Page Text
________________
[३३०] सोहम्मीसाणेसु णं भंते कप्पेसु विमाणा केवतियं आयाम-विक्खंभेणं केवतियं परिक्खेवेणं पन्नत्ता गोयमा दुविहा पन्नत्ता तं जहा- संखेज्जवित्थडा य असंखेज्जवित्थडा य तत्थ णं जेते संखेज्जवित्थडा ते णं संखेज्जाइं जोयणसहस्साइं आयाम-विक्खंभेणं संखेज्जाइं जोयणसहस्साई परिक्खवेणं तत्थ णं जेते असंखेज्जवित्थडा ते णं असंखेज्जाइं जोयणसहस्साइं आयाम-विक्खंभेणं असंखेज्जाइं जोयणसहस्साइं परिक्खेवेणं एवं जाव गेवेज्जविमाणा, अनुत्तरविमाणा पुच्छा गोयमा दुविहा पन्नत्ता तं जहा- संखेज्जवित्थडे य असंखेज्जवित्थडा य तत्थ णं जेसे संखेज्जवित्थडे से एगं जोयणसयसहस्सं जंबुद्दीवप्पमाणे जाव अद्धगुलगं च तत्थ णं जेते असंखेज्जवित्थडा ते णं असंखेज्जाइं पडिवत्ति-३
जोणसहस्साइं जाव परिक्खेवेणं पन्नत्ता सोहम्मीसाणेसु णं भंते विमाणा कतिवण्णा पन्नत्ता गोयमा पंचवण्णा पन्नत्ता तं जहा- किण्हा नील लोहिया हालिद्दा सुक्किला, सणंकुमारमाहिदेसु चउवण्णा-नीला जाव सक्किला, बंभलोग-लंतएस तिवण्णा-लोहिया हालिद्दा सक्किला, महासुक्क-सहस्सारस् द्वण्णा-हालिद्दा य सुक्किला य आणय-पाणतारणच्चुएसु सुक्किला गेवेज्जविमाणा सुक्किला अनुत्तरोववातियविमाणा परमसुक्किला वण्णेणं पन्नत्ता ।
सोहम्मीसाणेसु णं भंते कप्पेसु विमाणा केरिसया पभाए पन्नत्ता गोयमा निच्चालोया निच्चज्जोया सयंपभाए पन्नत्ता जाव अनुत्तरविमाणा सोहम्मीसाणेस् णं भंते कप्पेस् विमाणा केरिसया गंधेणं पन्नत्ता गोयमा से जहनामए-कोट्ठपुडाण वा जाव एत्तो इतृतरा चेवजाव अनुत्तरविमाणा, सोहम्मीसाणेस् णं भंते कप्पेस् विमाणा केरिसया फासेणं पन्नत्ता गोयमा से जहा- नामए-आईणेति वा जाव एतो इट्टतरा चेव जाव अनुत्तरविमाणा सोहम्मीसाणेसु णं भंते कप्पेसु विमाणा केमहालया पन्नत्ता गोयमा अयण्णं जंबुद्दीवे दीवे जहा निरयुद्देसे जाव छम्मासेणं वीइवएज्जा-अत्थेगतिए वीतिवएज्जा अत्तगतिए नो वीतिवएज्जा एमहालया णं गोयमा एवं जाव अनुत्तरविमाणा, सोहम्मीसाणेसु णं भंते कप्पेस विमाणा किंमया पन्नत्ता गोयमा सव्वरयणामया अच्छा जाव पडिरूवा तत्थ णं बहवे जीवा य पोग्गला य वक्कमति विउक्कमति चयंति उववज्जति सासया णं ते विमाणा दव्वट्ठयाए वण्णपज्जवेहिं जाव फासपजज्वेहिं य असासया एवं जाव अनुत्तरविमाणा सोहम्मीसाणेसु णं भंते कप्पेस देवा कओहिंतो उववज्जति उववातो जहा वक्कंतीए जाव अनुत्तरविमाणा, सोहम्मीसाणेसु णं भंते कप्पेसु देवा एगसमएणं केवतिया उव-वज्जति गोयमा जहण्णेणं एक्को वा दो वा तिण्णि वा उक्कोसेणं संखेज्जा वा असंखेज्जा वा उववज्जंति एवं जाव सहस्सारे ।
आणतादी गेवेज्जा अनुत्तरा य जहण्णेणं एक्को वा दो वा तिण्णि वा उक्कोसेणं संखेज्जा उववज्जंति सोहम्मीसाणेसु णं भंते कप्पेसु देवा समए-समए अवहीरमाणा-अवहीरमाणा केवतिएणं कालेणं अवहिया सिया गोयमा ते णं असंखेज्जा समए-समए अवहीरमाणा-अवहीरमाणा असंखेज्जाहिं उस्सप्पिणीओसप्पिणीहिं अवहीरंति नो चेव णं अवहिया सिया जाव सहस्सारो आणतादिसु चउसु कप्पेसु देवा पुच्छा गोयमा ते णं अंसखेज्जा समए-समए अवहीरमाणा-अवहीरमाणा पलिओवमस्स असंखेज्जतिभागमेत्तेणं कालेणं अवहीरंति नो चेव णं अवहिया सिया एवं जाव अनुत्तरविमाणा सोहम्मीसाणेसु णं भंते कप्पेसु देवाणं केमहालिया सरीरोगाहणा पन्नत्ता गोयमादुविहा पन्नत्ता तं जहा- भवधारणिज्जा य उत्तरवेउव्विया य तत्थ णं जासा भवधारणिज्जा सा जहण्णेणं अंगुलस्स असंखेज्जतिभागो उक्कोसेणं सत्त रयणीओ तत्थ णं जासा उत्तरवेउव्विया सा जहण्णेणं अंगुलस्स संखेज्जतिभागो उक्कोसेणं जोयणसतसहस्सं एवं
[दीपरत्नसागर संशोधितः]
[126]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |