Page Text
________________
[५७] इत्थीणं भंते केवतियं कालं अंतरं होई गोयमा जहण्णेणं अंतोमहत्तं उक्कोसेणं अनंत कालं-वणस्सइकालो एवं सव्वासिं तिरिक्खत्थीणं मणुस्सित्थीए खेत्तं पडुच्च जहण्णेणं अंतोमुहुत्तं उक्कोसेणं वणस्सइकालो धम्मचरणं पडुच्च जहण्णेणं एक्कं समयं उक्कोसेणं अनंतं कालं-जाव अवड्ढपोग्गलपरियह देसूणं एवं जाव पुव्वविदेहे-अवरविदेहियाओ अकम्मभूमिगमणुस्सित्थीणं भंते केवतियं कालं अंतरं होइ गोयमा जम्मणं पडुच्च जहण्णेणं दसवाससहस्साइं अंतोमुत्तमब्भहियाइं उक्कोसेणं वणस्सइकालो संहरणं पडुच्च जहण्णेणं अंतोमुहत्तं उक्कोसेणं वणस्सइकालो एवं जाव अंतरदीवियाओ देवित्थियाणं सव्वासिं जहण्णेणं अंतोमुहत्तं उक्कोसेणं वणस्सइकालो ।
1५८] एयासि णं भंते तिरिक्खजोणित्थियाणं मणस्सित्थियाणं देवित्थियाणं य कतरा कत राहिंतो अप्पा वा बया वा तुल्ला वा विसेसाहिया वा गोयमा सव्वत्थोवाओ मणुस्सित्थियाओ तिरिक्खजोणियाओ असंखेज्जगुणाओ देवित्थियाओ असंखेज्जगुणाओ एयासि णं भंते तिरिक्खजोणित्थियाणं-जलयरीणं थलयरीणं खहयरीणं य कतरा कतराहिंतो अप्पा वा जाव विसेसाहिया वा गोयमा सव्वत्थोवाओ खहयरतिरिक्खजोणित्थियाओ थलयरतिरिक्खजोणित्थियाओ संखेज्जगणाओ जलयरतिरिक्खजोणित्थियाओ संखेज्जगुणाओ एयासि णं भंते मणुस्सित्थीणं-कम्मभूमियाणं अकम्मभूमियाणं अंतरदीवियाण य कतरा कतराहिंतो अप्पा वा जाव विसेसाहिया वा गोयमा सव्वत्थोवाओ अंतरदीवग अकम्मभूमिगमणुस्सित्थियाओ देवकुरुउत्तरकुरुअकम्मभूमिगमणुस्सित्थियाओ दोवि तुल्लाओ संखेज्जगुणाओ हरिवासरम्मगवास-अकम्मभूमिगमणुस्सित्थियाओ दोवि तुल्लाओ संखेज्जगुणाओ हेमवएरण्णवयअकम्मभूमिगमणुस्सि-त्थियाओ दोवि तुल्लाओ संखेज्जगुणाओ भरहेरवयकम्मभूमिगमस्सित्थियाओ दोवि तुल्लाओ संखेज्ज-गुणाओ पुव्वविदेहेअवरविदेहकम्मभूमिगमणुस्सित्थियाओ दोवि तुल्लाओ संखेज्जगुणो एयासि णं भंते देवित्थियाणंभवणवासिणीणं वाणमंतरीणं जोइसिणीणं वेमाणिणीणं य कतरा कतराहिंतो अप्पा वा जाव विसेसाहिया वा गोयमा सव्वत्थोवाओ वेमाणियदेवित्थियाओ भवणवासिदेवित्थियाओ असंखेज्जगुणाओ, वाणमंतरदेवित्थियाओ असंखेज्जगुणाओ जोइसियदेवित्थियाओ संखेज्जगुणाओ, .
एयासि णं भंते तिरिक्खजोणित्थियाणं-जलयरीणं थलयरीणं खहयरीण पत्थियाणंपडिवत्ति-२
कम्मभूमियाणं अकम्मभूमियाणं अंतरदीवियाणं देवित्थियाणं-भवणवासिणीणं वाणमंतरीणं जोइसिणीणं वेमाणिणीय कतरा कतराहिंतो अप्पा वा जाव विसेसाहिया वा गोयमा सव्वत्थोवाओ अंतरदीवगअकम्मभूमिगमणुस्सित्थियाओ देवकुरुउत्तरकुरुअकम्मभूमिगमणुस्सि-त्थियाओ दोवि तुल्लाओ संखेज्जगुणाओ हरिवासरम्मगवासअकम्मभूमिगमणुस्सित्थियाओ दोवि तुल्लाओ संखेज्जगुणाओ हेमवएरण्णवयअकम्मभूमिगमणस्सित्थियाओ दोवि तल्लाओ संखेज्जगणाओ भरहेरवयकम्मभूमिगमणस्सित्थियाओ दोवि तुल्लाओ संखेज्जगुणाओ पुव्वविदेहअवरवि-देहकम्मभूमिगमणुस्सित्थियाओ दोवि तुल्लाओ संखेज्जगुणाओ वेमाणियदेवित्थियाओ असंखेज्जगुणाओ भवणासेदेवित्थियाओ असंखेज्जगुणाओ खहयरतिरिक्खजोणित्थियाओ असंखेज्जगुणाओ थलयरतिरिक्खिजोणित्थियाओ संखेज्जगुणाओ जलयरतिरिक्खजोणित्थियाओ संखेज्जगुणाओ वाणमंतरदेवित्थियाओ संखेज्जगुणाओ जोइसियदेवित्थियाओ संखेज्जगुणाओ ।
[५९] इत्थिवेदस्स णं भंते कम्मस्स केवतियं कालं बंधठिती पन्नत्ता गोयमा जहन्नेणं सागरोवमस्स दिवड्ढो सत्तभागो पलिओवमस्स असंखेज्जइभागेणं ऊणो उक्कोसेणं पन्नरस
[दीपरत्नसागर संशोधितः]
[17]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |