Page Text
________________
जहन्नेणं पंचधणुसयाइं उक्कोसेणं दो गाउयाइं तारारूवस्स य तारारूवस्स य अबाहाए अंतरे तत्थ णं जेसे वाघातिमे से जहणणेणं दोण्णि य छावट्ठे जोयणसए उक्कोसेणं बारस जोयणसहस्साइं दोण्णि य बायाले पडिवत्ति - ३
जोयणसए तारारूवस्स य तारारूवस्स य अबाहाए अंतरे ।
[३१९] चंदस्स णं भंते जोतिसिंदस्स जोतिसरण्णो कति अग्गमहिसीओ पन्नत्ताओ गोयमा चत्तारि अग्गमहिसीओ पन्नत्ताओ तं जहा - चंदप्पभा दोसिणाभा अच्चिमाली पभंकरा तत्थ णं एगमेगाए देवीए चत्तारि-चत्तारि देविसहस्सा परिवारो पन्नत्तो पभू णं ततो एगमेगा देवी अण्णाइं चत्तारि-चत्तारि देविसहस्साइं परिवारं विउव्वित्तए एवामेव सपुव्वावरेणं सोलस देविसहस्सा पन्नत्ता से तं तुडियं । [३२०] पभू णं भंते चंदे जोतिसिंदे जोतिसराया चंदवडेंस विमाणे सभाए सुधा चंद सीहासणंसि तुडिएणं सद्धिं दिव्वाइं भोगभोगाइं भुंजमाणे विहरित्तए नो तिणट्ठे समट्ठे से केणट्ठेणं भंते एवं वुच्चति नो पभू चंदे जोतिसिंदे जोतिसराया चंदवडेंसए विमाणे सभाए सुधम्माए चंदंसि सीहासणंसि तुडिएणं सद्धिं दिव्वाइं भोगभोगाई भुंजमाणे विहरित्तए गोयमा चंदस्स जोतिसिंदस्स जोतिसरणो चंदवडेंस विमाणे सभाए सुधम्माए माणगंसि चेतियखंभंसि वइरामएस गोलवट्टसमुग्गएसु बहुओ जिणसकहाओ सण्णिखित्ताओ चिट्ठति जाओ णं चंदस्स जोतिसिंदस्स जोतिसरण्णो अण्णेसिं च बहू जोतिसियाणं देवाण य देवीण य अच्चणिज्जाओ जाव पज्जुवासणिज्जो तासिं पणिहाए नो पभू चंदे जोतिसिंदे जोतिसराया चंदवडेंसए विमाणे सभाए सुधम्माए चंदंसि सीहासणंसि जाव भुंजमाणे विहरित्तए से एएणट्ठेणं गोयमा एवं वुच्चति-नो पभू चंदे जोतिसिंदे जोतिसराया चंदवडेंसए विमाणे सभाए सुधम्माए चंदंसि सीहासणंसि तुडिएण सद्धिं दिव्वाइं भोगभोगाई भुंजमाणे विहरित्तए पभू णं गोयमा चंदे जोतिसिंदे जोतिसराया चंदवडेंसए विमाणे सभाए सुधम्माए चंदंसि सीहासणंसि चउहिं सामाणियसाहस्सीहिं जाव सोलसहिं आयरक्खदेवसाहस्सीहिं अण्णेहिं बहूहिं जोतिसिएहिं देवेहिंदेवीहिं य सद्धिं संपुरिवडे महयाहय-नट्टगीय-वाईय-तंती-तल-ताल-तुडीय-धण-मुइंग-पडुप्पवाइयरवेणं दिव्वाइं भोगभोगाई भुंजमाणे विहरित्तए केवलं परियारणिड्ढीए नो चेव णं मेहुणवत्तियं ।
[३२१] सूरस्स णं भंते जोतिसिंदस्स जोतिसरण्णो कति अग्गमहिसीओ पन्नत्ताओ गोयमा चत्तारि अग्गमहिसीओ पन्नत्ताओ तं जहा- सूरप्पभा आयावाभा अच्चिमाली पभंकरा एवं अवसेसं जहा चंदस्स नवरिं-सूरवडेंसए विमाणे सूरंसि सीहासणंसि तहेव सव्वेंसि गहाईणं चत्तारि अग्गमहिसीओ तं जहाविजया वेजयंति जयिं अपराजिया तेसि पि तहेव ।
[३२२] चंदविमाणे णं भंते देवाणं केवतियं कालं ठिती पन्नत्ता एवं जहा ठिती पए तहा भाणियव्वा जाव ताराणं [गोयमा जहण्णेणं चउब्भागपलिओवमं उक्कोसेणं पलिओवमं वाससयसहस्समब्भहियं देवीणं जहण्णेणं चउब्भागपलिओवमंउक्कोसेणं अद्धपलिओवमं पन्नासाए वासस हस्सेहिं अब्भहियं सूरविमाणे देवाणं जहण्णेणं चउब्भागपलिओवमं उक्कोसेणं पलिओवमं वासस-हस्समब्भहियं देवणं जहण्णेणं चउब्भागपलिओवमं उक्कोसेणं अद्धपलिओवमं पंचहिं वाससतेहिब्भहियं गहविमाणे देवाणं जहण्णेणं चउब्भागपलिओवमं उक्कोसेणं पलिओवमं देवीमं जहण्णेणं चउब्भागपलिओवमं उक्कोसेणं अद्धपलिओवमं नक्खत्तविमाणे देवाणं जहण्णेमं चउब्भगपलिओवमं उक्कोसेणं अद्धपलिओवमं देवीणं जहण्णेणं चउब्भागपलिओवमं उक्कोसेणं सातिरेगं चउब्भागपलिओवमं ताराविमाणे देवाणं जहण्णेणं
[दीपरत्नसागर संशोधितः ]
[122]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |