Page Text
________________
[] जोइस-उद्देसओ। [३०८] अत्थि णं भंते चंदिम-सूरियाणं हेट्ठिपि तारारूवा अणुंपि तुल्लावि समंपि तारारूवा तुल्लावि उप्पिंपि तारारूवा अणुंपि तुल्लावि हंता अत्थि से केणटेणं भंते एवं वुच्चति-अत्थि णं चंदिमसूरियाणं जाव उप्पिंपि तारारूवा अणुंपि तुल्लावि गोयमा जहा- जहा णं तेसि दे देवाणं तव-नियमबंभचेराइं उस्सियाइं भवंति तहा तहा णं तेसिं देवाणं एवं पन्नायति अणुत्ते वा तुल्लत्ते वा से तेणटेणं गोयमा एवं वुच्चति-अत्थि णं चंदिम-सूरियाणं जाव उप्पिंपि तारारूवा अणुंपि तुल्लावि ।
[३०९] एगमेगस्स णं भंते चंदिम-सूरियस्स केवतिया नक्खत्ता परिवारो पन्नत्तो केवतिया महग्गहा परिवारो पन्नत्तो केवतिया तारागणकोडिकोडीओ परिवारो पन्नत्तो गोयमा एगमेगस्स णं चंदिमसूरियस्स
[३१०] अट्ठासीतिं च गहा अट्ठावीसं च होइ नक्खत्ता ।
एगससीपरिवारो एत्तो ताराणं वोच्छामि ।। [३११] छावटि सहस्साइं नव य सताइं पंच सयराइं ।
एगससीपरिवारो तारागणकोडकोडीणं ।। [३१२] जंबुद्दीवे णं भंते दीवे मंदरस्स पव्वयस्स केवतियं अबाहाए जोतिसं चारं चरति गोयमा एक्कारस एक्कवीसे जोयणसते अबाहाए जोतिसं चारं चरति लोगंताओ भंते केवतियं अबाहाए जोतिसे पन्नत्ते गोयमा एक्कारस एक्कारे जोयणसते अबाहाए जोतिसे पन्नत्ते इमीसे णं भंते रयणप्पभाए पुढवीए बहुसमरमणिज्जाओ भूमिभागाओ केवतियं अबाहाए हेढिल्ले तारारूवे चारं चरति केवतियं अबाहाए उवरिल्ले तारारूवे चारं चरति गोयमा सत्त नउते जोयणसते अबाहाए हेडिल्ले तारारूवे चारं चरति अट्ठ जोयणसताइं अबाहाए सूरविमाणे चारं चरति अटठ असीते जोयणसते अबाहाए चंदविमाणे चारं चरति नव जोयणसयाई अबाहाए उवरिल्ले तारारूवे चारं चरति हेद्विल्लाओ णं भंते तारारूवाओ केवतियं अबाहाए सूरविमाणे चारं चरति केवइयं अबाहाए चंदविमाणे चारं चरति केवतियं अबाहाए उवरिल्ले तारारूवे चारं चरति गोयमा दसहिं जोयणेहिं अबाहाए सूरविमाणे चारं चरति नउतीए जोयणेहिं अबाहाए चंदविमाणे चारं चरति दसुत्तरे जोयणसते अबाहाए उवरिल्ले तारारूवे चारं चरति सूरविमाणाओ णं भंते केवतियं अबाहाए चंदविमाणे चारं चरति केवतियं अबाहाए उवरिल्ले तारारूवे चारं चरति गोयमा असीए जोयणेहिं अबाहाए-चंदविमाणे चारं चरति जोयणसए अबाहाए उवरिल्ले तारारूवे चारं चरति चंदविमाणाओ णं भंते केवतियं अबाहाए उवरिल्ले तारारूवे चारं चरति गोयमा वीसाए जोयणेहिं अबाहाए उवरिल्ले तारारूवे चारं चरति गोयमा वीसाए जोयणेहिं अबाहाए उवरिल्ले तारारूवे चारं चरति एवामेव सपुव्वावरेणं दसुत्तरजोयणसतबाहल्ले तिरियमसंखेज्जे जोतिसविसए पन्नत्ते [जोतिसे चारं चरति] |
[३१३] जंबुद्दीवे णं भंते दीवे कयरे नक्खत्ते सव्वब्भिंतरिल्लं चारं चरति कयरे नक्खत्ते सव्वबाहिरिल्लं चारं चरति कयरे नक्खत्ते सव्वउवरिल्लं चारं चरति कयरे नक्खत्ते सव्वहेट्ठिल्लं चारं चरति गोयमा अभिइनक्खत्ते सव्वब्भिंतरिल्लं चारं चरति मूले नक्खत्ते सव्वबाहिरिल्लं चारं चरति साती नक्खत्ते सव्वोवरिल्लं चारं चरति भरणीनक्खत्ते सव्वहेडिल्लं चारं चरति ।
[३१४] चंदविमाणे णं भंते किसंठिते पन्नत्ते गोयमा अद्धकविठ्ठगसंठाणसंठिते सव्वफालिपडिवत्ति-३
दीपरत्नसागर संशोधितः]
[119]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |