Page Text
________________
भवणवासीणं कहि णं भंते ईसाणगाणं देवाणं विमाणा पन्नत्ता तहेव सव्वं जाव ईसाणे एत्थ देविंदे देवराया जाव विहरति ।
ईसाणस्स णं भंते देविंदस्स देवरण्णो कति परिसाओ पन्नत्ताओ गोयमा तओ परिसाओ पन्नत्ताओ तं जहा- समिता चंडा तहेव सव्वं नवरं-अभिंतरियाए परिसाए दस देवसाहस्सीओ पन्नत्ताओ मज्झिमियाए परिसाए बारस देवसाहस्सीओ बाहिरियाए चोद्दस देवसाहस्सीओ देवीणं पुच्छा अभिंतरियाए पडिवत्ति-३
नव देवीसता पन्नत्ता मज्झिमियाए परिसाए अट्ठ देवीसता पन्नत्ता बाहिरियाए परिसाए सत्त देविसता पन्नत्ता देवाणं ठिती पुच्छा अभिंतरियाए परिसाए देवाणं सत्त पलिओवमाइं ठिती पन्नत्ता मज्झिमियाए छ पलि-ओवमाइं बाहिरियाए पंच पलिओवमाइं ठिती पन्नत्ता देवीणं पुच्छा अभितरियाए पंच पलिओवमाइं मज्झिमियाए परिसाए चत्तारि पलिओवमाइं ठिती पन्नत्ता बाहिरियाए परिसाए तिण्णि पलिओव-माइं ठिती पन्नत्ता अट्ठो तहेव भाणियव्वो सणंकुमाराणं पुच्छा तहेव ठाणपदगमेणं जावसणंकुमारस्स तओ परिसाओ समिताई तहेव नवरिं-अभिंतरियाए परिसाए अट्ठ देवसाहस्सीओ पन्नत्ताओ मज्झिमियाए परिसाए दस देवसाहस्सीओ पन्नत्ताओ बाहिरियाए परिसाए बारस देवसाहस्सीओ पन्नत्ताओ अभिंतरियाए परिसाए देवाणं ठितीअद्धपंचमाइं सागरोवमाइं पंच पलिओवमाइं ठिती पन्नत्ता मज्झिमियाए परिसाए अद्धपंचमाइं सागरोवमाइं चत्तारि पलि-ओवमाई ठिती पन्नत्ता बाहिरियाए परिसाए अद्धपंचमाइं सागरोवमाइं तिण्णि पलिओवमाई ठिती पन्नत्ता अट्ठो सो चेव एवं माहिंदस्सवि तहेव तओ परिसाओ नवरिंअभिंतरिया परिसाए छद्देवसाहस्सीओ पन्नत्ताओ मज्झिमियाए परिसाए अट्ठ देवसाहस्सीओ पन्नत्ताओ बाहिरियाए दस देवसाहस्सीओ पन्नत्ताओ ठिती देवाणं-अभिंतरियाए परिसाए अद्धपंचमाइं सागरोवमाइं सत्त य पलिओवमाई ठिती पन्नत्ता मज्झिमियाए परिसाए अदघपंचमाई सागरोवमाइं छत्त पलिओवमाई बाहिरियाए परिसाए अद्धपंचमाइं सागरोवमाइं पंच य पलिओवमाइं ठिती पन्नत्ता |
तहेव सव्वेंसि इंदाणं ठाणपयगमेणं विमाणा नेतव्वा ततो पच्छा परिसाओ पत्तेयं-पत्तेयं वच्चति-बंभस्सवितओ परिसाओ पन्नत्ताओ-अभिंतरियाए चत्तारि देवसाहस्सीओ मज्झिमियाए छ देवसाहस्सीओ बाहिरियाए अट्ठ देवसाहस्सीओ देवाणं ठिती-अभिंतरियाए परिसाए अद्धनवमाइं सागरोवमाई पंच पलिओवमाइं मज्झिमियाए परिसाए अद्धनवमाइं सागरोवमाइं चत्तारि य पलिओवमाइं बाहिरि-याए अद्धनवमाई सागरोवमाइं तिण्णि य पलिओवमाइं अट्ठो सो चेव, लंतगस्सवि जाव तओ परिसाओ जाव अब्बिंतरियाए परिसाए दो देवसाहस्सीओ मज्झिमियाए चत्तारि देवसाहस्सीओ पन्नत्ताओ बाहिरियाए छद्देवसाहस्सीओ पन्नत्ताओ ठिति भाणियव्वाअभिंतरियाए परिसाए बारस सागरोवमाइं सत्त पलिओवमाई ठिती पन्नत्ता मज्झिमियाए परिसाए बारस सागरोवमाइं छत्त पलिओवमाइं ठिती पन्नत्ता बाहिरियाए परिसाए बारस सागरोवमाइं पंच पलिओवमाइं ठिती पन्नत्ता महासुक्कस्सवि जाव तओ परिसाओ जाक अभितरियाए एग देवसहस्सं मज्झिमियाए दो देवसाहस्सीओ पन्नत्ताओ बाहिरियाए चत्तारि देवसाहस्सीओ अभिंतरियाए परिसाए अद्धसोलस सागरोवमाइं पंच पलिओवमाई मज्झिमियाए अद्धसोलस सागरोवाइं चत्तारि पलिओवमाई बाहिरियाए अद्धसोलस सागरोवमाइं तिण्णि पलिओवमाइं अट्ठो चेव सहस्सारे पुच्छा जाव अभिंतरियाए परिसाए पंच देवसया मज्झिमियाए परिसाए एगा देवसाहस्सी बाहिरियाए दो देवसाहस्सीओ पन्नत्ताओ ठिती-अभिंतरियाए अद्धट्ठारस सागरोवमाइं सत्त पलिओवमाइं
[दीपरत्नसागर संशोधितः]
[124]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |