Page Text
________________
अंतोमुहुत्तं उक्कोसेणं छावहिसागरोवमाइं सातिरेगाइं एवं सुयनाणीवि ओहिनाणी णं भंते ओहिनाणित्ति कालओ केवचिरं होति गोयमा जहण्णेणं एक्कं समयं उक्कोसेणं छावद्विसागरोवमाइं सातिरेगाई मणपज्जवनाणी णं भंते मणपज्जवनाणित्ति कालओ केवचिरं होई गोयमा जहन्नेणं एक्कं समयं उक्कोसेणं देसूणा पुव्वकोडी केवलनाणी णं भंते केवलनाणित्ति कालओ केवचिरं होति गोयमा सादीए अपज्जवसिते मतिअन्नाणी णं भंते अमतिअन्नाणित्ति कालओ केवचिरं होति गोयमा मइअन्नाणी तिविहे पन्नत्ते तं जहा- अणादी एवा अपज्जवसिए अणादीए वा सपज्जवसिए सादीए वा सपज्जवसिते तत्थ णं जेसे सादीए सपज्जवसिते से जहण्णेणं अंतोमहत्तं उक्कोसेणं अनंतं कालं जाव अवड्ढं पोग्गलपरियट्ट देसूणं सुयअन्नणी एवं चेव, विभंगनाणी णं भंते विभंगनाणित्ति कालओ केवचिरं होति एक्कं समयं उक्कोसेणं तेत्तीसं सागरोवमाई देसूणाए पुव्वकोडीए अब्भहियाई आभिणिबोहियनाणिस्स णं भंते अंतरं कालओ केवचिरं होइ गोयमा जहण्णेणं अंतोमुहुत्तं उक्कोसेणं अनंतं कालं जाव अवड्ढे पोग्गलपरियट्ट देसूणं एवं सुयनाणिस्सवि ओहिनाणिस्सवि मणपज्जवनाणिस्सवि केवलनाणिस्स णं भंते अंतरं कालओ केवचिरं होति गोयमा सादीयस्स अपज्जवसियस्स नत्थि अंतरं मइअन्नाणियस्स णं भंते अंतर कालओ केवचिरं होति गोयमा अमादियस्स अपज्जवसियस्स नत्थि अंतरं अमादीयस्स सपज्जवसियस्स नत्थि अंतरं सादीयस्स सपज्जवसियस्स जहन्नेणं अंतोमुहुत्तं उक्कोसेणं छावट्ठि सागरोवमाइं सातिरेगाइं ए यअन्नाणिस्स वि, विभंगनाणिस्स णं भंते अंतरं कालओ केवचिरं होति गोयमा जहन्नेणं अंतोमुहुत्तं उक्कोसेणं वणस्सतिकालो अप्पाबयं-सव्वत्थोवा जीवा मणपज्जवनाणी, ओहिनाणी असंखेज्जगुणा आभिणिबोहियनाणी सुयनाणी सहाणे दोवि तुल्ला विसेसाहिया, विभंगनाणी असंखेज्जगुणा केवलनाणी अनंतगुणा मइअन्नाणी सुयअन्नाणी य सट्ठाणे दोवि तुल्ला अनंतगुणा |
__ [३९४] अहवा अट्ठविहा सव्वजीवा पन्नत्ता तं जहा- नेरइया तिरिक्खजोणिया तिरिक्खजोणिणीओ मणुस्सा मणुस्सीओ देवा देवीओ सिद्धा, नेरइए णं भंते नेरइयत्ति कालओ केवचिरं होति गोयमा जहण्णेणं दस वाससहस्साइं उक्कोसेणं तेत्तीसं सागरोवमाइं, तिरिक्खजोणिए णं भंते तिरिक्खजोणिएत्ति कालओ केवचिरं होति गोयमा जहन्नेणं अंतोमुहत्तं उक्कोसेणं वणस्सतिकालो तिरिक्खजोणिणी णं भंते तिरिक्खजोणिएति कालओ केवचिरं होति गोयमा जहन्नेणं अंतोमहत्तं उक्कोसेणं वणस्सतिकालो तिरिक्खजोणिणी णं भंते तिरिक्खजोणिणीत्ति कालओ केवचिरं होति गोयमा जहण्णेणं अंतोमुहुत्तं उक्कोसेणं तिण्णि पलिओवमाइं पुव्वकोडिपुहत्तमब्भहियाइं एवं मणूसे मणूसी देवे जहा नेरइए देवी णं भंते देवीत्ति कालओ केवचिरं होति गोयमा जहण्णेणं दस वाससहस्साइं उक्कोसेणं पणपन्नं पलिपडिवत्ति-१०/७
ओमाई, सिद्धे णं भंते सिद्धेत्ति कालओ केवचिरं होति गोयमा सादीए अपज्जवसिए, नेरइयस्स णं भंते भंते अंतरं कालओ केवचिरं होति गोयमा जहण्णेणं अंतोमुहुत्तं उक्कोसेणं वणस्सतिकालो, तिरिक्खणजोणियस्स णं भंते अंतरं कालओ केवचिरं होति गोयमा जहणेण्णं अंतोमुहुत्तं उक्कोसणं सागरोवमसतपुहत्तं सातिरेगं, तिरिक्खोणिणी णं भंते अंतरं कालओ केवचिरं होति गोयमा जहन्नेणं अंतोमुहुत्तं उक्कोसेणं वणस्सतिकालो एवं मणुस्सस्सवि मणुस्ससीएवि देवस्सवि देवीएवि सिद्धस्स णं भंते अंतरं कालओ केवचिरं होति गोयमा सादीयस्स अपज्जवसियस्स नत्थि अंतरं अप्पाबहुयं-सव्वत्थोवा मणुस्सीओ, मणुस्सा असंखेज्जगुणा नेरइया असंखेज्जगुणा तिरिक्खजोणिणीओ असंखेज्जगुणाओ देवा
दीपरत्नसागर संशोधितः]
[147]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |