Page Text
________________
यामए अब्भुग्गतमूसितपहलसिते वण्णओ एवं सूरविमाणेवि नक्खत्तविमाणेवि गहविमाणेवि ताराविमाणेवि, चंदविमाणे णं भंते केवतियं आयाम-विक्खंभेणं केवतियं परिक्खेवेणं केवतियं बाह-ल्लेणं पन्नत्ते गोयमा छप्पन्ने एगसट्ठिभागे जोयणस्स आयाम-विक्खंभेणं तं तिगुणं सविसेसं परिक्खेवेणं अट्ठावीसं एगसट्ठिभागे जोयणस्स बाहल्लेणं पन्नत्ते, सूरविमाणस्सवि सच्चेव पुच्छा गोयमा अडयालीसं एगसहिभागे जोयणस्स आयाम-विक्खंभेणं तं तिगुणं सविसेसं परिक्खेवेणं चउवीसं एगसट्ठिभागे जोयणस्स बाहल्लेणं पन्नत्ते एवं गहविमाणेवि अद्धजोयणं आयाम-विक्खंभेणं तं तिगणं सविसेसं परिक्खेवेणं कोसं बाहल्लेणं पन्नत्ते नक्खत्तविमाणे णं कोसं आयाम-विक्खंभेणं तं विसेसं परिक्खेवेणं अद्धकोसं बाहल्लेणं पन्नत्ते, ताराविमाणे णं अद्धकोसं आयाम-विक्खंभेणं तं तिगुणं सविसेसं पिरक्खेवेणं पंचधणुसयाइं बाहल्लेणं पन्नत्ते ।
[३१५] चंदविमाणे णं भंते कति देवसाहस्सीओ परिवहति गोयमा चंदविमाणस्स णं परच्छिमेणं सेयाणं सभगाणं सप्पभाणं संखतलविमलनिम्मलदधिधणगोखीरफेणरययणिगरप्पगासाणं थिर लट्ठपउट्ठवट्टपीवरसुसिलिट्ठविसिट्ठतिक्खदाढाविडंबितमुहाणं रत्तुप्पलपत्तमउयसुमालतालुजी-हाणं मधुगुलियपिंगलक्खाणं पसत्थसत्थवेरुलियभिसंतक्ककडनहाणं विसालपीवरोरुपडिपुन्नविउलखंधाणं मिउविसयपसत्थसुहमलक्खणविच्छिण्णकेसरसडोवसोभिताणं चंकमितललियपुलितधवलगव्वितगतीणं उस्सियसुणिम्मियसुजायअप्फोडियणंगूलाणं वइरामयनक्खाणं वइरामयदंताणं वयरामयदाढाणं तवणिज्जजीहाणं तवणिज्जतालुयाणं तवणिज्जजोत्तगसुजोतिताणं कामगमाणं पीतिगमाणं मनोगमाणं मनोरमाणं मनोहराणं अमीयगतीणं अमियबलवीरियपुरिस्सकारपरक्कमाणं महता अप्फोडियसीहनाइबोलकलयलवरेणं महरेण मनहरेण य पूरेता अंबरं दिसाओ य सोभयंता चत्तारि देवसाहस्सीओ सीहरूवधारीणं देवाणं पुरच्छिमिल्लं बाहं परिवहति चंदविमाणस्स णं दक्खिणेणं सेयाणं सुभगाणं सुप्पभाणं संखतलविमलनिम्मलदधिनगोखीरफेणरययणियरप्पभासाणं वइरामयकुंभजुयलसुहितपीवरवरवइरसोंडवियदित्तसुरत्तपउमप्पकासाणं अब्भुण्णयमुहाणं तवणिज्जविसालचंचलचलंतचवलकण्णविमुलज्जलाणं मधुवण्णभिसंतणिद्धपिंगलपत्तलतिवण्णमणिरयणलोयणाणं अब्भुगतमउलमल्लियाणं धवलसरिससंठितणिव्वणदढमसिण फालियामयसुजायदंतमुसलोवसोभिताणं कंचणकोसीपविद्वदंतग्गविमलमणिरयणरुइरपेरंतचित्तरूवगविरायिताणं तवणिज्जविसालतिलगपम्हपरिमंडिताणं
नाणामणिरयणगुलियगेवेज्जबद्धगलयवरभूसणाणं वेरुलियविचित्तदंडनिम्मलव-इरामयतिक्खलट्ठअंकुसकुंभजुयलंतरोडियाणं तवणिज्जसुबद्धकच्छदप्पियबलुद्धदुराणं
जंबूनयविमलधणमंडलवइरामयलालाललियतालनानामणिरयणघंटपासगरयतामयरज्जूबद्धंबितघंटाजुयलमहरसरमणहराणं अल्लीणपमाणजुत्तवट्टियसुजातलक्खणपसत्थरमणिज्जवालगत्तपरिपुंछणाणं ओयवियपडिपुन्नकुम्मचलणलहविक्कमाणं अंकामयणक्खाणं तवणिज्जतालुयाणं तवणिज्जजीहाणं तवणिज्जजोत्तगसुजोतियाणं कामक-माणं पीतिकमाणं मनोगमाणं मनोरमाणं मनोहराणं अमियगतीणं अमियबलवीरियपुरिसकारपरक्कमाणं महया गंभीरगुलगुलाइयरवेणं महरेणं मनहरेणं पूरेता अंबरं दिसाओ य सोभयंता चत्तारि देवसाहस्सीओ गयरूवधारीणं देवाणं दक्खिणिल्लं बाहं परिवहति ।
___ चंदविमाणस्स णं पच्चत्थिमेणं सेताण सुभगाणं सुप्पभाणं चंकमियललियपुलितचलचवलककुदसालीणं सण्णयपासाणं संगयपासाणं सुजायपासाणं मियमाइतपीणरइतपासाण झसविहगसुजातकुच्छीणं पसत्थणिद्धमधुगुलितभिसंतपिंगलक्खाणं विलासपीवरोरुपडिपुन्नविपुलखंधाणंवट्टपडिपुन्नविपुल
दीपरत्नसागर संशोधितः]
[120]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |