Page Text
________________
अच्छराओ सुवण्णसद्दालाओ सुवण्मसद्दालाई वत्थाइं पवर परिहिताओ चंदाननाओ चंदविलासिणीओ चंदद्धसमनिडालाओ चंदाहियसोमदंसणओ उक्का विव उज्जोवेमाणीओ विज्जुघणमरीइसूरदिप्पंततेयअहियरसण्णिकासाओ सिंगारागारचारूवेसाओ पासादीयो दरिसणिज्जाओ अभिरुवाओ पडिरूवाओ सेसेसु देवादेवीओ नत्थि जाव अच्चुतो गेवेज्जादेवा केरिसया विभूसाए पन्नत्ता गोयमा गेवेज्जादेवाणं एगे भवधारणिज्जे सरीरए आभरणवसणरहिते पगतित्थे विभूसाए पन्नत्ते एवं अनुत्तरावि ।
[३३९] सोहम्मीसाणेसु णं भंते कप्पेसु देवा केरिसए कामभोगे पच्चणुभवमाणावरं गोयमा इट्ठेसद्दे इट्ठेगंधे इट्ठेरसे इट्ठेफासे पच्चणुभवमाणा विहरंति एवं जाव गेवेज्जा अनुत्तरोववातियाणं अनुत्तरा सद्दा जाव अनुत्तरा फासा ।
[३४०] ठिती सव्वेसिं भाणियव्वा देवीणवि, अनंतरं चयं चइत्ता जे जहिं गच्छति तं
भाणियव्वं ।
पडिवत्ति - ३
[३४१] सोहम्मे णं भंते कप्पे बत्तीसार विमाणावाससतसहस्सेसु एगमेगंसि विमाणावासंसि सव्वपाणा सव्वभूया सव्वजीवा सव्वसत्ता पुढवीक्कइत्ताए देवत्ताए देवित्ताए आसणसयण-खंभभंडमत्तोवकरणत्ताए उववण्णपुव्वा हंता गोयमा असइं अदुवा अनंतखुत्तो एवमीसाणेवि, सणकुमारे पुच्छा हंता गोयमा असइं अदुवा अनंतखुत्तो नो चेव णं देवित्ताए जाव गेवेज्जा पंचसु णं भंते महतिमहालएसु अनुत्तरविमाणेसु सव्वपाणा जाव देवत्ताए देवित्ताए आसण जाव हंता गोयमा असइं अदुवा अनंत नो चेव णं देवत्ताए वा देवित्ताए से तं देवा ।
[३४२] नेरइयाणं भंते केवतिकालं ठिती जहन्नेणं दसवाससहस्साइं उक्कोसेणं तेत्तीसं सागरोवमाइं तिरिक्खजोणियाणं पुच्छा जहन्नेणं अंतोमुहुत्तं उक्कोसेणं तिण्णि पलिओवमाइं एवं मणुस्सा देवा जहा नेरइया, नेरइए णं भंते नेरइयत्ता कालतो केवच्चिरं होति जहा कायट्ठिती देवाणवि एवं चेव तिरिक्खजोणिए णं भंते तिरिक्खजोणियत्ताए कालतो केवच्चिरं जहन्नेणं अंतोमुहुत्तं उक्कोसेणं वणस्सति-कालं णुस्से णं भंते मणुस्सेत्ति कालतो केवच्चिरं होति गोयमा जहणणेणं अंतोमुहुत्तं उक्कोसेणं तिण्णि पलिओवमाइं पुव्वकोडिपुहत्तमब्भहियाइं नेरइयस्स णं भंते केवतिकालं अंतरं जहन्नेणं अंतोतं उक्कोसेणं वणस्सतिकालं तिरिक्खजोणियस्स णं भंते केवतिकालं अंतरं जहन्नेणं अंतोमुहुत्तं उक्कोसेणं सागरोवम-सतपुहत्तं सातिरेगं ।
[३४३] एतेसि णं भंते नेरइयाणं तिरिक्खजोणियाणं मणुस्साणं देवाण य कतरे कतरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा मणुस्सा नेरइया असंखेज्जगुणा देवा असंखेज्जगुणा तिरिक्खजोणिया अनंतगुणा सेत्तं चउव्विहा संसारसमावण्णगा जीवा ।
मुनि दीपरत्नसागरेण संशोधिताः सम्पादिताश्च तईआ पडिवत्ति समत्ता • [] चउत्थी पडिवती- [पंचविह पडिवती ] [
[३४४] तत्थ णं जेते एवमाहंसु-पंचविहा संसारसमावण्णगा जीवा पन्नत्ता ते एवमाहं तं जहा- एगिंदिया [बेइंदिया तेइंदिया चउरिंदिया] पंचिदिया से किं तं एगिंदिया एगिंदिया दुविहा पन्नत्ता तं जहा- पज्जत्तगा य अपज्जत्तगा य एवं जाव पंचिंदिया दुविहा- पज्जत्तगा य अपज्जत्तगा य एगिंदियस्स णं भंते केवइयं कालं ठिती पन्नत्ता गोयमा जहण्णेमं अंतोमुहुत्तं उक्कोसेणं बावीसं वाससहस्साइं बेइंदिया
[दीपरत्नसागर संशोधितः]
[१४- जीवाजीवाभिगमं ]
०
[129]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |