Page Text
________________
उक्कोसेणं अंतोमुहुत्तं, अयोगिस्स नत्थि अंतरं अप्पाबहुयं सव्वत्थोवा मणजोगी, वइजोगी असंखेज्जगुणा, अजोगी अनंतगुणा कायजोगी अनंतगुणा ।
[३८३] अहवा चउव्विहा सव्वजीवा पन्नत्ता तं जहा - इत्थिवेयगा पुरिसवेयगा नपुंसगवेयगा अवेयगा, इत्थिवेए णं भंते इत्थिवेयएत्ति कालओ केवचिरं होति गोयमा एगेणं आएसेणं जहा कायद्वितीए पुरिसवेदस्स जहण्णेणं अंतोमुहुत्तं उक्कोसेणं सागरोवमसयपुहत्तं सातिरेगं नपुंसगवेदस्स जहण्णेणं एक्कं समय उक्कोसेणं वणस्सतिकालो अवेयए दुविहे पन्नत्ते- साइए वा अपज्जवसिते साइए वा सज्जवि तत्थ णं जेसे सादीए सपज्जवसिते से जहन्नेणं एक्कं समयं उक्कोसेणं अंतोमुहुत्तं इत्थिवेदस्स अंतरं जहण्णेणं अंतोमुहुत्तं उक्कोसेणं वणस्सतिकालो पुरिसवेदस्स अंतरं जहण्णेणं एगे समयं उक्कोसेणं वणस्सइकालो नपुंसगवेदस्स अंतरं जहण्णेणं अंतोमुहुत्तं उक्कोसेणं सागरोवमसयपुहत्तं सातिरेगं अवेदगो जहा हेट्ठा अप्पाबहुयं-सव्वत्थोवा पुरिसवेदगा, इत्थवेदगा संखेज्जगुणा अवेदगा संखेज्जगुणा नपुंसगवेदगा अनंतगुणा ।
[३८४] अहवा चउव्विहा सव्वजीवा पन्नत्ता तं जहा- चक्खुदंसणी अचक्खुदंसणी ओहिदंसणी केवलदंसणी, चक्खुदंसणी णं भंते चक्खुदंसणीत्ति कालओ केवचिरं होति गोयमा जहण्णेणं अंतोमुहुत्तं उक्कोसेणं सागरोवमसहस्सं सातिरेगं, अचक्खुदंसणी दुविहे पन्नत्ते अणादिए वा अपज्जवसए अणादिव सपज्जवसिए, ओहिदंसणी जहण्णेणं एक्कं समयं उक्कोसेणं दो छावट्ठीओ सागरोवमाणं साइरेगाओ, केवलदंसणी साइए अपज्जवसाए चक्खुदंसणिस्स अंतरं जहण्णेणं अंतोमुहुत्तं उक्कोसेणं वणस्सतिकालो, अचक्खुदंणिस्स दुविधस्स नत्थि अंतरं, ओहिदंसणिस्स जहन्नेणं एक्कं समयं उक्कोसणं वणस्सतिकालो केवलदंसणिस्स नत्थि अंतरं अप्पाबहुयं सव्वत्थोवा ओहिदंसणी, चक्खुदंसणी असंखेज्जगुणा, केवलदंसणी अनंतगुणा, अचक्खुदंसणी अनंतगुणा ।
[३८५] अहवा चउव्विहा सव्वजीवा पन्नत्ता तं जहा- संजया असंजया संजयासंजया नोसंजया-नोअसंजया - नोसंजयासंजया, संजए णं भंते संजएत्ति कालओ केवचरं होति गोयमा जहण्णेणं एक्कं समयं उक्कोसेणं देसूणा पुव्वकोडी असंजया जहा नाणी संजयासंजए जहणणेणं अंतोमुहुत्तं उक्कोसेणं देसूणा पुव्वकोडी नोसंजत - नोअसंजत-नोसंजतासंजते साइए अपज्जवसिए संजयस्स संजयासंजयस्स दोण्हवि अंतरं जहण्णेणं अंतोमुहुत्तं उक्कोसेणं अवड्ढं पोग्गलपरियहं देसूणं असंजयस्स आदि दुवे नत्थि अंतरं साइयस्स सपज्जवसियस्स जहण्णेणं एक्कं समयं उक्कोसेणं देसूणा पुव्वकोडी चउत्थगस्स नत्थि अंतरं अप्पाबहुयं सव्वत्थोवा संजया, संजयासंजया असंखेज्जगुणा, नोसंजय - नोअसंजय-नोसंजया संजया पडिवत्ति-१०/३
अनंतगुणा, असंजया अनंतगुणा सेत्तं चउव्विहा सव्वजीवा ।
मुनि दीपरत्नसागरेण संशोधिताः सम्पादिताश्च तच्चा सव्वजीवा पडिवत्ती समत्ता • [] चउत्थी सव्वजीवा - पडिवती [
[३८६] तत्थ जेते एवमाहंसु पंचविधा सव्वजीवा पन्त्ता ते एवमाहंसु तं जहा- कोहकसाई माणकसाई मायाकसाई लोभकसाई अकसाई, कोहकसाई मानकसाई मायाकसाई णं जहण्णेणं अंतोतं उक्कोसेणवि अंतोमुहुत्तं, लोभकसाइस्स जहण्णेणं एकं समयं उक्कोसेणं अंतोमुहुत्तं अकसाई दुविहे जहा
[दीपरत्नसागर संशोधितः ]
[१४- जीवाजीवाभिगमं ]
०
[144]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |