________________
पडिवत्ति-३
जीवा य पोग्गला वक्कमंति तह सासया निरया ।। [११३] उववायपरीमाणं अवहारुच्चत्तमेव संघयणं ।
संठाणवण्णगंधे फासे ऊसासमाहारे ।। [११४] लेसा दिट्ठी नाणे जोगुवओगे तहा समुग्धाए ।
तत्तो य खुप्पिवासा विउव्वणा वेयणा य भए ।। [११५] उववाओ पुरिसाणं ओवम्मं वेयणाए दुवाहए ।
ठिइ उव्वट्टण पुढवी उववाओ सव्वजीवाणं ।। [११६] एयाओ संगहणि गाहाओ । • तच्चाए पडिवत्तिए नेरइअस्स बीओ उद्धेसओ समन्तो .
। “नेरइय" तइओ-उद्देसो । [११७] इमीसे णं भंते रयणप्पभाए पुढवीए नेरइया केरिसयं पोग्गलपरिणामं पच्चणुभवमाणा विहरंति गोयमा अणिढे जाव अमणामं एवं जाव अहेसत्तमाए [एवं-वेदणा-लेस्स-खुहा-पिवासा-वाहि-उस्सासअनुताव-कोह-मान-माया-लोह-आहारसण्णा-भयसण्णा-मेहुणसण्णा-परिग्गहसण्णा-पोग्गल-परिणामाइं] |
[११८] एत्थ किर अतिवयंती नरवसभा केसवा जलचरा य ।
रायाणो मंडवलिया जे य महारंभकोडंबी ।। [११९] भिन्नमुहुत्तो नरएसु तिरियमणुएसु होति चत्तारि ।
देवेसु अद्धमासो उक्कोस विउव्वणा भणिया ।। [१२०] जे पोग्गला अणिट्ठा नियमा सो तेसि होई आहारो ।
संठाणं तु अणिटुं नियमा हंडं तु नायव्वं ।। असुभा विउव्वणा खलु नेरइयाणं तुं होइ सव्वेसिं ।
वेउव्वियं सरीरं असंघयण हंडसंठाणं ।। [१२२] अस्साओ उववण्णो अस्साओ चेव चयइ निरयभवं ।
सव्वपुढवीसु जीवो सव्वेसु ठिइविसेसेसुं ।। उववाएण व सायं नेरइओ देवकम्मुणा वावि ।
अज्झवसाणनिमित्तं अहवा कम्माणुभावेणं ।। [१२४] नेरइयाणुप्पाओ उक्कोसं पंचजोयणसयाइं ।
दुक्खेणभिडुयाणं वेयणसयसंपगाढाणं ।। [१२५] अच्छिनिमीलियमेत्तं नत्थि सुहं दुक्खमेव अनुबद्धं ।
नरए नेरइयाणं अहोनिसं पच्चमाणाणं ।। [१२६] तेयाकम्मसरीरा सुहुमसरीरा य जे अपज्जत्ता ।
जीवेणं मुक्कमेत्ता वच्चंति सहस्ससो भेयं ।।
[१२७] अतिसीतं अतिउण्हं अतितिण्हा अतिखुहा अतिभयं वा । पडिवत्ति-३
दीपरत्नसागर संशोधितः]
[35]
[१४-जीवाजीवाभिगम]
