Page Text
________________
साइरेगं नोपज्जत्तग-नोअपज्ज-त्तगस्स नत्थि अंतरं अप्पाबहुयं सव्वत्थोवा नोपज्जत्तग-नो अपज्जत्तगा, अपज्जत्तगा अनंतगुणा, पज्जत्तगा संखेज्जगुणा ।
[३७८] अहवा तिविहा सव्वजीवा पन्नत्ता तं जहा - सुहुमा बायरा नोसुहुमनोबायरा सुहुमे णं भंते सुहुमेत्ति कालओ केवचिरं होइ गोयमा जहण्णेणं अंतोमुहुत्तं उक्कोसेणं पुढविकालो बायर णं भंते बायरेत्ति कालओ केवचिरं होइ गोयमा जहण्णेणं अंतोमुहुत्तं उक्कोसेणं असंखेज्जं कालंअसंखेज्जाओ उस्सप्पिणी-ओसप्पिणीओ कालओ खेत्तओ अंगुलस्स असंखेज्जइभागो नोसुहुमनोबायरे साइए अपज्जवसिए सुहुमस्स अंतरं बायरकालो बायरस्स अंतरं सुहुमकालो नोसुहुमनोबायरस्स अंतरं नत्थि अप्पाबहुयं-सव्वत्थोवा नोसुहुम-नोबायरा, बायरा अनंतगुणा सुहुमा असंखेज्जगुणा ।
[३७९] अहवा तिविहा सव्वजीवा पन्नत्ता तं जहा सण्णी असण्णी नोसण्णी - नोअसण्णी सण्णी णं भंते सण्णीत्ति कालओ केवचिरं होइ गोयमा जहण्णेणं अंतोमुहुत्तं उक्कोसेणं सागरोवमसतपुहत्तं सातिरेगं असण्णी णं भंते असण्णीत्ति कालओ केवचिरं होइ गोयमा जहणेणं अंतोमुहुत्तं उक्कोसेणं वणस्सतिकालो नोसण्मी-नोअसण्णी साइए अपज्जवसिते सण्णिस्स अंतरं जहण्णेणं अंतोमुहुत्तं उक्कोसेणं वणस्सतिकालो असण्णस्स अंतरं जहन्नेणं अंतोमुहुत्तं उक्कोसेणं सागरोवमसयपुहत्तं सातिरेगं नोसण्णी - नोअसण्णिस्स नत्थि अंतरं अप्पाबहुयं सव्वत्थोवा सण्णी नोसण्णी, नोअसण्णी अनंतगुणा, असण्णी अनंतगुणा ।
[३८०] अहवा तिविहा सव्वजीवा पन्नत्ता तं जहा - भवसिद्धिया अभवसिद्धिया नोभवसिद्धियनोअभवसिद्धिया भवसिद्धिए अणादीए सपज्जवसिए अभवसिद्धिए अणादीए अपज्जवसिए नोभवसिद्धियअभवसिद्धि सादीए अपज्जवसिए भवसिद्धियस्स नत्थि अंतरं अभवसिद्धियस्स नत्थि अंतरं नोभवसिद्धिय-नोअभविद्धियस्स नत्थि अंतरं अप्पाबहुयं सव्वत्थोवा अभवसिद्धिया, नोभवसिद्धियनोअभवसिद्धिया अनंतगुणा, भवसिद्धिया अनंतगुणा ।
[ ३८१] अहवा तिविहा सव्व जीवा तं जहा तसा थावरा नोतसानोथावरा तसे णं भंते कालओ अजहण्णेणं अंतोमुहुत्तं उक्कोसेणं दो सागरोवमसहस्साइं साइरेगाइं थावरस्स संचिट्ठणा वणस्सतिकालो नोतसनोथावरा सातीए अपज्जवसिए तसस्स अंतरं वणस्सतिकालो थावरस्स तसकालो नोतसनोथावरस्स नत्थि अंतरं अप्पाबहुगं सव्वत्थोवा तसा, नोतसानोथावरा अनंतगुणा, थावरा अनत गुणा, से तं विधा सव्व जीवा । पडिवत्ति-१०/२
मुनि दीपरत्नसागरेण संशोधिताः सम्पादिताश्च दोच्चा सव्वजीवा पडिवत्ती समत्ता • [] तच्चा सव्वजीवा - पडिवत्ती
[३८२] तत्थ णं जेते एवमाहंसु चउव्विहा सव्वजीवा पन्नत्ता ते एवमाहंसु तं जहा मणजोगी वइजोगी कायजोगी अजोगी, मणजोगी णंभंते मणजोगित्ती कालओ केवचिरं होइ गोयमा जहण्णेणं एक्कं समयं उक्कोसेणं अंतोमुहुत्तं एवं वइजोगीवि, कायजोगी णं भंते कायजोगित्ति कालओ केवचिरंहोइ गोयमा जहण्णेणं अंतोमुहुत्तं उक्कोसेणं वणस्सतिकालो, अजोगी साइए अपज्जवसिए मणजोगिस्स अंतरं जहण्णेणं अंतोमुहुत्तं उक्कोसेणं वणस्सइकालो एवं वइजोगिस्स वि, कायजोगिस्स जहण्णेणं एक्कं समयं
०
[ दीपरत्नसागर संशोधितः ]
[143]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |