Page Text
________________
सीहा जंति चउत्थिं उरगा पुण पंचमिं जंति ||
[१०२] छद्धिं च इत्थीयाओ मच्छा मणुया य सत्तमिं जंति जाव अर्धसत्तमा ढव नेरइया नो असण्णीहिंतो जाव नो इत्थियाहिंतो उववज्जंति मच्छमणुस्सेहिंतो उववज्जंति इमीसे णं भंते रयणप्पभाए पुढवीए नेरइया एक्कसमएणं केवतिया उववज्जंति गोयमा जहण्णेणं एक्को वा दो वा तिि वा उक्कोसेणं संखेज्जा वा असंखिज्जा वा एवं जाव अधेसत्तमाए इमीसे णं भंते रयणप्पभाए पुढवीए नेरइया समए- समए अवहीरमाणा - अवहीरमाणा केवतिकालेणं अवहिता सिता गोयमा ते णं असंखेज्जा समए- समए अवहीरमाणा - अवहीरमाण असंखेज्जाहिं उस्सप्पिणी- ओसप्पिणीहं अवहीरंति नो चेव णं अवहिता सिता जाव अधेसत्तमा इमीसे णं भंते रयणप्पभाए पुढवीए नेरइयाणं केमहालिया सरीरोगाहणा, दुविहा भवधारणिज्जा य उत्तरवेउव्विया य तत्थ णं जासा भवधारणिज्जा सा जहण्णेमं अंगुलस्स असंखेज्जतिभागं उक्कोसेणं सत्तधणूइं तिण्णि य रयणीओ छच्च अंगुलाई तत्थ णं जासा उत्तरवेउव्विया सा जहण्णेणं अंगुलस्स संखेज्जतिभागं उक्कोसेणं पन्नररसधणूइं अड्ढाइज्जातो रयणीओ उत्तरवेव्विया जहण्णेणं अंगुलस्स संखेज्जभागं उक्कोसेणं एक्कतीसं धणूइं एक्का रयणी तच्चाए भवधारणिज्जे एक्कतीसंधणूइं एक्का रयणी उत्तरवेउव्विया बावट्ठिधणूइं दोण्णि रयणीओ चउत्थीए भवधारणिज्जे बावट्ठिधणूइं दोण्णि य रयणीओ उत्तरवेउव्विया पणवीसंधणुसयं पंचमीए भवधारणिज्जे पणवीसंधणुस त्तरवेउव्विया अड्ढाइज्जाई धणुसयाई छट्ठीए भवधारणिज्जा अड्ढाइज्जाई धणुसयाई उत्तरवेव्विया पंचधणुसयाइं सत्तमाए भवधारणिज्जा पंचधणुसयाइं उत्तरवउव्विए धणुसहस्सं ।
[१०३] इमीसे णं भंते रयणप्पभाए पुढवीए नेरइयाणं सरीरया किसंधयणी पन्नत्ता गोयमा छण्हं संघयणाणं असंघयणी-नेवट्ठी नेव छिरा नवि ण्हारू जे पोग्गला अणिट्ठा जाव अमणामा ते तेसिं सरीरसंघायत्ताए परिणमंति एवं जाव अधेसत्तमाए इमीसे णं भंते रयणप्पभाए पुढवीए नेरइयाणं सरीरा किसंठिता पन्नत्ता गोयमा दुविहा, भवधारणिज्जा य उत्तरवेउव्विया य तत्थ णं जेते भवधारणिज्जा हुंडसंठिया जेते उत्तरवेउव्विया तेविं हुंडसंठिया पन्नत्ता एवं जाव अहेसत्तमाए, इमीसे णं भंते रयप्पा पुढवीए नेरइयाणं सरीरगा केरिसगा वण्णेणं पन्नत्ता गोयमा काला कालोभासाजाव परमकिण्हा वण्णेणं पन्नत्ता एवं जाव अहेसत्तमाए, इमीसे णं भंते रयणप्पभाए पुढवीए नेरइयाणं सरीरया केरिसया गंधेणं पन्नत्ता गोयमा से जहानामए अहिमडेइ वा तं चेव जाव अहेसत्तमाए इमीसे णं भंते रयणप्पा पुढी नेरइयाणं सरीरया केरिसया फासेणं पन्नत्ता गोयमा फुडितच्छविविच्छविया खरफरुस -झाम झुसिरा पन्नत्ता एवं जाव अधेसत्तमाए ।
[१०४] इमीसे णं भंते रयणप्पभाए पुढवीए नेरइयाणं केरिसया पोग्गला ऊसासत्ताए परिणमंति गोयमा जे पोग्गला अणिट्ठा जाव अमणामा ते तेसिं ऊसासत्ताए परिणमंति एवं जाव अहेसत्तमाए एवं आहारस्सवि सत्तसुवि इमीसे णं भंते रयणप्पभाए पुढवीए नेरइयाणं कति लेसाओ पन्नत्ताओ गोयमा एक्का काउलेसा पन्नत्ता एवं सक्करप्पभाएवि वालुयप्पभाए पुच्छा दो लेसाओ पन्नत्ताओ तं जहा- नीललेसा काउलेसा य ते बहुतरगा जे काउलेसा ते थोवतरगा जे नीललेस्सा पंकप्पभाए पुच्छा एक्का नीललेसा पन्नत्ता धूमप्पभाए पुच्छा गोयमा दो लेस्साओ पन्नत्ताओ तं जहाकिण्हलेस्सा य नीललेस्सा य ते बहुतरका जे नीललेस्सा ते थोवतरका जे किण्हलेसा, तमाए पुच्छा गोमा एक्का किण्हलेस्सा अधेसत्तमाए एक्का परमकिण्हलेस्सा इमीसे णं भंते रयणप्पभाए पुढवीए नेरड्या किं
सम्म
[दीपरत्नसागर संशोधितः ]
[31]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |