Page Text
________________
ठिती पन्नत्ता एवं मज्झिमियाए अद्धवारस छप्लिओवमाई बाहिरियाए अद्धद्वारस सागरोवमाइं पंच पलिओवमाइं अट्ठो सो चेव ।
आणयपाणयस्सवि पच्छा जाव तओ परिसाओ नवरि-अभिंतरियाए अढाइज्जा देवसया मज्झिमियाए पंच देवसया बाहिरियाए एगा देवसाहस्सी ठिती-अभिंतरियाए एगूणवीसं सागरोवमाइं पंच य पलिओवमाइं एवं मज्झिमियाए एगोणवीसं सागरोवमाइं चत्तारि य पलि-ओवमाई बाहिरियाए परिसाए एगूणवीसं सागरोवमाइं तिण्णि य पलिओवमाइं ठिती अट्ठो सो चेव कहिं णं भंते आरणअच्चुयाणं देवाणं पडिवत्ति-३
तहेव अच्चुए सपरिवारे जाव विहरति अच्चुयस्स णं देविंदस्स तओ परिसाओ पन्नत्ताओ अभिंतरपरिसाए देवाणं पणवीस सयं मज्झिमपरिसाए अड्ढाइज्जा सया बाहिरपरिसाए पंचसया अभिंतरियाए एक्कवीसं सागरोवमाइं सत्त य पलिओवमाई मज्झिमियाए एक्कवीसं सागरोवमाइं छप्पलिओवमाई बाहिरपरिसाए एकवीसं सागरोवमाइं पंच य पलिओवमाइं ठिती पन्नत्ता कहिं णं भते हेद्विमगेवेज्जगाणं देवाणं विमाणा पन्नत्ता कहि णं भंते हेहिमगेवेज्जगा देवा परिवसंति जहेव ठाणपए तहेव एवं मज्झिमगेवेज्जा उवरिमगेवेज्जगा अनुत्तरा य जाव अहमिंदा नामं ते देवा पन्नत्ता समणाउसो ।
० तच्चाए पडिवत्तीए वेमाणियस्स पढमो उद्देसओ समत्तो .
[] वेमाणिय -बीओ उद्देसो । [३२६] सोहम्मीसाणेसु कप्पेसु विमाणपुढवी किंपइट्ठिया पन्नत्ता गोयमा घणोदहिपइट्ठिया पन्नत्ता सणंकुमार-माहिंदेसु कप्पेसु विमाणपुढवी किंपइट्ठिया पन्नत्ता गोयमा घणवायपइट्ठिया पन्नत्ता बंभलोए णं भंते कप्पे विमाणपुढीव णं पुच्छा घणवायपइट्ठिया पन्नत्ता लंतए तदुभयपइट्ठिया पन्नत्ता महासुक्क-सहस्सारेसुवि तदुभयपइट्ठिया आणय जाव अच्चुएसु णं भंते कप्पेसु पुच्छा ओवासंतरपइट्ठिया पन्नत्ता गेवेज्जविमाणपुढवीणं भंते पुच्छा गोयमा ओवासंतरपइट्ठिया पन्नत्ता अनुत्तरोववाइयपुच्छा ओवासंतरपइट्ठिया पन्नत्ता ।
[३२७] सोहम्मीसाणकप्पेसु विमाणपुढवी केवइयं बाहल्लेणं पन्नत्ता गोयमा सत्तावीसं जोयणसयाइं बाहल्लें पन्नत्ता एवं पुच्छा-सणंकुमार-माहिदेसु छव्वीसं जोयणसयाई बंभ-लंतएसु पंचवीसं महासुक्क-सहस्सारेसु चउवीसं आणय-पाणयारणाच्चुएसु तेवीसं सयाई गेवेज्जविमाणपुढवी बावीसं अनुत्तरविमाणपुढवी एक्कवीसं जोयणसयाइं बाहल्लेणं ।
[३२८] सोहम्मीसाणेसु णं भंते कप्पेसु विमाणा केवइयं उड्ढं उच्चत्तेणं गोयमा पंचजोयणसयाई उड्ढं उच्चत्तेणं सणंकुमार-माहिंदेसु छ जोयणसयाइं बंभ-लंतएसु सत्त महासुक्कसहस्सारेसु अट्ठ आणय-पाणयारणाच्चुएसु नव, गेवेज्जविमाणाणं भंते केवइयं उड्ढं उच्चत्तेणं गोयमा दस जोयणसयाइं अनुत्तरविमाणाणं एक्कारस जोयणसयाई उड्ढं उच्चत्तेणं |
___[३२९] सोहम्मीसाणेणं भंते कप्पेसु विमाणा किसंठिया पन्नत्ता गोयमा दुविहा पन्नत्ता तं जहा- आवलियापविट्ठा य आवलियाबाहिरा य तत्थ णं जेते आवलियापविट्ठा ते तिविहा पन्नत्ता तं जहावट्टा तंसा चउरंसा तत्थ णं जेते आवलियाबाहिरा ते णं नानासंठाणसंठिया पन्नत्ता एवं जाव गेवेज्जविमाणा
7 पन्नत्ता तं जहा- वट्टे य तंसा य ।
अनन्तर
दीपरत्नसागर संशोधितः]
[125]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |