Page Text
________________
[३४६] तत्थ णं जेते एवमाहंसु छव्विहा संसारसमावण्णगा जीवा ते एवमाहंसु तं जहापुढविकाइया आउक्काइया तेउक्काइया वाउकाइया वणस्सतिकाइया तसकाइया, से किं तं पुढविकाकइया पुढविकाइया दुविहा पन्नत्ता तं जहा- सुहुमपुढविकाइया बदरपुढविकाइया य, सुहुमपुढविकाइया दुविहापज्जत्तगा य अपज्जत्तगा य एवं बादरपुढविकाइयावि एवं जाव वणस्सतिकाइया से किं तं तसकाइया तसकाइया दुविहा तं जहा- पज्जत्तगा य अपज्जत्तगा य ।
[३४७] पुढविकाइयस्स णं भंते केवतियं कालं ठिती पन्नत्ता गोयमा जहण्णेणं अंतोमुहत्तं उकाइयस्स तिण्णि राइंदियाइं वाउकाइयस्स तिण्णि वाससहस्साइं वणस्सतिकाइयस्स दस वाससहस्साई तसकाइयस्स तेत्तीसं सागरोवमाइं अपज्जत्तगाणं सव्वेसिं जहण्णेणवि उक्कोसेणवि अंतोमुहत्तं पज्जत्तगाणं सव्वेसिं उक्कोसिया ठिती अंतोमुत्तूणा कायव्वा ।
[३४८] पुढविकाइए णं भंते पुढविकायत्ति कालतो केवच्चिरं होइ गोयमा जहण्णेणं नं उक्कोसेणं असंखेज्जं कालं - [असंखेज्जाओ उस्सप्पिणि-ओसप्पिणीओ कालओ खेत्तओ] असंखेज्जा लोया पडिवत्ति-५
एवं आउ-तेउ-वाउक्काइयाणं, असंखेज्जा लोया एवं आउ-तेउ-वाउक्काइयाणं, वणस्सइकाइयाणं अनंतं कालं[अनंताओ उस्सप्पिणी-ओसप्पिणीओ कालओ खेत्तओ अनंता लोगा-असंखेज्जा पोग्गलपरियट्ठा ते णं पोग्गलपरियट्टा] आवलियाए असंखेज्जतिभागे, तसकाइए णं भंते तसकाइयत्ति कालतो केवचिरं होइ गोयमा जहण्णेणं अंतोमहत्तं उक्कोसेणं दो सागरोवमसहस्साई संखेज्जवासब्भहियाई अपज्जत्तगाणं छण्हवि जहण्णेणवि उक्कोसेणवि अंतोमुहत्तं पज्जत्तगाणं ।
__[३४९] वाससहस्सा संखा पुढविदगाणिलतरूण पज्जत्ता ।
तेऊ राइंदिसंखा तससागरसपहत्तमब्भहियं ।। [३५०] पज्जत्तगाणं सव्वेसिं एवं पुढविकाइयस्स णं भंते केवतियं कालं अंतरं होति गोयमा जहन्नेणं अंतोमुत्तं उक्कोसेणं वणस्सतिकालो एवं आउ-तेउ-वाउकाइयाणं वणस्सइकालो तसकाइयाणवि वणस्सइकाइयस्स पुढविकाइयकालो एवं अपज्जत्तगाणवि वणस्सइकालो वणस्सईणं पुढविकालो, पज्जत्तगाणवि एवं चेव वणस्सइकालो पज्जत्तवणस्सईणं पुढविकालो [पुढविक्काइपज्जत्तए णं भंते पुढविक्काइयपज्जत्तएत्ति कालओ केवचिरं होइ गोयमा जहण्णेणं अंतोमुहत्तं उक्कोसेणं संखेज्जाइं वाससहस्साइं एवं आऊवि तेउक्काइयपजज्तए णं भंते तेउक्काइयपज्जत्तएत्ति कालओ केवचिरं होइ गोयमा जहण्णेणं अंतोमहत्तं उक्कोसेणं संखेज्जाइं राइंदियाई वाउक्काइयपज्जत्तए णं भंते वाउक्काइयपज्जत्तएत्ति कालओ केवचिरं होइ गोयमा जहण्णेणं अंतोमुहुत्तं उक्कोसेणं संखेज्जाइं वाससहस्साई वणस्सइकाइय-पज्जत्तए णं भंते वणस्सइकाइयपज्जत्तएति कालओ केवचिरं होइ गोयमा जहण्णेणं अंतोमुहुत्तं उक्कोसेणं संखेज्जाइं वाससहस्साइं तसकाइयपज्जत्तए णं भंते तसकाइयपज्जत्तएत्ति कालओ केवचिरं होइ गोयमा जहन्नेणं अंतोमुहत्तं उक्कोसेणं सागरोवमस-यपुहत्तं सातिरेगं अंतरं पुच्छा गोयमा पुढवीणं वणस्सतिकलो जाव वाऊणं वणस्सतीणं पुढविकालो तसस्स वणस्सतिकालो एवं अपज्जत्ताणं एवं पजज्ताणं अंतरं पा. ।
_[३५१] अप्पाबयं-सव्वत्थोवा तसकाइया तेउक्काइया असंखेज्जगुणा पुढविकाइयाविसेसाहिया आउकाइयाविसेसाहिया वाउक्काइयाविसेसाहिया वणस्सतिकाइयाअनंतगुणा एवं अपज्जत्तगावि
[दीपरत्नसागर संशोधितः]
[131]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |