Page Text
________________
पडिवत्ति-३
गोयमा ते णं तत्थ निच्च भीता निच्चं छुहिया निच्चं तत्था निच्चं तसिता निच्चं उव्विग्गा निच्चं उपप्पुआ निच्चं परमसुभमउलमणुबद्धं निरयभवं पच्चणुभवमाणा विहरंति एवं जाव अधेसत्तमाए अहेसत्तमाए णं पुढवीए पंच अनुत्तरा महतिमहालया महानरगा पन्नत्ता तं जहा- काले महाकाले रोरुए महारोए अप्पतिद्वाणे तत्थ इमे पंच महापुरिसा अनुत्तरेहिं दंडसमादाणेहिं कालमासे कालं किच्चा अप्पतिद्वाणे नरए नेरइयत्ताए उवण्णा तं जहा- रामे जमदग्गिपुत्ते दढाऊलेच्छतिपुत्ते वसू उवरिचरे सुभूमे कोरव्वे बंभदत्ते चुलणिसुते ते णं तत्थ वेदणं वेदेति-उज्जलं विउलं जाव दुरहियासं, उसिणवेदणिज्जेसु णं भंते नरएस नेरइया केरिसयं उसिणवेदणं पच्चणुब्भवमाणा विहरति गोयमा से जहानामए-कम्मारदारए सिता-तरुणे बलवं जुगवं जुवाणे अप्पायंके थिरग्गहत्थे दढपाणि-पाय-पास-पितॄतरोरुपरिणए घणनिचियवलियवदृखंधे चम्मेद्वग-दुघण-मुट्ठियसमाहयनिचियगायगत्ते उरस्सबलसमण्णागए तलजमलजुयलाहूं लंघणपवण-जवण-पमद्दणसमत्थे छेए दक्खे पट्टे कुसले मेहावी निउणसिप्पोवगए एगं महं अयपिंड उदगवारगसमाणं गहाय तं ताविय-ताविय कोट्टिय-कोट्टिय जाव एगाहं वा दुयाहं वा तियाहं वा उक्कोसेमं अद्धमासं साहणेज्जा से णं तं सीतं सीतीभूतं अओमएणं संडासएणं गहाय असब्भावपट्ठवणाए उसिणवेदणिज्जेसु नरएसु पक्खिवेज्जा से णं तं उम्मिसियणिमिसियंतरेणं पुनरवि पच्चद्धरिस्सामित्तिकट्ट पविरायमेव पासेज्जा पविलीणमेव पासेज्जा पविद्धत्थमेव पासेज्जा नो चेव णं संचाएति अविरायं वा अविलीणं वा अविद्वत्थ वा पुनरवि पच्चद्धरित्तए से जहा- वा मत्तमातंगे दुपाए कुंजरे सट्ठिहयणे पढमसरयकालसमयंसि वा चरमनिदायघकालसमयंसि वा उण्हाभिहए तण्हाभिहए दवग्गिजालाभिहए आउरे झसिए पिवासिए नब्बले किलंते एक्कं महं पक्खरिणिं पासेज्जा-चाउक्कोणं समतीरं अनपव्वसजायवप्पगंभीर-सीतलजलं संछण्णपत्तभिसमुणालं बहुउप्पल-कुमुद-नलिण-सुभग-सोगंधिय-पुंडरीय-सयपत्तसहस्सपत्त-केसर-फल्लोवचियं छप्पयपरिभज्जमाणकमलं अच्छविमलसलिलपन्नं परिहत्थभमंत मच्छकच्छमं अणेगस-उणगणमिहुणय-विरचिय-सहुन्नइयमहुरसरनाइयं तं पासइ पासित्ता तं ओगाहइ ओगाहित्ता से णं तत्थ उण्हपि पविणेज्जा तण्हपि पविणेज्जा खुहपि पविणेज्जा जरंपि पविणेज्जा दाहंपि पविणेज्जा निदाएज्जा वा पयलाएज्ज वा सतिं वा रतिं वा धितिं वा मतिं वा उवलभेज्जा सीए सीयभूए संकसमाणे-संकसमाणे साया-सोक्खबहले यावि विहरेज्जा एवामेव गोयमा असब्भावपट्टवणाए उसिणवेदणिज्जेहिंतो नरएहिंतो नेरइए उव्वट्टिए समाणे जाइं इमाई मणुस्सलोयंसि भवंति तं जहागोलियालिंछाणि वा सोंडियालिंछाणि वा भंडियालिंछाणि वा तिलागणीति वा तुसागणीति वा भुसागणीति वा नलागणीति वा अयागराणि वा तंबागराणि वा तउयागराणि वा सीसागराणि वा रुप्पागराणि वा सुवण्णागराणि व इट्टावाएति वा कुंभारा-वेति वा कवेल्लुयावाएति वा लोहारंबरिसेति वा जंतवाडचुल्लीति वातत्ताइं समजोतिभूयाइं फुल्लकिंसुय-समाणाइं उक्कासहस्साइं विणिम्मुयमाणाइं जालासहस्साई पमुच्चामाणाइं इंगालसहस्साइं पविक्खिरमाणाइं अंतो-अंतो हुहुयमाणाइं चिति ताई पासइ पासित्ता ताई ओगाहइ ओगाहित्ता से णं तत्थ उण्हंपि पविणेज्जा जाव यावि विहरेज्जा भवेयारूवे सिया नो इणट्टे समढे गोयमा उसिणवेदणिज्जेसु नरएस नेरइया एत्तो अणिद्वतरिय चेव उसिणवेदणं पच्चणुभवमाणा विहरंति ।
सीयवेदणिज्जेसु णं भंते नरएस नेरइया केरिसयं सीयवेदणं पच्चणुब्भवमाणा विहरंति गोयमा से जहानामए कम्मारदारए सिया तरुणे जगवं बलवं जाव निउणसिप्पोवगते एगं महं अयपिंड दगवारसमाणं गहाय ताविय-ताविय कोट्टिय-कोट्टिय जाव एगाहं व दुयाहं वा तियाहं वा उक्कोसेणं मासं
[दीपरत्नसागर संशोधितः]
[33]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |