Page Text
________________
कम्मभूमगाणं अकम्मभूमगाणं अंतरदीवगाणं देवपुरिसाणं भवण-वासीणं जाव वेमाणियाणं सोधम्माणं जाव सव्वट्ठसिद्धगाण य कतरे कतरेहिंतो अप्पा वा जाव गोयमा सव्वथोवा अंतरदीवगअकम्मभूमगमणुस्सपुरिसा देवकुरुउत्तर-कुरुअकम्मभूमगमणुस्सपुरिसा दोवि संखेज्जगुणा हरिवासरम्मगवास अकम्मभूमगमणुस्सपुरिसा दोविं संखेज्जगुणा हेमवतहेरण्णवतवासअकम्मभूमगमणुस्सपुरिसा दोवि संखेज्जगुणा भरहेरवतवास-कम्मभूमगमणुस्सपुरिसा दोवि संखेज्जगुणा पुव्वविदेहे - अवरविदेहकम्म-भूमगमणुस्सपुरिसा व संखेज्जगुणा अनुत्तरोववातिय- देवपुरिसा असंखेज्जगुणा उवरिमगेविज्जदेवपुरिसा संखेज्जगुणा मज्झिमगेविज्जदेवपुरिसा संखेज्जगुणा हेट्ठिमगेविज्जदेवपुरिसा संखेज्जगुणा अच्चुयकप्पे देवपुरिसा संखेज्जगुणा जाव आणतकप्पे देवपुरिसा संखेज्जगुणा सहस्सारे कप्पे देवपुरिसा असंखेज्जगुणा महासुक्के कप्पे देवपुरिसा असंखेज्जगुणा जाव माहिंदे कप्पे देवपुरिसा असंखेज्जगुणा सणकुमारकप्पे देवुरिसा असंखेज्जगुणा ईसाणकप्पे देवपुरिसा असंखेज्जगुणा सोधम्मे कप्पे देवपुरिसा संखेज्जगुणा भवणवासिदेवपुरिसा संखेज्जगुणा जलयरतिरिक्खजोणिय - असंखेज्जगुणा थलयरतिरिक्खजोणियपुरिसा संखेज्जगुणा जलयरतिरिक्खजोणियपुरिसा संखेज्जगुणा वणमंतरदेवपुरिसा संखेज्जगुणा जोतिसियदेवपुरिसा संखेज्जगुणा ।
[६५] पुरिसवेदस्स णं भंते केवतियं कालं बंधट्ठिती प. गोयमा जहन्नेणं अट्ठ संवच्छराणि उक्कोसेणं दस सागरोवमकोडाकोडीओ दसवाससयाइं अबाहा अबाहूणिया कम्मट्ठीती कम्मणिसेओ, पुरिसवेदे णं भंते किंपकारे पन्नत्ते गोयमा दवग्गिजालसमाणे पन्नत्ते सेत्तं पुरिस |
[६६] से किं तं नपुंसगा तिविहा पन्नत्ता तं जहा- नेरइयनपुंसगा तिरिक्खजोणियनपुंसगा मणुस्सजोणियनपुंसगा से किं तं नेरइयनपुसंगा से किं तं तिरिक्खजोणियनपुंसगा तिरिक्खजोणियनपुंसगा पंचविधा पन्नत्ता तं जहा- एगिंदियतिरिक्खजोणियनपुंसगा जाव पंचिंदियतिरिक्खजोणियनपुंसगा से किं तं एगिंदि-यतिरिक्खजोणियनपुंसगा एगिंदियतिरिक्खजोणियनपुंसगा पंचविधा पन्नत्ता तं जहा- पुढविकाइया जाव वणस्सतिकाइया से तं एगिंदियतिरिक्खजोणियनपुंसगा से किं तं बेइंदियतिरिक्खजोणियनपुंसगा वेइंदियतिरिक्खजोणियनपुंसगा अनेगविधा पन्नत्ता से तं बेइंदियतिरिक्खजोणिया, एवं तेइंदियावी चउरिंदि-यावि, से किं तं पंचेंदियतिरिक्खजोणियनपुंसगा पंचेंदियतिरिक्खजोणियनपुंसगा तिविधा पन्नत्ता तं जहा- जलयरा थलयरा खहयरा से किं तं जलयरा जलयरा सो चेव इत्थिभेदो आसालियसहितो भाणियव्वो से तं पंचेंदियतिरिक्खजोणियनपुंसगा से किं तं मणुस्सनपुंसगा मणुस्सनपुंसगा तिविधा पन्नत्ता तं जहा
कम्म
पडिवत्ति-२
भूमगा अकम्म-भूमगा अंतरदीवगा भेदो भाणियव्वा ।
[६७] नपुंसगस्स णं भंते केवतियं कालं ठिती पन्नत्ता गोयमा जहन्नेणं अंतोमुहुत्तं उक्कोसेणं तेत्तीसं सागरोवमाइं नेरइयनपुंसगस्स णं भंते केवतियं कालं ठिती पन्नत्ता गोयमा जहन्नेणं दसवाससहस्साइं उक्कोसेणं तेत्तीसं सागरोवमाइं सव्वेसिं ठिती भाणियव्वा जाव अधेसत्तमापुढविनेरइया तिरिक्खजोणियनपुंसगस्स णं भंते केवतियं कालं ठिती पन्नत्ता गोयमा जहण्णेणं अंतोमुहुत्तं उक्कोसेणं पुव्वकोडी एगिंदियतिरिक्खजोणियनपुंसगस्स जहण्णेणं अंतोमुहुत्तं उक्कोसेणं बावीसं वाससहस्साइं पुढविकाइयएगिंदियतिरिक्खजोणियनपुंसगस्स जहण्णेणं अंतोमुहुत्तं उक्कोसेणं बावीसं वाससहस्सां सव्वेसिं एगिंदियनपुंसगाणं ठिती भाणियव्वा बेइंदियतेइंदियचउरिंदियनपुंसगाणं ठिती भाणियव् गोयमा जहणेणं [दीपरत्नसागर संशोधितः] [१४- जीवाजीवाभिगमं ]
[19]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |