Page Text
________________
जहा- जलयरीओ थलयरीओ खहयरीओ, से किं तं जलयरीओ जलयरीओ पंचविहाओ पन्नत्ताओ तं जहामच्छीओ जाव सुंसुमारीओ से तं जलयरीओ से किं तं थलयरीओ थलयरीओ दुविहाओ पन्नत्ताओ तं जहा- चउप्पईओ य परिसप्पीओ य से किं तं चउप्पईओ चउप्पईओ चउव्विहाओ पन्नत्ताओ तं जहाएगखुरीओ जाव सणप्फईओ से तं चउप्पयथलयरतिरिक्खजोणित्थीओ से किं तं परिसप्पीओ परिसप्पीओ दुविहाओ पन्नत्ताओ तं जहा- उरपरिसप्पीओ य भुयपरिसप्पीओ य से किं तं उरपरिसप्पीओ उरपरिसप्पीओ तिविहाओ पन्नत्ताओ तं जहा अहीओ अयगरीओ महोरगीओ य सेत्तं उरपरिसप्पीओ से किं तं भयपरि-सप्पीओ भयपरिसप्पीओ अनेगविहाओ पन्नत्ताओ तं जहा- गोहीओ नउलीओ सेधाओ सल्लीओ सरडीओ सरंधीओ साराओ खाराओ पवलाइयाओ चउप्पइयाओ मूसियाओ मुगुंसियाओ घरोलियाओ जाहियओ छीरबिरालियाओ सेत्तं भुयपरिसप्पीओ से किं तं खहयरीओ खहयरीओ चउव्विहाओ पन्नत्ताओ तं जहा- चम्मपक्खीओ जाव विततपक्खीओ सेत्तं खहयरीओ सेत्तं तिरिक्खजोणित्थीओ |
से किं तं मणुस्सित्थियाओ मणुस्सित्थियाओ तिविहाओ पन्नत्ताओ तं जहाकम्मभूमयाओ अकम्मभूमियाओ अंतरदीवियाओ से किं तं अंतरदीवियाओ अंतरदीवियाओ अट्ठावीसइविहाओ पन्नत्ताओ तं जहा- एगूरुड्याओ आभासियाओ जाव सुद्धदंताओ सेत्तं अंदरदीवियाओ से किं तं अकम्मभूमियाओ अकम्मभूमियाओ तीसतिविहाओ पन्नत्ताओ तं जहा- पंचसु हेमवएसु पंचसु एरण्णवएसु पंचसु हरिवासेसु पंचसु रम्मगवासेसु पंचसु देवकुरासु पंचसु उत्तरकुसारु सेत्तं अकम्मभूमियाओ से किं तं कम्मभूमियाओ कम्मभूमियाओ पन्नरसविहाओ पन्नत्ताओ तं जहा- पंचसु भरहेसु पंचसु एरवएसु पंचसु महाविदेहेसु सेत्तं कम्मभूमगमणुस्सित्थीओ सेत्तं मणुस्सित्तीओ, से किं तं देवित्तियाओ देवित्त्थियाओ चउव्विहाओ पन्नत्ताओ तं जहाभवणवासिदेवित्थियाओ वाणमंतरदेवित्थियाओ जोइसियदेवित्थियाओ वेमाणियदेवित्थियाओ से किं तं भवणवासिदेवित्थियाओ भवणवासिदेवित्थियाओ दसविहाओ पन्नत्ताओ तं जहा- असुरकुमारभवणासिदेपडिवत्ति-२
वित्थियाओ जाव थणियकुमारभवणवासिदेवित्थियाओ से तं भवणवासिदेवित्थयाओ से किं तं वाणमंतरदेवित्थियाओ वाणमंतरदेवित्थियाओ अट्ठविहाओ पन्नत्ताओ तं जहा- पिसायवाणमंतरदेवित्थियाओ जाव गंधव्ववाणमंतरदेवित्तियाओ से तं वाणमंतरदेवित्थियाओ से किं तं जोइसियदेवित्थियाओ जोइसियदेवित्थयाओ पंचविहाओ पन्नत्ताओ तं जहा- चंदविमाणजोइसियदेवित्थियाओ सूर-गह-नक्खत-ताराविमाणजोइसिय देवित्थियाओ सेत्तं जोइसियदेवित्थियाओ से किं तं वेमाणियदेवित्थियाओ वेमाणियदेवित्थियाओ विहाओ पन्नत्ताओ तं जहा- सोहम्मकप्पवेमाणियदेवित्थियाओ ईसाम-कप्पवेमाणियदेवित्थियाओ सेत्तं वेमाणिय-देवित्थायाओ ।
[१४] इत्थीणं भंते केवतियं कालं ठिती पन्नत्ता गोयमा एगेणं आदेसेमं-जहन्नेणं अंतोमुहुत्तं उक्कोसेणं पणपन्नं पलिओवमाई एक्केणं आदेसेण-जहन्नेणं अंतोमुहत्तं उक्कोसेणं नव पलिओवमाइं एगेणं आदेसेणं जहण्णेणं अंतोमुहत्तं उक्कोसेणं सत्त पलिओवमाइं एगेणं आदेसेणंजहन्नेणं अंतोमुहुत्तं उक्कोसेणं पन्नासं पलिओवमाइं ।
[१५] तिरिक्खजोणित्थीणं भंते केवतियं कालं ठिती पन्नत्ता गोयमा जहन्नेणं अंतोमहत्तं उक्कोसेणं तिण्णि पलिओवमाइं जलयरतिरिक्खजोणित्थीणं भंते केवतियं कालं ठिती पन्नत्ता गोयमा जहन्नेणं अंतोमुहुत्तं उक्कोसेणं पुव्वकोडी चउप्पयथलयरतिरिक्खजोणित्थीणं भंते केवतियं कालं ठिती [दीपरत्नसागर संशोधितः]
[14]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |