहसयसहस्सा चउप्पयथलयरपंचेंदियतिरिक्खजोणियाणं पुच्छा गोयमा दुविधे जोणीसंगहे पन्नत्ते तं जहा- पोयया य समुच्छिमा य पोयया तिविधा पन्नत्ता तं जहा- इत्थी पुरिसा नपुंसगा तत्थ णं जेते संमच्छिमा ते सव्वे नपुंसगा तेसि णं भंते जीवाणं कति लेस्साओ पन्नत्ताओ सेसं जहा- पक्खीणं नाणत्तं-ठिती जहण्णेणं अंतोमुहुत्तं उक्कोसेणं तिण्णिपलिओवमाइं उव्वट्टित्ता चउत्थिं पुढविं गच्छंति दस जातीकुलकोडी जलयरपंचेंदियतिरिक्खजोणिया पुच्छा जहा- भुयपरिसप्पाणं नवरं-उव्वट्टित्ता जाव अधेसत्तमिं पुढविं अद्धतेरस जातीकुलकोडीजोणीपमुह [सयसहस्सा] पन्नत्ता चरिंदियाणं भंते कति जातीकुलकोडीजोणिपमुह-सतसहस्सा पन्नत्ता गोयमा नव
दीपरत्नसागर संशोधितः]
[37]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |