Page Text
________________
एक्केक्का ओसारेत्ताणं जाव अनुत्तरा णं एक्का रयणी गेविज्जनुत्तराणं एग भवधारणिज्जे सरीरे उत्तरवेउव्विया नत्थि [सणंकुमार- माहिंदेसु भवधारणिज्जा उत्तरवेउव्विया भवधारणिज्जा छरयणीओ उत्तरवेउव्विया तघेव बंभ-लंतसु पंच रयणीओ महासुक्क-सहस्सारेसु चत्तारि रयणीओ आणतपातारणच्चुएसु तिण्णि रयणीओ उत्तरवेउव्विया तघेव जोयणसतसहस्सं सव्वेसिं, गेवेज्जादेवामं भंते केमहालिया सरीरोगाहणा पन्नत्ता गोयमा गेवेज्जादेवाणं एगे भवधारणिज्जे सरीरए पन्नत्ते से जहण्णेमं अंगुलस्स असंखेज्जतिभागे उक्कोसेणं दो रयणीओ अनुत्तरदेवाणं एगा रयणी पा. ]
[३३१] सोहम्मीसाणेसु णं भंते कप्पेसु देवाणं सरीरगा किंसंघयणी पन्नत्ता गोयमा छण्हो
पडिवत्ति- ३
संघयणाणं असंघयणी-नेवट्ठि नेव छिरा नेव ण्हारूजे पोग्गला इट्ठा कंता पिया सुभा मणुण्णा मणामा तेसिं सरीरसंघातत्ताए परिणमंति एवं जाव अनुत्तरोववातिया सोहम्मीसाणेसु णं भंते कप्पेसु देवाण सरीरगा किसंठिता पन्नत्ता गोयमा दुविहा सरीरा पन्नत्ता तं जहा - भवधारणिज्जा य उत्तरवेउव्विया य तत्थ णं जेते भवधारणिज्जा ते समचउरससंठाणसंठिता पन्नत्ता तत्थ णं जेते उत्तरवेउव्विया नानासंठाणसंठिता पन्नत्ता जाव अ अवेव्विया वज्रा भवधारणिज्जा समचउरससंठाणसंठिता उत्तरवेउव्विया नत्थि [गेवेज्जादेवामण भंते सरीरा किसंठिता पन्नत्ता गोयमा एगे भवधारणिज्जे सरीरए समचउरंस संठाणसंठिते एवं अनुत्तराणवि पा. I
[३३२] सोहम्मीसाणेसु णं भंते कप्पेसु देवाणं सरीरगा केरिसया वण्णेणं पन्नत्ता गोयमा कणगत्तयरत्ताभा वण्णेणं पन्नत्ता सणकुमार - माहिंदेसु णं पउमपम्हगोरा वण्णेणं पन्नत्ता एवं बंभेवि लंतए णं भंते गोयमा सुक्किला वण्णेमं पन्नत्ता एवं जाव गेवेज्जा अनुत्तरोववातिया परमसुक्किला वण्णेणं पन्नत्ता सोहम्मीसाणेसु णं भंते कप्पेसु देवाणं सरीरगा केरिसया गंधेणं पन्नत्ता जहा विमा गंधो जाव अनुत्तरोववाइयाणं, सोहम्मीसाणेसुं णं भंते कप्पेसु देवाणं सरीरगा केरिसया फासेणं पन्नत्ता गोयमा थिरमउणिद्धसुकुमालफासेणं पन्नत्ता एवं जाव अनुत्तरोववातियाणं, सोहम्मीसाणेसु णं भंते कप्पेसु देवाणं केरिसया पोग्गला उस्सासत्ताए परिणमंति गोयमा जे पोग्गला इट्ठा कंता पिया सुभा मण्णा मणामा ते तेसिं उस्सासत्ताए परिणमंति जाव अनुत्तरोववातियाणं, एवं आहारत्ताए वि सोहम्मीसाणेसु णं भंते कप्पेसु देवाणं कति लेस्साओ पन्नत्ताओ गोयमा एगा तेउलेस्सा पन्नत्ता सणंकुमार-माहिंदेसु एगा पम्हलेस्सा एवं बंभलोए वि लंतए एगा सुक्कलेस्सा जाव गेवेज्जा ताव सुक्कलेस्सा, अनुत्तरे गा परमसुक्कलेस्सा, सोहम्मीसाणेसु णं भंते कप्पेसु देवा किं सम्मद्दिट्ठी मिच्छादिट्ठी सम्मामिच्छादिट्ठी गोमा सम्मदिट्ठीवि मिच्छादिट्ठीवि सम्मामिच्छादिट्ठीवि एवं जाव गेवेज्जा अनुत्तरोववातिया सम्मट्ठी मिच्छादिट्ठी नो सम्मामिच्छादिट्ठी, सोहम्मीसाणेसुं णं भंते कप्पेसु देवा किं नाणी अन्नाणी नाणीव अन्नाणीवि जे नाणी ते नियमा तिन्नाणी तं जहा- आभिणिबोहियनाणी सुयनाणी अवधिनाणी जे अन्नाणी ते नियमा तिअन्नाणी जहा- मतिअन्नाणी सुयअन्नाणी विभंगनाणी य एवं जाव गेवेज्जा अनुत्तरोववातिया नाणी नो अन्नाणी नियमा तिन्नाणी सोहम्मीसाणेसु णं भंते कप्पेसु देवा किं मणजोगी वइजोगी कायजोगी गोयमा मणजोगीवि वइजोगीवि कायजोगीवि जाव अनुत्तरा, सोहम्मीसाणेसु णं भंते कप्पेसु देवा किं सागरोवउत्ता अणागारोवउत्ता गोयमा दुविहावि जाव अनुत्तरा ।
[दीपरत्नसागर संशोधितः]
[127]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |