Page Text
________________
असंखेज्जगुणा देवीओ संखेज्ज - गुणाओ सिद्धा अनंतगुणा तिरिक्खजोणिया अनंतगुणा सेत्तं अट्ठविहा सव्वजीवा ।
मुनि दीपरत्नसागरेण संशोधिताः सम्पादिताश्च सत्तमी सव्वजीवा पडिवत्ती समत्ता • [ अट्ठमी सव्वजीवा-पडिवत्ती ॥
[३९५] तत्थ णं जेते एवमाहंसु नवविधा सव्वजीवा पन्नत्ता ते एवमाहंसु तं जहा एगिंदिया बेइंदिया तेइंदिया चउरिंदिया नेरइया पंचेंदियतिरिक्खजोणिया मणूसा देवा सिद्धा, एगिंदिए णं भंते एगिंदियत्ति कालओ केवचिरं होइ गोयमा जहन्नेणं अंतोमुहुत्तं उक्कोसेणंवणस्सतिकालो बेइंदिए णं भंते बेइंदिएत्ति कालओ केवचिरं होति गोयमा जहन्नेणं अंतोमुहुत्तं उक्कोसेणं संखेज्ज कालं एवं इंदिएवि चउरिंदिएवि, नेरइए णं भंते नेरइएत्ति कालओ केवचिरं होति गोयमा जहन्नेणं दस वाससहस्साइं उक्कोसेणं तेत्तीसं सागरोवमाइं पंचेंदियतिरिक्खजोणिए णं भंते पंचेंदियतिरिक्खजोणिएत्ति कालओ केवचिरं होति गोयमा जहन्नेणं अंतोमुहुत्तं उक्कोसेणं तिण्णि पलिओवमाइं पुव्वकोडिपुहत्तमब्भहियाइं एवं मणूसेवि देवा जहा नेरइया, सिद्धे णं भंते सिद्धेत्ति कालओ केवचिरं होति गोयमा सादीए अपज्जवसिए, एगिंदियस्सणं भंते अंतरं कालओ केवचिरं होति गोयमा जहन्नेणं अंतोमुहुत्तं उक्कोसेणं दो सागरोवमसहस्साइं संखेज्जवासमब्भहियाई, बेइंदियस्स णं भंते अंतरं कालओ केवचिरं होति गोयमा जहण्णेणं अंतोमुहुत्तं उक्कोसेणं दो सागरोवमसहस्साइं संखेज्जवासमब्भहियाइं, एवं तेइंदिंयस्सवि चउरिंदियस्सवि नेरइयस्सवि पंचंदियतिरिक्खजोणियस्सवि मणूसस्सवि देवस्सवि सव्वेसिमेवं अंतरं भाणियव्वं सिद्धस्स णं भंते अंतरं कालओ केवचिरं होति गोयमा सादीयस्स अपज्जवसियस्स नत्थि अंतरं अप्पाबहुयं-सव्वत्थोवा मणुस्सा, नेरइया असंखेज्जगुणा देवा असंखेज्जगुणा पंचेंदियतिरिक्खजोणिया असंखेज्जगुणा चउरिंदिया विसेसाहिया तेइंदिया विसेसाहिया बेइंदिया विसेसाहिया सिद्धा अनंतगुणा एगिंदिया अनंतगुणा ।
[३९६] अहवा नवविधा सव्वजीवा पन्नत्ता तं जहा- पढमसमयनेरइया अपढम समयनेरइया पढमसमयतिरिक्खजोणिया अपढमसमयतिरिक्खजोणिया पढमसमयमणूसा अपढमसमयमणूसा पढमसमयदेवा अपढमसमयदेवा सिद्धा य, पढमसमयनेरड्या णं भंते पढमसमयनेरइएत्ति कालओ केवचिरं होति गोयमा एक्कं समयं अपढमसमयनेरइए णं भंते अपढमसमयनेरइएत्ति काल-ओ केवचिरं होति गोयमा जहण्णेणं दस वाससहस्साइं समयूणाई उक्कोसेणं तेत्तीसं सागरोवमाई समयूणाई पढमसमयिरिक्खजोणिए णं भंते पढमसमयतिरिक्खजोणिएत्ति कालओ केवचिरं होति गोयमा एक्कं समयं अपढमसमय-तिरिक्खजोणि णं भंते अपढमसमयतिरिक्खजोणिएत्ति कालओ केवचिरं होति गोयमा जहण्णेणं खुड्डागं भवग्गहणं समयूणं उक्कोसेणं वणस्सतिकालो, पढमसमयमणूसे णं भंते पढमसमयमणूसेत्ति कालओ
पडिवत्ति-१०/८
०
केवचिरं होति गोयमा एक्कं समयं अपढमसमयमणूसे णं भंते अपढमसमयमणूसेत्ति कालओ केवचिरं होति गोयमा जहण्णेणं खुड्डागं भवग्गहणं समयूणं उक्कोसेणं तिमि पलिओवमाइं पुव्वकोडिपुहत्तमब्भहियाइं देवे जहा नेरइए ।
[दीपरत्नसागर संशोधितः ]
[148]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |