Page Text
________________
[३३३] सोहम्मीसाणेसु णं भंते कप्पेसु देवा ओहिणा केवतियं खेत्तं जाणंति पासंति गोयमा जहण्णेमं अंगुलस्स असंखेज्जतिभागं उक्कोसेणं अधे जाव इमीसे रयणप्पभाए पुढवीए हेट्ठिल्ले चरिमंते उड्ढं जाव सगाई विमाणाइं तिरियं जाव असंखेज्जा दीवसमुद्दा एवं
[३३४] सक्कीसाणा पढमं दोच्चं च सणंकमारमाहिंदा ।
तच्चं च बंभ लंगत सुक्कसहस्सारगा चउत्थी ।। [३३५] आणयपाणयकप्पे देवा पासंति पंचमि पुढवीं ।
तं चेव आरणच्चुय ओहीनाणेण पासंति ।। [३३६] छट्ठी हेहिममज्झिमगेवेज्जा सत्तमिं च उवरिल्ला |
संभिन्नलोगनालिं पासंति अनुत्तरा देवा ।। पडिवत्ति-३
__ [३३७] सोहम्मीसाणेसुं णं भंते कप्पेसु देवाणं कति समुग्धाया पन्नत्ता गोयमा पंच समुग्धाया पन्नत्ता तं जहा- वेदणासमुग्धाते कसायसमुग्धाते मारणंतियसमुग्धाते वेठव्वियसमुग्धाते तेजससमुग्धाते एवं जाव अच्चुया गेवेज्जनुत्तराणं पुच्छा गोयमा पंच-वेदणासमुग्धाते जाव तेजससमुग्धाते नो चेव णं वेउव्वियसमुग्धातेणं वा तेयासमुग्धातेणं वा समोहणिंसु वा समोहण्णंति वा, समोहणिस्संति वा सोहम्मीसाणेसु णं भंते कप्पेसु देवा केरिसयं खुह-पिवासं पच्चणुभवमाणा विहरंति गोयमा तेसि णं देवाणं नत्थि खुह-पिवासा एवं जाव अनुत्तरोववातिया सोहम्मीसाणेसु णं भंते कप्पेसु देवा किं एगत्तं पभू विउव्वित्तए पुहत्तं पभूविउव्वित्तए गोयमा एगत्तंपि पभू विउव्वित्तए पुहत्तंपि पभू विउव्वित्तए एगत्तं विउव्वेमाणा एगिंदियरूवं वा जाव पंचेंदियरूवं वा विउव्वंति पहत्तं विउव्वेमाणा एगिदियरूवाणि वा जाव पंचेंदियरूवाणि वा ताइं संखेज्जाइं पि असंखेज्जाइंपि सरिसाइंपि असरिसाइं पि संबद्धाइं पि असंबद्धाइं पि रूवाइं विउव्वंति विउव्वित्ता ततो पच्छा जहिच्छित्ताइं कज्जाइं करेंति एवं जाव अच्चुओ, गेवेज्जादेवा किं एगत्तं पभू विउव्वित्तए पहत्तं पभू विउव्वित्तए गोयमा एगत्तं पि पभू विउव्वित्तए पहत्तं पि प्रभू विउव्वित्तए नो चेव णं संपत्तीए विउव्विंस वा विउव्वंति वा विउव्विस्संति वा एवं अनुत्तरोववातिया सोहम्मीसाणेसु णं भंते कप्पेसु देवा केरिसयं सातासोक्खं पच्चणुभवमाणा विहरंति जाव गेवेज्जा अनुत्तरोववातिया पुच्छा गोयमा अनुत्तरासद्दा जाव अनुत्तरोफासा पच्चणुभवमाणा विहरंति सोहम्मीसाणेसु णं भंते कप्पेस देवा केरिसगा इड्ढीए पन्नत्ता गोयमा महिड्ढीया महज्जुइया महाबला महायसा महेसक्खा महाणुभागा जाव अच्चुओ गेवेज्जा देवा पुच्छा गोयमा सव्वे समिड्ढीया समज्जुइया समबला समयसा समाणुभागा समसोक्खा अणिंदा अप्पेसा अपुरोहिया अहमिंदा नामं ते देवगणा पन्नत्ता समणाउसो [एवं अनुत्तरावि] ।
३३८] सोहम्मीसाणेस णं भंते कप्पेस देवा केरिसया विभसाए पन्नत्ता गोयमा दविहा पन्नत्ता तं जहा- भवधारणिज्जा य उत्तरवेउव्विया य तत्थ णं जेते भवधारणिज्जा ते णं आभरणवसणरहिता पगतित्था विभूसाए पन्नत्ता तत्थ णं जेते उत्तरेवउव्विया ते णं हारविराइयवच्छा जाव दस दिसाओ उज्जोवेमाणा पभासेमाणा पासाईया दरिसणिज्जा अभिरूवा पडिरूवा विभूसाए पन्त्ता सोहम्मीसाणेसु णं भंते कप्पेस देवीओ केरिसियाओ विभूसाए पन्नत्ताओ गोयमा दुविधाओ पन्नत्ताओ तं जहा- भव-धारणिज्जाओ य उत्तरवेउव्वियाओ य तत्थ णं जाओ भवधारणिज्जाओ ताओ णं आभरणवसणरहिताओ पगतित्थाओ विभूसाए पन्नत्ताओ तत्थ णं जाओ उत्तरवेउव्वियाओ ताओ णं
[दीपरत्नसागर संशोधितः]
[128]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |