Page Text
________________
पडिवत्ति -३
दिट्ठी मिच्छदिट्ठी सम्मामिच्छदिट्ठी गोयमा सम्मदिट्ठी वि मिच्छदिट्ठीवि सम्मामविच्छदिट्ठवि एवं जाव अहेसत्तमाए इमीसे णं भंते रयणप्पभाए पुढवीए नेरइया किं नाणी अन्नाणी गोयमा नाणीवि अन्नाणीवि जे नाणी ते नियमा तिन्नाणी तं जहा- आभिणिबोहियनाणी स्यनाणी अवधिनाणी जे अन्नाणी ते अत्थेगतिया दुअन्नाणी अत्थेगइया तिअन्नाणी जे दुअन्नाणी ते नियमा मतिअन्नाणी य सुयअन्नाणी य जे तिअन्नाणी ते नियमा मतिअन्नाणी स्यअन्नाणी विभंगनाणीवि सेसा णं नाणीवि अन्नाणीवि तिण्णि जाव अधेसत्तमाए इमीसे णं भंते रयणप्पभाए किं मणजोगी वइजोगी कायजोगी तिण्णिवि एवं जाव अहेसत्तमाए इमीसे णं भंते रयणप्पभाए पुढवीए नेरइया किं सागरोवउत्ता अणागारोवउत्ता गोयमा सागरोवउत्तावि अणागारोवउत्तावि एवं जाव अहेसत्तमाए पुढवीए इमीसे णं भंते रयणप्पभाए पुढवीए नेरइया ओहिणा केवतियं खेत्तं जाणंति-पासंति गोयमा जहन्नेणं अट्ठगाउयाइं उक्कोसेणं चत्तारि गाउयाई सक्करप्पभाए जहण्णेणं तिन्नि गाउयाई उक्कोसेणं अट्ठाइं एवं अद्धद्धगाउयं परिहायति जाव अधेसत्तमाए जहण्णेणं अद्धगाउयं उक्कोसेणं गाउयं इमीसे णं भंते रयणप्पभाए पुढवीए नेरइयाणं कति समुग्घाता पन्नत्ता गोयमा चत्तारि समग्घाता पन्नत्ता तं जहा- वेदणासमुग्घाए कसायसमुग्घाए मारणतियसमुग्घाए वेठव्वियसमुग्घाए एवं जाव अहेसत्तमाए |
_ [१०५] इमीसे णं भंते रयणप्पभाए पुढवीए नेरइया केरिसयं खुहप्पिवासं पच्चणुब्भवमाणा विहरंति गोयमा एगमेगस्स णं रयणप्पभापढविनेरइयस्स असब्भावपट्ठवणाए सववोदधी वा सव्वपोग्गले वा आसगंसि पक्खिवेज्जा नो चेव णं से रयणप्पभाए पुढवीए नेरइए तित्ते वासिता वितण्हे वा सिता एरिसया णं गोयमा रयणप्पभाए नेरइया खुधप्पिवासं पच्चणुब्भवमाणा विहरंति एवं जाव अधेसत्तमए इमीसे णं भंते रयणप्पभाए पुढवीए नेरइया किं एकत्तं पभू विउव्वित्तए पुहत्तंप पभू विउव्वित्तए गोयमा एगत्तंपि पभू विउव्वित्तए एगत्तं विउव्वेमाणा एग महं मोग्गररूवं वा मुसुंढिरूवं वा एवं-मोग्गर-मुसुंढि-करवत-असिसत्ती-हल-गता-मुसल-चक्का नाराय-कुंत-तोमर-सूल-लउड-भिंडमाला य जाव भिंडमालरूवं वा पुहत्तं विउव्वेमाणा मोग्गररूवाणि वा जाव भिंडमालरूवाणि वा ताई संखेज्जाइं नो असंखेज्जाइं संबद्धाइं नो असंबद्धाइं सरिसाइं नो असरिसाइं विउव्वंति विउव्वित्ता अण्णमण्मस्स कायं अभिहणमाणा-अभिहणमाणा वेयणं उदीरेंति-उज्जलं विउलं पगाढं कक्कसं कडुयं फरुसं निरं चंडं तिव्वं दुक्खं दुग्गं दुरहियासं एवं जाव धमप्पभाए छट्ठसत्तमासु णं पुढवीसु नेइरया बहू महंताई लोहियकुंथुरूवाइं वइरामयतुंडाई गोमयकीडसमाणाई विउव्वंति विउव्वित्ता अन्नमन्नस्स कायं समतुरंगेमाणा-समतुरंगेमाणा खायमाणाखायमाणा सयपोरागकिमिया विव चालेमाणा-चालेमाणा अंतो-अंतो
विसमाणा वेदणं उदीरेंति-उज्जलं जाव दुरहियासं इमीसे णं भंते रयणप्पभाए पुढवीए नेरइया किं सीतवेदणं वेदेति उसिणवेदणं वेदेति सीओसिणवेदणं वेदेति गोयमा नो सीयं वेदणं वेदेति उसिणं वेदणं वेदेति नो सीतोसिणं वेदणं वेदेति एवं जाव वालुयप्पभाए पंकप्पभाए पुच्छा गोयमा सीयंपि वेदणं वेदेति उसिणंपि वेदणं वेदेति नो सीओसिणवेदणं वेदेति ते बहुतरगा जे उसिणं वेदणं वेदेति ते थोवतरगा जे सीतं वेदणं वेदेति, धूमप्पभाए पुच्छा गोयमा सीतंपि वेदणं वेदेति उसिणंपि वेदणं वेदेति नो सीओसिणवेदणं वेदेति ते बहुतरगा जे सीतवेदणं वेदेति ते थोवतरका जे उसिणं वेदणं वेदेति, तमाए सीयं वेदणं वेदेति नो उसिणं वेदणं वेदेति नो सीतोसिणं वेदेति एवं अहेसत्तमाए नवरं-परमसीयं ।
इमीसे णं भंते रयणप्पभाए पुढवीए नेरइया केरिसयं निरयभवं पच्चणुभवमाणा विहरंति
दीपरत्नसागर संशोधितः]
[32]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |