Page Text
________________
अट्ठभागपलिओवमं उक्कोसेणं चउब्भागपलिओवमं देवीणं जहन्नेणं अट्ठभागपलिओवमं उक्कोसेणं सातिरेगं अट्ठभागपलिओवमं] ।
[३२३] एतेसि णं भंते चंदिमसूरियगहनक्खत्ततारारूवाणं कयरे कयरेहिंतो अप्पा वा बया
पडिवत्ति-३
तुल्ला वा विसेसाहिया वा गोयमा चंदिमसूरिया एते णं दोण्णिवि तुल्ला सव्वत्थोवा नक्खत्ता संखेज्जगुणा गहा संखेज्जगुणा ताराओ [संखेज्जगुणाओ] |
• तच्चाए पडिवत्तिए जोइस उद्देसओ समत्तो ०
। वेमाणिय- पढमो उद्देसओ । [३२४] कहि णं भंते वेमाणियाणं देवाणं विमाणा पन्नत्ता कहि णं भंते वेमाणिया देवा परिवसंति गोयमा इमीसे रयणप्पभाए पुढवीए बहुसमरणणिज्जाओ भूमिभागाओ उड्ढं चंदिमसूरियगहनक्खत्ततारारूवाणं बहूइं जोयणाइं बहूइं जोयणसताइं बहूइं जोयणसहस्साइं बहूइं जोयणसयसहस्साइं बहूई जोयणकोडीओ बहूइं जोयणकोडाकोडीओ उड्ढं दूरं उप्पइत्ता सोहम्मीसाणंजाव अनुत्तरेसु य एत्थ णं वेमाणियाणं चतुरासीतिं विमाणा-वाससतसहस्सा सत्तानउतिं च सहस्सा तेवीसं च विमाणा भवंतीति मक्खाया ते णं विमाणा सव्वरयणामया अच्छा जाव पडिरूवा एत्थ णं बहवे वेमाणिया देवा परिवति सोधम्मीसाण जाव अनुत्तरा य देवा मिग-महिस-वराह-सिंह-छगल-दडुर-जाव आयरक्खदेव-साहस्सीणं विहरंति, कहि णं भंते सोधम्मगाणं देवाणं विमाणा कहि णं भंते सोधम्मगा देवा परिवसंति
। दीवे मंदरस्स पव्वयस्स दाहिणे णं इमीसे रयणप्पभाए जाव एत्थ णं सोधम्मे नामं कप्पे, पाईणपडिणायते उदीणदाहिणवित्थिपणे जाव एत्थ णं सोधम्माणं देवाणं बत्तीसं विमाणावाससयसहस्सा पन्नत्ता ते णं विमाणा सव्व-रयणामया अच्छा जाव पडिरूवा तेसि णं विमाणाण देसभाए पंच वडेंसगा पन्नत्ता तत्थ णं बहवे सोधम्मगा देवा परिवसंति जाव विहरंति सक्के यत्थ देविंदे देवराया मघवं पागसासणे जाव विहरंति ।
[३२५] सक्कस्स णं भंते देविंदस्स देवरणो कति परिसाओ पन्नत्ताओ गोयमा तओ परिसाओ पन्नत्ताओ तं जहा- समिता चंडा जाता अभिंतरिया समिया मज्झिमिया चंडा बाहिरिया जाता सक्कस्स णं भंते देविंदस्स देवरण्णो अभिंतरियाए परिसाए कति देवसाहस्सीओ पन्नत्ताओ मज्झिमियाएपरिसाए तहेव बाहिरियए पुच्छा गोयमा सक्कस्स णं देविंदस्स देवरण्णो अभिंतरिया परिसाए बारस देवसाहस्सीओ पन्नत्ताएओ मज्झिमियाए परिसाए चोद्दस देवसाहस्सीओ पन्नत्ताओ बाहिरियाए परिसाए सोलस देवसाहस्सीओ पन्नत्ताओ तहा अभिंतरियाए परिसा सत्त देवीसयाणि मज्झिमियाए छत्त देवीसयाणि बाहिरियाए पंच देवीसयाणि पन्नत्ताइं सक्कस्स णं भंते देविंदस्स देवरण्णो अभिंतरियाए परिसाए देवाणं केवइयं कालं ठिई पन्नत्ता एवं मज्झिमियाए बाहिरियाएवि गोयमा सक्कस्स देविंदस्स देवरण्णो अभिंतरिया परिसाए पंच पलिओवमाइं ठिती पन्नत्ता मज्झिमियाए परिसाए चत्तारि पलिओवमाइं ठिती पन्नत्ता बाहिरियाए परिसाए देवाणं तिण्णि पलिओवमाइं ठिती पन्नत्ता देवीणं ठिती-अभिंतरियाए परिसाए देवीणं तिण्णि पलिओवमाइं ठिती पन्नत्ता मज्झिमियाए दुण्णि पलिओवमाइं ठिती पन्नत्ता बाहिरियाए परिसाए एग पलिओवमाइं ठिती पन्नत्ता अट्ठो सो चेव जहा
[दीपरत्नसागर संशोधितः]
[123]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |