Page Text
________________
पन्नत्ता गोयमा जहा तिरिक्खजोणित्थीओ, उरपरिसप्पथलयरतिरिक्खजोणित्थीणं भंते केवतियं कालं ठिती पन्नत्ता गोयमा जहन्नेणं अंतोमुहत्तं उक्कोसेणं पुष्कोडी एवं भुयपरिसप्पतिरिक्खजोणित्थीओ एवं खहयरतिरिक्खत्थीणं जहन्नेणं अंतोमुहुत्तं उक्कोसेणं पलिओवमस्स असंखेज्जइभागो मणुस्सित्थीणं भंते केवतियं कालं ठिती पन्नत्ता गोयमा खेत्तं पडुच्च जहन्नेणं अंतोमुहुत्तं उक्कोसेणं तिण्णि पलिओवमाइं धम्मचरणं पडुच्च जहन्नेणं अंतोमुहुत्तं उक्कोसेणं देसूणा पुव्वकोडी कम्मभूमयमणुस्सित्थीणं भंते केवतियं कालं ठिती पन्नत्ता गोयमा खेत्तं पडुच्च जहन्नेणं अंतोमुहत्तं उक्कोसेणं तिण्णि पलिओवमाइं धम्मचरणं पडुच्च जहन्नेणं अंतोमुहत्तं उक्कोसेणं देसूणा पुव्वकोडी भरहेरवयकम्मभूमगमणुस्सित्थीणं भंते केवतियं कालं ठिती पन्नत्ता गोयमा खेत्तं पडुच्च जहण्णेणं अंतोमुहुत्तं उक्कोसेणं तिण्णि पलिओवमाई धम्मचरणं पडुच्च जहण्णेणं अंतोमुहुत्तं उक्कोसेणं देसूणा पुव्वकोडी, पुव्वविदेहअवरविदेहकम्मभूमगमणुस्सित्थीणं भंते केवतियं कालं ठिती पन्नत्ता गोयमा खेत्तं पडुच्च जहण्णेणं अंतोमुहत्तं उक्कोसेणं पुवकोडी धम्मचरणं पडुच्च जहण्णेणं अंतोमुहत्तं उक्कोसेणं देसूणा पुव्वकोडी, अकम्मभूमगमणुस्सित्थीणं भंते केवतियं कालं ठिती पन्नत्ता गोयम जम्मणं पडुच्च जहन्नेणं
णं पलिओवमं पलिओवमस्स असंखेज्जइभागेणं ऊणगं उक्कोसेणं पलिओवमं सहरणं पड़च्च जहन्नेणं अंतोमुहुत्तं उक्कोसेणं देसूणा पुव्वकोडी, हरिवासरम्मगवास-अकम्मभूमगमणुस्सित्थीणं भंते केवतियं कालं ठिती पन्नत्ता गोयमा जम्मणं पडुच्च जहण्णेणं देसूणाई दो पलिओवमाइं पलिओवमस्स असंखेज्जइभागेणं ऊणयाइं उक्कोसेणं दो पलिवओवमाइं संहरणं पडुच्च अजहन्नेणं अंतोमुहत्तं उक्कोसेणं देसूणा पुव्वकोडी |
देवकुरुउत्तरकुरुकम्मभूमगमणुस्सित्थीणं भंते केवतियं कालं ठिती पन्नत्ता गोयमा जम्मणं पडुच्च जहन्नेणं देसूणाई तिण्णि पलिओवमाइं पलिओवमस्स असंखेज्जइभागेणं ऊणयाइं उक्कोसेणं तिण्णि पलिओवमाइं संहरणं पडुच्च जहन्नेणं अंतोमुहत्तं उक्कोसेणं देसूणा पुव्वकोडी, अंतरदीवगअकम्मभूमगमणुस्सित्थीणं भंते केवतियं कालं ठिती पन्नत्ता गोयमा जम्मणं पडुच्च जहन्नेणं देसूणं पलिओवपडिवत्ति-२
मस्स असंखेज्जइभागं पलिओवमस्स असंखेज्जइभागेणं ऊणयं उक्कोसेणं पलिओवमस्स असंखेज्जइभागं संहरणं पडुच्चजहन्नेणं अंतोमुहुत्तं उक्कोसेणं देसूणा पुव्वकोडी, देवित्थीणं भंते केवतियं कालं ठिती पन्नत्ता गोयमा जहन्नेणं दसवाससहस्साइं उक्कोसेणं पणपन्नं पलिओवमाइं, भवणवासिदेवित्थीणं भंते केवतियं कालं ठिती पन्नत्ता गोयम जहन्नेणं दसवाससहस्साइं उक्कोसेणं अद्धपंचमाइं पलिओवमाइं एवं असुर-कुमारभवणवासिदेवित्थियाए नागकुमार-भवणवासिदेवित्थियाए जहन्नेणं दसवाससहस्साई उक्कोसेणं देसूणाई पलिवओमाइं एवं सेसाणवि जाव थणियकुमारीणं वाणमंतरीणं जहन्नेणं दसवाससहस्साई उक्कोसेणं अद्धपलिओवमं जोइसियदेवित्थीणं भंते केवतियं कालं ठिती पन्नत्ता गोयम जहन्नेणं अट्ठभागपलिओवमं उक्कोसेणं अद्धपलिओवमं पन्नासाए वाससहस्सेहिं अब्भहियं चंदविमाणजोइसियदेवित्थीणं जहण्णेणं चउभागपलिओवमं उक्कोसेणं तं चेव, सूरिविमाणजोइसियदेवित्थीणं जहन्नेणं चउभागपलिओवमं उक्कोसेणं अद्धपलिओवमं पंचहिं वाससएहिमब्भहियं गहविमाणजोइसियदेवित्थीणं जहन्नेणं चउभागपलिओवम उक्कोसेणं चउभागपलिओवमं सातिरेग तारा-विमाणजोइसियदेवित्थीणं जहन्नेणं अट्ठभागपलिओवमं उक्कोसेणं सातिरेगं अट्ठभागपलिओवमं वेमाणियदेवित्थीणं जहन्नेणं पलिओवम उक्कोसेणं पणपन्नं पलिओवमाइं सोहम्मकप्पवेमाणिय-देवित्थीणं भंते केवतियं कालं ठिती पन्नत्ता गोयमा जहन्नेणं
[दीपरत्नसागर संशोधितः]
[15]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |