Page Text
________________
हेट्ठा, कोहकसाई मानकसाई मायाकसाई णं अंतरं जहण्णेणं एक्कं समयं उक्कोसेणं अंतोमुत्तं लोहकसाइस्स अंतरं जहण्णेणं अंतोमुहत्तं उक्कोसेणवि अंतोमुत्तं, अकसाई तहेव जहा हेट्ठा [अप्पाबाह्य]
[३८७] अकसाइणो सव्वत्थोवा मानकसाई तहा अनंतगुणा ।
___ कोहे माया लोभे विसेसमहिया मुणेयव्वा ।।
[३८८] अहवा पंचविहा सव्वजीवा पन्नत्ता तं जहा- नेरइया तिरिक्खजोणिया मणुस्सा देवा सिद्धा, संचिट्ठणंतराणि जह हेढा भणियाणि अप्पाबयं-सव्वत्थोवा मणुस्सा, नेरइया असंखेज्जगुणा देवा असंखेज्जगुणा सिद्धा अनंतगुणा तिरिया अनंतगुणा सेत्तं पंचविहा सव्वजीवा | • मुनि दीपरत्नसागरेण संशोधिताः सम्पादिताश्च चउत्थी सव्वजीवा पडिवत्ती समत्ता •
॥ पंचमी सव्वजीवा-पडिवत्ती । _[३८९] तत्थ णं जेते एवमाहंसु छव्विहा सव्वजीवा पन्नत्ता ते एवमाहंसु तं जहा आभिणिबोहियानाणी सयनाणी ओहिनाणी मणपज्जवनाणी केवलनाणी, अन्नाणीआभिणिबोहियनाणी णं भंते आभिणिबोहियनाणित्ति कालओ केवचिरं होइ गोयमा जहण्णेणं अंतोमुहत्तं उक्कोसेणं छावडिं सागरोवमाइं साइरेगाइं एवं सुयनाणीवि, ओहिनाणी णं भंते ओहिनाणीत्ति कालओ केवचिरं होइ गोयमा जहण्णेणं एक्कं समयं उक्कोसेणं छावहिसागरोवमाइं साइरेगाई, मणपज्जवनाणी णं भंते मणपज्जवनाणीत्ति कालओ केवचिरं होइ गोयमा जहण्णेणं एक्कं समयं उक्कोसेणं देसूणा पव्वकोडी, केवलनाणी णं भंते केवलनाणीत्ति कालओ केवचिरं होइ गोयमा सादीए अपज्जवसिए अन्नाणिणो तिविहा पन्नत्ता तं जहा- अणाइए वा अपज्जवसिए, अणाइए वा सपज्जवसिए, साइए वा सपज्जवसिए जहण्णेणं अंतोमुहुत्तं उक्कोसेणं अनंतं कालं अवड्ढं पोग्गलपरियट्टे देसूणं अंतरंआभिणिबोहियनाणिस्सं जहण्णेणं अंतोमुहुत्तं उक्कोसेणं अनंतं कालं अवड्ढं पोग्गलपरियट्टू देसूणं एवं सुयनाणिस्सवि ओहिनाणिस्सवि मणपज्जवनाणिस्सवि केवलनाणिणो नत्थि अंतरं अन्नाणिस्स साइय-सपज्जवसियस्स जहण्णेणं अंतोमुहत्तं उक्कोसेणं छावहिँ सागरोवमाइं साइरेगाई, अप्पाबयं-सव्वत्थोवा मणपजज्वनाणी, ओहिनाणी असंखेज्जगुणा आभिणिबोहियनाणी सुयनाणी सट्टाणे दोवि तुल्ला विसेसाहिया केवलनाणी अनंतगुणा अन्नाणी अनंतगणा ।
[३९०] अहवा छव्विहा सव्वजीवा पन्नत्ता तं जहा- एगिदिया बेइंदिया तेइंदिया चरिंदिया पंचेंदिया अणिंदिया, संचिट्ठणंतरं जहा हेट्ठा, अप्पाबहुयं-सव्वत्थोवा पंचेंदिया, चउरिंदिया विसेसाहिया पडिवत्ति-१०/५
तेइंदिया विसेसाहिया बेइंदिया विसेसाहिया अणिंदिया अनंतगुणा, एगिंदिया अनंतगुणा, अहवा छव्विहा सव्वजीवा पन्नत्ता तं जहा- ओरालियसरीरी वेउव्वियसरीरी आहारगसरीरी तेयगसरीरी कम्मगसरीरी असररीरी, ओरालियसरीरी णं भंते ओरालियसरीरीत्ति कालओ केवचिरं होइ गोयमा जहन्नेणं खुड्डागं भवग्गहणं दुसमऊणं उक्कोसेणं असंखेज्ज कालं जाव अंगुलस्स असंखेज्जतिभागं वेउव्वियसरीरी जहण्णेणं एक्कं सयमं उक्कोसेणं तेत्तीसं सागरोवमाइं अंतोमुत्तमब्भहियाइं आहारगसरीरी जहण्णेणं अंतोमुहत्तं उक्कोसेणवि अंतोमुहुत्तं तेयगसरीरी कम्मगसरीरी य पत्तेयं दुविहे तं जहा- अणादीए वा अपज्जवसिए अमादीए वा सपज्जवसिए असरीरी साइए अपज्जवसिए ओरालियसरीरीरस्स अंतरं जहण्णेणं एक्कं समयं उक्कोसेणं तेत्तीसं सागरोवमाइं अंतोमुहुत्तमब्भहियाई वेउव्वियसरीरस्स अंतरं जहण्णेणं अंतोमुहुत्तं
दीपरत्नसागर संशोधितः]
[145]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |