Page Text
________________
उक्कोसेणं वणस्सतिकालो आहारगसरीरस्स जहण्णेणं अंतोमुहुत्तं उक्कोसेणं अनंत कालं जाव अवड्ढं पोग्गलपरियट्टे देसूणं तेयग-कम्मगाणं दोण्हवि अणाइय-अपज्जवसियाणं नत्थि अंतरं अणाइयसपज्जवसियाणं नत्थि अंतरं असरीरिस्स साइय-अपज्जवसियस्स नत्थि अंतरं अप्पाबयंसव्वत्थोवा आहारगसरीरी वेउव्वियसरीरी असंखेज्जगुणा ओरालियसरीरीअसंखेज्जगुणा असरीरीअनंतगुणा तेयाकम्मसरीरी दोवि तुल्ला अनंतगुणा सेत्तं छव्विहा सव्वजीवा | • मुनि दीपरत्नसागरेण संशोधिताः सम्पादिताश्च पंचमी सव्वजीवा पडिवत्ती समत्ता •
छट्ठी सव्वजीवा-पडिवत्ती । [३९१] तत्थ णं जेते एवमाहंसु सत्तविधा सव्वजीवा पन्नत्ता ते एवमाहंसु तं जहापुढविकाइया आउकाइया तेउकाइया वठकाइया वणस्सतिकाइया तसकाइया अकाइया, संचिट्ठणंतरा जहा हेट्ठा अप्पाबहयं-सव्वत्थोवा तसकाइया, तेउकाइया असंखेज्जगणा पुढविकाइया विसेसाहिया आउकाइया विसेसाहिया वाउकाइया विसेसाहिया अकाइया अनंतगुणा वणस्सइकाइया अनंतगुणा ।
[३९२] अहवा सत्तविहा सव्वजीवा पन्नत्ता तं जहा- कण्हलेस्सा नीललेस्सा काउलेस्सा तेउलेस्सा पम्हलेस्सा सुक्कलेस्सा अलेस्सा, कण्हलेसे णं भंते कण्हलेसत्ति कालओ केवचिरं होइ गोयमा जहन्नेणं अंतोमुहत्तं उक्कोसेणं तेत्तीसं सागरोवमाइं अंतोमुत्तमब्भहियाइं नीललेस्से णं भंते नीललेस्सत्ति कालओ केवचिरं होइ गोयमा जहण्णेणं अंतोमहत्तं उक्कोसेणं दस सागरोवमाई पलिओवमस्स असंखेज्जतिभागमब्भहियाई काउलेस्से णं भंते काउलेस्सेत्ति कालओ केवचिरं होइ गोयमा जहन्नेणं अंतोमहत्तं उक्कोसेणं तिण्णि सागरोवमाइं पलिवओमस्स असंखेज्जतिभागमब्भहियाइं तेउलेस्से णं भंते तेउलेस्सेत्ति कालओ केवचिरं होइ गोयमा जहण्णेणं अंतोमुहुत्तं उक्कोसेणं दोण्णि सागरोवमाइं पलिओवमस्स असंखेज्जइभागमब्भहियाइं, पम्हलेसे गंभंते पम्हलेसेत्ति कालओ केवचिरं होइ गोयमा जहण्णेणं अंतोमुत्तं उक्कोसेणं दस सागरोवमाइं अंतोमुत्तमब्भहियाई, सुक्कलेसे णं भंते सुक्कलेसेत्ति कालओ केवचिरं होइ गोयमा जहण्णेणं अंतोमुहुत्तं उक्कोसेणं तेत्तीसं सागरोवमाइं अंतोमुत्तमब्भहियाई अलेस्से णं भंते सादीए अपज्जवसिते कण्हलेसस्स णं भंते अंतरं कालओ केवचिरं होति गोयमा जहण्णेणं अंतोमुहुत्तं उक्कोसेणं तेत्तीसं सागरोवमाइं अंतोमुत्तमब्भहियाइं एवं नीललेसस्सवि काउलेस्सवि तेउपम्हसुक्काणं अंतरं जहण्णेणं अंतोमुहत्तं उक्कोसेणं वणस्सतिकालो अलेसस्स णं भंते अंतरं कालओ केवचिरं होइ गोयमा सादीयस्स अपज्जवसियस्स नत्थि अंतरं अप्पाबहुयं-सव्वत्थोवा सुक्कलेस्सा, पम्हपडिवत्ति-१०/६
लेस्सा संखेज्जगुणा, तेउलेस्सा संखेज्जगुणा, अलेस्सा अनंतगुणा, काउलेस्सा अनंतगुणा, नीललेस्सा विसेसा-हिया, कम्हलेस्सा विसेसाहिया सेत्तं सत्तविहा सव्वजीवा | • मुनि दीपरत्नसागरेण संशोधिताः सम्पादिताश्च छट्ठी सव्वजीवा पडिवत्ती समत्ता •
। सत्तमी सव्वजीवा-पडिवत्ती । [३९३] तत्थ णं जेते एवमाहंस अट्टविहा सव्वजीवा पन्नत्ता ते एवमाहंसु तं जहाआभिणिबोहियनाणी सुयनाणी ओहिनाणी मणपज्जवनाणी केवलनाणी मतिअन्नाणी सुयअन्नाणी विभंगनाणी, आभिणिबोहियनाणी णं भंते आभिणिबोहियनाणित्ति कालओ केवचिरं होति गोयमा जहण्णेणं
दीपरत्नसागर संशोधितः]
[146]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |