Page Text
________________
पडिवत्ति-३
कवो ककिताणं इसिं आणयवसणोवट्ठाणं घणनिचित सुबद्ध लक्खणुण्णत चंकमितल लितपुलियचक्कवालचवलगव्वितगतीणं पीवरोरुवट्टिय सुसंठितक-डीणं ओलंबपलंबलक्खणपसत्थरमणिज्जवालगंडाणं समखुरवालघाणाणं समलिहिततिक्खग्ग सिंगाणं तणुसुहम-सुजातणिद्धलोमच्छविधराणं उलवचितमंसलविसालपडिपुन्नखंधपमुहपुंडराणं वेरुलियभिसंतकडक्खसुणिरिक्खाणाणं जुत्तप्पमाणप्पधाणलक्खणपसत्थरमणिज्जगग्गरगलसोभिताणं घग्घरगसुबद्धकण्ठपरिमंडियाणं नानामणिकणगरयणघण्टेवेयपच्छगसुकयरतियमालियाणं वरघंटागलगलियसोभंतसस्सिरीयाणं पउमुप्पलसगलसुरभिमालाविभूसिताणं वइरखुराणं विविधखुराणं फालियामयदंताणं तवणिज्जजीहाणं तवणिज्जतालुयाणंतणिज्जजोत्तगसुजोत्तियाणं कामकमाणं पीतिकमाणं मनो-गमाणं मनोरमाणं मनोहराणं अमितगतीणं अमियबलवीरियपुरिसयारपरक्कमाणं महया गंभीरगज्जियरवेणं मधुरेणं मनहरेण पूरता अंबरं दिसाओ य सोभयंता चत्तारि देवसाहस्सीओ वसभरूवाधारीणं देवाणं पच्चत्थिमिल्लं बाहं परिवहति ।
चंदविमाणस्स णं उत्तरेणं सेयाणं सुभगाणं सुप्फभाणं जच्चाणंतरमल्लिहायणाणं हरिमेलाम-उलमल्लियच्छाणं धणणिचितसुबद्धलक्खणुण्णताचंकमियललियपुलियचवलचंचलगतीणं लंघणवग्गधावण धारणतिवइजइणसिक्खितगईणं सण्णतपासाणं संगतपासाणं सुजायपासाणं मितमायितपीणरइयपासाणं
झसविहगसुजातकच्छीणं पीणपीवरवट्टितसुसंठितकडीणं ओलंबपलंबलक्खणपसत्थरमणिज्जवालगंडाणं
तणुसुहुमसुजायणिद्धलोमच्छविधराणं मिउविसयपसत्थसुहमलक्खणविकिण्णकेसरवालिधराणं
ललियस-विलासगतिलाडवरभसणाणं मुहमंडगोचूलचमरथासगपरिमंडियकडीणं तवणिज्जखुराणं तवणिज्जजीहाणं तवणिज्जतालुयाणं तवणिज्जजोत्तगसुजोतियाणं कामकमाणं जाव चत्तारि देवसाहस्सीओ हयरूवधारीणं देवाणं उत्तरिल्लं बाहं परिवहंति एवं सूरविमाणस्सवि पुच्छा गोयमा सोलस देवसाहस्सीओ परिवहति पुव्वकमेणं एवं गहविमाणस्सवि पुच्छा गोयमा अट्ट देवसाहस्सीओ परिवहति तं जहा- सीहरूवधारीणं दो देवाणं साहस्सीओ पुरत्थिमिल्लं बाहं परिवहति गयरूवधारीणं दो देवाणं साहस्सीओ दक्खिणिल्लं दो देवाणं साहस्सीओ उसभरूवधारीणं पच्चत्थिमं दो देवसाहस्सीओ तुरगरूवधारीणं उत्तरिल्लं बाहं परिवहंति एवं नक्खत्तविमास्सवि पुच्छा गोयमा चत्तारि देवसाहस्सीओ परिवहति तं जहा- सीहरूवधारीणं देवाणं एग्गा देवसाहस्सी पुरथिमिल्लं बाहं एवं चउद्दिसिंपि एवं तारगाणवि नवरिं दो देवसाहस्सीओ परिवहति तं जहा सीहरूवधारीणं देवाणं पंचदेवसता पुरथिमिल्लं बाहं परिवहंति एवं चउद्दिसिंपि ।
[३१६] एतेसि णं भंते चंदिमसूरियगहणनक्खत्तातारारूवाणं कयरे कयरेहिंतो अप्पगती व सिग्घगती वा गोयमा चंदेहितो सूरा सिग्घगती, सूरेहितो गहा सिग्धगती, गहेहिंतो नक्खत्ता सिग्घगती नक्खत्तेहिंतो तारा सिग्घगती, सव्वप्पगती चंदा सव्वसिग्घगती ताराओ ।
[३१७] एतेसि णं भंते चंदिम जाव तारारूवाणं कयरे कयरेहिंतो अप्पिढिया वा महिइढिया वा गोयमा तारारूवेहिंतो नक्खत्ता महिड्ढीया, नक्खत्तेहिंतो गहा महिड्ढीया, गहेहिंतो सूरा महिड्ढीया, सूरेहिंतो चंदामहिड्ढीया, सव्वप्पिढिया तारारूवासव्वमहिड्ढीया चंदा ।
[३१८] जंबूद्दीवे णं भंते दीवे तारारुवस्स य ताररूवस्स य एस णं केवतियं अबाधाए अंतरे पन्नत्ते गोयमा दुविहे अंतरे पन्नत्ते तं जहा- बाघाइमे य निव्वाघाइमे य तत्थ णं जेसे निव्वाघातिमे से
दीपरत्नसागर संशोधितः]
[121]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |